DINAMO organiza o Espazo de Xogos Nadaleños no Centro Cívico Santa Lucía (A Coruña)

Todas as mañás do Nadal, salvo os días festivos, un grupo de 12 nenas e nenos participa nun espazo de xogos e actividades no Centro Cívico de Santa Lucía, organizado e xestionado pola equipa profesional de DINAMO.

Cada mañá durante tres horas as cativas e cativos participan en obradoiros manuais, actividades musicais,  xincanas, contacontos, e xogos, moitos xogos.

Esta é unha gran oportunidade para as nenas e nenos pois a diversión está garantiza, pero tamén é un servizo básico para as familias, pois desta maneira as nais ou pais poden ir traballar, ter tempo para facer as mercas de Nadal, ou simplemente descansar. En definitiva este programa ven a ser unha acción de conciliación da vida familiar e laboral.

Ademais o vindeiro xoves 3 de xaneiro a rapazada recibirá a visita dos Reis Magos de Oriente.

DINAMO organizou unha gran Festa de Nadal en Moeche

O domingo 23 de Decembro a equipa profesional de DINAMO organizou a Festa Infantil de Nadal do Concello de Moeche.

A festa desenvolveuse no Pavillón Municipal, e dende as 16:30 foronse sucedendo un sinfín de actividades lúdicas para as máis cativas/os: hinchables, sesión de xogos nadaleños, visita de Papa Noel, entrega de agasallos, xogos populares, chocolatada ...

Pequenas/os e maiores pasaron unha tarde dun xeito moi divertido e diferente.

As festas de Nadal son unha das principais actividades que leva a cabo DINAMO nestas datas, xunto cos obradoiros, animacións teatrais ...

DINAMO organiza a Programación Cultural de Nadal de Dodro

Dende DINAMO xestionamos a Programación Cultural de Nadal do Concello de Dodro.  Durante as case tres semanas de celebracións o Concello de Dodro ofrece unha manchea de actividades para as cativas e cativos, todas elas organizadas por DINAMO.

As citas son as seguintes:

Venres 21 de Decembro
18:00. Representación teatral "Dous Pallasos en + Apuros", de Os Sete Magníficos + 1. 
19:00. Visita de Papa Noel e entrega de lambetadas

Venres 28 de Decembro
17:00. Festa Infantil

Venres 4 de Xaneiro
18:00. Caxoto Contacontos
19:00. Visita do Carteiro Real

Estas actividades son parte do gran número de eventos que organiza DINAMO nas datas de Nadal, dos que iremos dando conta nesta bitácora

DINAMO organizou un Obradoiro de Adornos de Nadal no Centro Cívico de Novo Mesoiro

Os pasados días 18, 19 e 20 de Decembro a equipa educativa de DINAMO levou a cabo un Obradoiro de Adornos Nadaleños no Centro Cívico de Novo Mesoiro.

A actividade foi destinada a rapazas e rapaces de 3 a 9 anos, e durante tres tardes as máis cativas e cativos confeccionaron diferentes adornos e elementos decorativos de Nadal, sempre con materiais específicos.

Este tipo de actividade ademáis de ter un gran potencial educativos para as pequenas/os tamén supoñen unha excelente medida de axuda á conciliación laboral e familiar, pois mestre as e os participantes pasan unha hora e media divertíndose as súas nais e pais poden aproveitar ese tempo da mellor maneira.

Esta é unha das primeiras actividades que DINAMO realizou no seu extenso programa de Nadal, do que iremos dando conta.

O Apalpador chega ós colexios da Coruña da man da AAVV Atochas - Monte Alto e DINAMO

Nos días que quedan de decembro o Apalpador visitará boa parte do colexios coruñeses para que todas as cativas e cativos o coñezan en persoa.

Trátase dunha iniciativa da Asociación de Veciñas/os Atochas - Monte Alto, xestionada e executada por DINAMO. 

En cada centro o Apalpador charlará cas cativas e cativos, fará unha sesión de contacontos (narrando as súas peripecias vitais) e entregará agasallos a todas as cativas e cativos.

As citas son as seguintes:

Sábado 15. Recebemento do Apalpador. CEIP Curros Enríquez.
Luns 17. CEIP Curros Enríquez e CEIP Zalaeta
Martes 18. CEIP Victor López Seoane e CEIP Sanjurjo de Carricarte
Mércores 19. CEIP San Francisco Xabier
Xoves 20. CEIP Palavea

Se queres que o Apalpador visite o teu centro, o teu concello, a túa entidade ... chama ó 647.488.688 ou escribe un correo electrónico a dinamo@dinamoxestion.com

DINAMO organiza boa parte das actividades da campaña "Vive o Nadal" de Culleredo

Dende o pasado venres 7 de decembro a Concellería de Promoción Económica do Concello de Culleredo, en colaboración coa Asociación do Comercio de Culleredo, está a desenvolver a Campaña "Vive o Nadal en Culleredo".

Unha manchea de actividades e propostas conforman a campaña que anima ás veciñas e veciños a consumir (dun xeito responsable) no comercio local.

A equipa profesional de Nadal realiza moitas das actividades programadas: animacións teatrais de Nadal, obradoiros para mozas e mozos, actividades para as máis cativas/os, formación para as e os comerciantes ...

Adxuntamos a imaxe da campaña, así como o programa de actividades.

Comeza o Curso de Lingua de Signos en Culleredo cunha ampla demanda

Este luns, 10 de decembro, comezou en Culleredo o Curso de Lingua de Signos, organizado polo concello cullerdense, a través da Concellería de Educación.

 

O curso tuvo moi boa resposta entre as veciñas e veciños, xa que houbo máis de 70 solicitudes para tan só 20 prazas. Afortunadamente a sociedade vaise concienciando da necesidade de establecer pontes de comunicación coa comunidade xorda.

 

Imparten este curso dúas especialistas e intérpretes en lingua de signos que forman parte da equipa profesional de DINAMO.

 

Dende DINAMO ofrecemos variedade de cursos e accións formativas no eido da Lingua de Signos. Se queres máis información podes chamar ó 647.488.688 ou escribir a dinamo@dinamoxestion.com

Tres días de intensa actividade de DINAMO na Feira das Industrias Culturais CULTURGAL

Nesta pasada fin de semana DINAMO Xestión de Actividades Socioculturais participou na Feira das Industrias Culturais CULTURGAL que se celebrou no Pazo da Cultura de Pontevedra.

 

A equipa de DINAMO contou cun stand informativo no que se realizaron numerosas actividades e se ofreceu información de todos os produtos e servizos que se prestan dende a empresa, sobre todo os ligados co sector cultural.

 

Un deses produtos teatrais é "Radio Torreiro" (montaxe teatral da compañía DINAMOteatro) que representou a modo de showcase un pequeno extracto do espectáculo no espazo "O Patio".

 

No eido máis infantil podemos salientar a Visita do Apalpador da man de DINAMO, así como os obradoiros de chapas, globoflexia ...

 

A experiencia do Culturgal (da que DINAMO é o terceiro ano que participa) sirve de nexo de unión de contactos, proxectos, reencontros, experiencias ... en definitiva: ilusións.

 

DINAMO organizou un Obradoiro de Empaquetado Creativo de Agasallos en Culleredo

Por iniciativa do Concello de Culleredo, como acción de apoio para o comercio local os pasados xoves 15 e 22 de novembro leváronse a cabo sendos obradoiros de "Empaquetado Creativo de Agasallos" impartidos por persoal especializado da empresa DINAMO Xestión de Actividades Socioculturais.

 

Durante un par de horas cada xornada as e os comerciantes cullerdense descubriron novas formas de empaquetar os agasallos, pensando sobre todo ne época nadaleña que se achega.

 

Ademáis tamén traballaron sobre como decorar as súas tendas e establecementos no vindeiro Nadal.

 

Esta acción forma parte dun extenso plan da área de Promoción Económica do Concello de Culleredo para apoiar ó pequeno comercio. Das seguintes accións xa iremos dando conta en sucesivas entradas.

DINAMO levou a cabo as Xornadas sobre Estereotipos de Xénero no Concello de Abegondo

Nas pasadas semanas de novembro a equipa educativa de DINAMO levou a cabo as Xornadas sobre Estereotipos de Xénero nos centros educativos do Concello de Abegondo. 

Máis dun cento de rapazas e rapaces participaron nas sesións de traballo nas que se abordaron os estereotipos e os roles machistas, co obxectivo de erradicalos no menor tempo posible, e acadar así a igualdade efectiva entre homes e mulleres.

Participaron catro grupos de Educación Primaria do CEIP San Marcos (5º e 6º de Educación Primaria) e dous grupos de 2º da ESO do IES de Viós. Cada grupo-aula participou en tres sesións de traballo coa equipa profesional de DINAMO, especializada en temas de igualdade de xénero e prevención da violencia machista.

O programa pechouse o pasado venres 23 de novembro cun acto institucional na casa consistorial, onde as alumnas e alumnos amosaron os traballos realizados, concretado nun video-resumo que se editou dende DINAMO. O acto contou coa presenza do Alcalde de Abegondo (José Antonio Santiso Miramontes)  e a concelleira de Servizos Sociais, dinamizado polo actor Pedro Brandariz.

DINAMO presenta un amplo Catálogo de Actividades para o Nadal

Nestes últimos días de novembro dende DINAMO estamos a difundir a nosa "Proposta de Actividades para o Nadal" que poden levar a cabo dende os concellos, departamentos municipais, escolas, centros de ensino, asociacións ...

Trátase dun amplo catálogo cheo de posibilidades, dende obradoiros temáticos, ata festas de Nadal, pasando por animacións teatrais (de Nadal), contacontos, espectáculos ...

Ademáis a proposta recolle actividades e iniciativas para todas as idades, dende as máis cativas e cativos ata a poboación adulta.

Moitos concellos e centros educativos aproveitan as festas do Nadal para ofrecer ás súas veciñas/os ou alumnado unha serie de actividades especiais, que escapen do día a día. E ahí DINAMO ten un papel importante ofrecendo solucións e alternativas para todas e todos.

Se queres recibir a "Proposta de Actividades para o Nadal" só tes que chamar ó 647.488.688 ou escribir un correo electrónico a dinamo@dinamoxestion.com.

DINAMO imparte un Curso de Lingua de Signos no Concello de Culleredo

Dende o vindeiro día 10 ata o 21 de decembro a equipa profesional de DINAMO impartirá un Curso de Lingua de Signos, de nivel básico. 

  

Neste curso, a través de dinámicas e exercicios específicos apréndense os rudimentos básicos para establecer unha comunicación na lingua de signos, que moitas persoas utilizan, especialmente a comunidade xorda.

 Da mesma maneira que na aprendizaxe dun idioma nova neste curso vaise dar información funcional para poder manter un conversa: alfabeto dactilológico, léxico, principais mensaxes ...

As docentes do curso teñen unha dilatada experiencia no eido da Comunicación en Lingua de Signos, con formación como intérpretes.

O curso é gratuito e desenvolverase no edificio de Servizos Múltiples do Burgo do 10 ao 21 de decembro de 2012, entre as 19:30 e as 21:30 horas. Está organizado polo Concello de Culleredo, dende a Concellaría de Educación.

A inscrición farase dende o luns 19 de novembro ata cubrir as prazas, en horario de 9:00 a 14:00 horas no Servizo Municipal de Educación, na rúa Andrés Pan Vieiro, 30, planta -1, no edificio do Conservatorio, ou no teléfono 981 661 208.

DINAMO ten amplo catálogo de cursos e accións formativas dentro do eido sociocultural. Se queres coñecelos podes chamar ó 647.488.688 ou escribir a dinamo@dinamoxestion.com

DINAMOteatro fomenta a igualdade de xénero na Feira de Cambre

A compañía DINAMOteatro realizou o pasado domingo 18 de novembro un espectáculo teatral itinerante na Feira (Mercado Tradicional) de Cambre.

Esta foi outra das accións enmarcadas dentro da campaña de fomento da igualdade de xénero e prevenvión da violencia machista "A toda vela contra a discriminación" que organiza o Concello de Cambre e xestiona a equipa profesional de DINAMO.

Tres actrices e actores (caracterizadas/os de deportistas) revolucionaron o mercado tradicional para transmitir a mensaxe de que todas e todos debemos contribuír á igualdade de xénero, con accións individuais e colectivas, dende o ámbito máis concreto ata os máis xerais.

Ademáis a equipa escénica aproveitou para repartir entre toda a veciñanza cambresa diferentes produtos promocionais da campaña: bolsas de tea, chapas, carteis ...
  
E para rematar as máis cativas e cativos poideron deseñar e confeccionar as súas propias chapas con mensaxes igualitarias, grazas ó obradoiro que se levou a cabo no propio espazo da feira.

DINAMOteatro é unha compañía especializada en espectáculos de animación itinerante, e co obxectivo de concienciar á cidadanía en valores democráticos e de xustiza social. Para coñecer o amplo catálogo de espectáculos podes contactar con nós no 647.488.688 ou en dinamo@dinamoxestion.com

Cambre presenta a campaña "A toda vela contra a discriminación" deseñada por DINAMO

A equipa profesional deseñou, igual que en anteriores edicións, a Campaña pola Igualdade e Prevención da Violencia de Xénero, que neste caso leva o nome "A toda vela contra a discriminación".

A campaña consta de varios programas e accións de sensibilización: obradoiros en institutos, xincanas en colexios, accións na rúa, actos conmemorativos, edicición de materiais (carteis, chapas ...)

O obxectivo da campaña é concienciar ás veciñas e veciños de Cambre na prevención da violencia de xénero e na necesidade de alcanzar a igualdade de xénero real.

Todas as actividades son xestionadas e levadas a cabo pola equipa profesional de DINAMO, que está especilizada en temas de igualdade e xustiza social, dinamizando actividades deste tipo en múltiples concellos de Galicia.

DINAMOteatro encheu de risas a vila de Cedeira

O pasado sábado 10 de novembro a compañía DINAMOteatro levou o seu "circo particular" ó Auditorio Municipal de Cedeira que estaba ateigado de cativas e cativos (coas súas respectivas nais e pais).

A Familia do Pindirico, formada polos actores e actrices da compañía, representou diferentes números cómicos que fixeron pasar un tarde moi divertida ó numeroso público alí congregado.

Este é un dos espectáculos máis senlleiros da compañía DINAMOteatro que protagonizan o cómico Pedro Brandariz e o contacontos Felipe Díaz "Caxoto" que comparten escenario coa actriz Carmen Cotelo.

Trátase dun espectáculo para todos os públicos e que ven de percorrer boa parte das vilas galegas. Nos vindeiros meses continuará o seu periplo pola xeografía galaica.

DINAMO participou na Hora do Conto das Bibliotecas de Oleiros

Nos meses de Outubro, Novembro e Decembro estase a levar a cabo o Programa "A Hora do Conto" nas Bibliotecas Municipais do Concello de Oleiros. Este programa é todo un clásico da animación á lectura das bibliotecas oleirenses.

Desta volta a participación de DINAMO veu da man do monologuista, cómico e contacontos Pedro Brandariz que narrou un feixe de historias o pasado 7 de novembro na Biblioteca de Santa Cruz, para un abultado público de máis de 50 cativas e cativos coas súas respectivas nais e pais. 

Dende DINAMO contamos cun amplo catálogo de espectáculos para as máis cativas e cativos, así como diferentes contadoras e contadores de historias. Se queres recibir máis información podes chamar ó 647.488.688 ou escribir un correo electrónico a dinamo@dinamoxestion.com

DINAMO animou a XXIII Feira do Mel de Oleiros

O pasado domingo 4 de Novembro celebrouse no Mercado Municipal de Perillo (Oleiros) a XXIII edición da Feira do Mel, unha cita ineludible no outono oleirense.  Dentro das actividades complementarias a equipa profesional de DINAMO encargouse da animación das máis cativas e cativos. 

A través de grandes xogos, xincanas e obradoiros as nenas e nenos pasaron unha tarde moi divertida aprendendo un feixe de cousas sobre o mel, as abellas e a apicultura. Namentras as súas nais e pais poideron visitar tranquilamente todos os stands da feira, así como facer as mercas oportunas.

A Feira do Mel está organizada polo Concello de Oleiros e conta coa participación de boa parte das apicultoras/es de Galicia

DINAMO estivo de Samaín no IES Espiñeira de Boiro

Este mércores 31 de novembro celébranse en moitos lugares da xeografía galega a festa do Samaín. Por eses motivo en moitos centros educativos e de ensino a mañá do 31 adicárona a actividades temáticas, pero de carácter lúdico.

Ese foi o caso do IES Espiñeira de Boiro, no que as alumnas e alumnos poideron participar en dúas actividades organizadas pola equipa profesional de DINAMO:

- Obradoiro de Cabazas do Samaín.
- Obradoiro de Maquillaxe de Efectos.

Estas son dúas das actividades máis demandadas polas mozas e mozos nestas datas de Samaín.

Pero esta non é a única cita de DINAMO co Samaín, tamén se celebran actividades semellantes no Centro de Lecer Xuvenil Portaberta, animacións e pasadizos de terror en casas rurais ... das que iremos dando conta neste blogue.

DINAMO organiza varias das actividades de NOCTURNIA

Dende a semana pasada botou a andar unha nova edición de Nocturnia, o programa de lecer alternativo para a mocidade. Durante os meses de outubro, novembro e decembro a mocidade coruñesa pode participar nunha manchea de actividades, propostas e iniciativas.

Dende DINAMO organizamos varias das actividades que forman parte do programa:
- Obradoiro de Maquillaxe de Efectos (26 de Outubro): dinamizado por Lorena Cambón
- Obradoiro de Meiguiñas (2 de Novembro): dinamizado por Felipe Díaz Caxoto
- Obradoiro de Clown (2 e 16 de Novembro): dinamizado por Pedro Brandariz
- Obradoiro de Contacontos (1 e 15 de Decembro): dinamizado por Felipe Díaz Caxoto

Para participar nas actividades é necesario inscribirse na páxina www.coruna.es/nex. Para as actividades de novembro xa está aberto o prazo de inscrición.

A equipa profesional de DINAMO está especializada en actividades para a xuventude, programas xuvenis ...

Moitas risas en Arzúa con DINAMOteatro

O pasado domingo a compañía DINAMOteatro representou o espectáculo "Radio Torreiro" no Local Social de Burres en Arzúa. 

Felipe Díaz "Caxoto" e Pedro Brandariz protagonizan un espectáculo que ofrece unha análise humorística das festas galegas, das celebracións populares, das costumes ...

Durante 90 minutos os actores van enfiando un conxunto de esceas, a cada cal máis hilarante, nas que o público se ve identificado.

O que ven as espectadoras e espectadores é a gravación dun programa de radio, con bloques de titulares, programas de investigación, testemuñas, seccións musicais, deportivas ... todas elas moi, moi cómicas.

A actuación foi promovida pola Concellería de Cultura do Concello de Arzúa e a resposta por parte do público foi moi positiva.

DINAMO organiza un Magosto en Cambre para persoas con Diversidade Funcional

A Concellería de Servizos Sociais do Concello de Cambre organiza, a través de DINAMO Xestión de Actividades Socioculturais, un magosto para persoas con diversidade funcional.

Hoxe venres 26 de Outubro, a partir das cinco da tarde, unha veintena de mozas e mozos participarán nunha manchea de actividades en torno ó Magosto: asado de castañas, obradoiros, xogos populares, ...

Esta actividade está dentro dun plan de colaboración do Concello de Cambre cos colectivos de persoas con diversidade funcional.

DINAMO leva a cabo os Obradoiros de Bó Trato nos institutos de Cambre

Durante os meses de outubro e novembro a equipa profesional de DINAMO está a levar a cabo os Obradoiros de Bó Trato dentro da Campaña de Prevención, Sensibilización e Concienciación contra a Violencia de Xénero do Concello de Cambre.

Os obradoiros educativos desénvolvense con todos os grupos do segundo curso da ESO (Educación Secundaria Obligatoria) dos centros de ensino secundario do concello cambrés, tanto o Alfonso X O Sabio (A Barcala) como o David Buján (Sigrás). 

Cada grupo / aula participa en seis sesións de traballo de 50 minutos no que se traballan os estereotipos de xénero, roles, funcións, tipoloxía das discriminacións, causas e consecuencias da violencia de xénero, prevención, corresponsabilidade ...

As seis sesións concluirán cun concurso de "guións de curtametraxes" das que os dous mellores gravaranse de maneira profesional, e que serán presentadas arredor do día 25 de Novembro (Día Internacional contra a Violencia de Xénero)

Aqui tedes a Proposta de Actividades para o Magosto e o Samaín de DINAMO

Coa chegada do Outono dende DINAMO damos a coñecer a nosa Proposta de Actividades para o Tempo dos Magostos e o Samaín.

Trátase dun amplo catálogo de posibilidades para que concellos, asociacións, centros educativos, grupos ... celebren dúas das tradicións máis senlleiras da cultura galega como son os magostos e a noite de Samaín.

Dende obradoiros de cabazas ou actividades de animación para as máis cativas e cativos ata grandes eventos para a xente adulta: magosto con actuacións musicais, espectáculos teatrais, concertos ... conforman a nosa proposta de iniciativas para todos os públicos.

E evidentemente ofrécese o magosto en sí mesmo: o asado de castañas para todas as e os participantes.

Se queredes recibir a nosa proposta, así como un orzamento personalizado podedes solicitalos no 647.488.688 ou escribir un correo electrónico a dinamo@dinamoxestion.com

DINAMO impartiu un Obradoiro de Risoterapia na Asociación Fraga das Saímas

O pasado sábado 29 de setembro DINAMO organizou un Obradoiro de Risoterapia en Boimente, Viveiro. O obradoiro xurdiu da iniciativa da Asociación de Mulleres Rurais Fraga das Saímas.

30 persoas de todas as idades participaron nun obradoiro dinamizado por Pedro Brandariz de 17 a 20 horas, no cal se traballaron as principais dinámicas e exercicios da Risoterapia.

A actividade encádrase dentro do programa "Veladas" que tenta xuntar e dinamizar a toda a veciñanza de Boimente e de Viveiro.

DINAMO xestionou os Campamentos Específicos para Persoas con Discapacidade

O pasado 20 de Setembro remataron os Campamentos Específicos para Persoas con Discapacidade que organizou a Dirección Xeral de Política Social da Xunta de Galicia e que levou a cabo DINAMO Xestión de Actividades Socioculturais.

Os campamentos desenvolvéronse en quendas de 10 días, dende o pasado 1 de Agosto ata o 20 de Setembro, no Albergue Xuvenil de Gandarío. En cada quenda participaron un máximo de 30 persoas, contando co apoio e dinamización de 13 monitoras/es, unha directora/or e persoal sanitario.

As monitoras/es encargáronse, ademais do traballo de dinamización das actividades do campamento, dos coidados necesarios para cada participante.

Todos os anos os campamentos teñen unha temática, seguen un fío conductor. Desta volta todas as actividades foron ambientadas na obra de Antoine de Saint Exupéry, O Principiño. Cada xornada de traballo todo o que pasaba estaba vencellado directamente cunha pasaxe da obra literaria.

As actividades que se realizaron en cada unha das quendas foron moi variadas: Xogos, Obradoiros, Xincanas, Saídas, Excursións, Actividades Deportivas, Actividades Naúticas, Tardes de Praia, Veladas, ...

Xa está dispoñible a Proposta de Actividades Extraescolares 2012-2013

Dende DINAMO Xestión de Actividades Socioculturais presentamos unha Proposta de Actividades Extraescolares e Complementarias moi ampla e variada, para que todos os centros de ensino de Galicia poidan ofertar ás súas alumnas e alumnos novas iniciativas educativas e de lecer.

Dentro das actividades extraescolares somos especialistas e n diferentes áreas: artísticas, escénicas, musicais, deportivas ... Pero non só se ofrecen actividades extraescolares nesta proposta senón un gran abano de programas e servizos: mañanceiros, dinamotardes, escola de nais e pais, actividades de lecer ...

Poden ser actividades continuadas ou de carácter puntual. É dicir deseñamos actividades á medida das circunstancias específicas e intereses de cada centro educativo ou asociación de nais e pais.

Se queres recibir a nosa proposta só tes que pedila no 647.488.688 ou escribir un correo electrónico a dinamo@dinamoxestion.com

DINAMOteatro participou nas Festas de María Pita coa Familia da Pindirico

O pasado domingo 19 de Agosto a compañía DINAMOteatro presentou o seu espectáculo infantil " A Familia do Pindirico" na Praza Pablo Iglesias de A Coruña, dentro da programación das Festas de María Pita.

Dende as 19:00 unhas trescentas persoas presenciaron o espectáculo dirixido a todos os públicos, pero en especial ás máis cativas e cativos.

"A Familia do Pindirico" é un espectáculo de comedia, onde unha familia moi particular decide montar un circo dos de toda a vida. Durante 60 minutos as tres actrices e actores levan a cabo unha serie de skechts cómicos que provocan as gargalladas de todo o público.

DINAMOteatro é unha compañía que naceu no ano 2006, e conta con diferentes montaxes en cartel: Radio Torreiro, Con Sumo Gusto ...

DINAMO organizou Tardes de Xogos Populares en Ourol e Cambre

O pasado domingo 12 e o xoves 16 de Agosto a equipa profesional de DINAMO levou a cabo dúas sesións de Xogos Populares no concello lucense de Ourol e no coruñés de Cambre.

Nunha e outra localización as veciñas e veciños participaron de múltiples xogos tradicionais, como a rá, a ferradura, o pescabotellas, os zancos, o cravapuntas, o futbolín tradicional, a torre de madeira, os aros, as carreiras de sacos, a corda, a comba, o lanzamento de alpaca ...

Estes xogos e entretementos teñen unha longa tradición e sempre funcionan entre pequenas/os e non tan pequenas/os. 

Ambas tardes de actividades foron enmarcadas dentro da programación das festas locais.

Dende DINAMO organizamos actividades vencelladas co xogo tradicional, empregando materiais específicos e monitoras/es especializadas/os.

DINAMO participou no AlfarOleiros 2012

O pasado venres 10 de Agosto a equipa profesional de DINAMO organizou un Obradoiro de Barro para as máis cativas e cativos dentro da Feira AlfarOleiros, que se celebra estes días na vila de Santa Cruz.

As pequenas e pequenos durante dúas horas poideron modelar as súas figuras e creacións artísticas, coa axuda e supervisión de dúas monitoras/es especializadas

DINAMO organiza un Obradoiro de Rap no Centro Cívico de Novo Mesoiro

Dende o pasado martes 7 de Agosto as mozas e mozos de Novo Mesoiro poden participar nas clases de rap que imparte o coñecido MC Doble DL.

Todos os martes e xoves ata o 23 de agosto as e os participantes aprenderán as técnicas básicas do rap e do dj durante hora e media cada día.

Dende DINAMO organizamos multitude de actividades interesantes para a dinamización da mocidade.

DINAMO participará no Campo de Traballo "Mar e Discapacidade"

A través da coordinación da Fundación Educación, Deporte y Salud (Fedys) a equipa profesional de DINAMO xestionará as actividades do Campo de Traballo "Mar e Discapacidade" que se desenvolverá na cidade da Coruña do 1 ao 15 de Agosto.

Nesta actividade, que forma parte do Programa Acción de Verán de 18 a 35 anos, participarán 20 mozas e mozos chegados de toda a xeografía penínsular. 

Polas mañás desenvolveran traballos voluntarios no ámbito das actividades acuáticas para persoas con discapacidade e apoio a persoas con mobilidade reducida. Desta maneira colaborarase coa Fundación María José Jove e coa Fundación Padre Rubinos.

Tamén se prestará apoio a colectivos de persoas con diversidade funcional para visitar a Tall Ships Race.

Polas tardes e noites a equipa profesional de DINAMO organizará actividades de lecer.

DINAMO xestiona os Campamentos Específicos para Persoas con Discapacidade

Xa está todo preparado para que o vindeiro mércores, 1 de agosto, comecen os Campamentos Específicos para Persoas con Discapacidade da Xunta de Galicia, que este ano terán como temática principal a historia do "Principiño".

Todas as actividades e dinámicas dos campamentos estarán ambientadas na obra de Antonie de Saint Exupéry creando desta maneira unha atmósfera de animación, fantasía e imaxinación.

Outros anos as temáticas foron: Superheroes, A Volta ao Mundo en 10 días, Luces-Cámara-Acción, o Circo ...

Os campamentos organízanse en 5 quendas de 10 días cada un, dende o 1 de agosto ata o 20 de setembro.

En cada turno participan un máximo de 30 persoas,e contan co apoio, supervisión e monitoraxe dunha grande equipa de profesionais: monitoras/es, directoras/es, enfermeiras/os ...

Todas as quendas celebraranse no Albergue Xuvenil de Gandarío.

Este ano como novidade propoñemos que os campamentos estén "conectados", polo que estarán dispoñibles numerosas ferramentas de comunicación para que as nais e pais saiban o que se fai día a día no campamento.

O blogue será "http://noplanetadosbaobabs.blogspot.com"

O facebook será "No Planeta do Principiño"

O twitter será "@NoPlanetadoPrincipiño"

...

Os campamentos están organizados pola Dirección  Xeral de Política Social da Xunta de Galicia e xestionados por DINAMO Xestión de Actividades Socioculturais SL

Contacontos e Globoflexia no Campamento Urbano da APA Valle Inclán de Perillo

Este martes, 10 de Xullo, as cativas e cativos que participan no Campamento Urbano da APA do CEIP Valle Inclán viviron unha maña diferente, cunha sesión de contacontos e un obradoiro de globoflexia.

Os contos foron narrados e enfiados polo gran contador "Caxoto Contacontos" e o obradoiro de globoflexia foi levado a cabo pola equipa profesional de DINAMO.

Nunha primeira quenda participaron as nenas e nenos de Educación Infantil e despois foi o turno das rapazas e rapaces do 1º Ciclo de Educación Primaria.

Foron dúas actividades moi atractivas para a rapazada, sobre todo porque os globos tamén foron protagonistas da sesión de contos e historias.

A actividade foi organizada pola Asociación de Nais e Pais das Alumnas e Alumnos do CEIP Valle Inclán de Perillo, e levada a cabo por DINAMO.

Comeza o Programa "Saída 21 de Verán" en Cabanas

Este venres 6 de Xullo comeza no Apeadoiro de Cabanas o programa “Saída 21 de Verán” para as mozas e mozos de Cabanas.

Todos os venres de verán de 20 a 22 horas as mozas e mozos de 12 a 18 anos poden participar en actividades xuvenís como: obradoiros, cociña, música, dj`s, xogos …

De feito as primeiras actividades serán un Obradoiro de Chapas e un Obradoiro de DJ.

Este programa ven a ser unha continuación do Planet Club, servizo para a mocidade que se desenvolve durante o curso escolar en Pontedeume.

O programa “Saída 21” consiste na colaboración dos concellos de Cabanas e Pontedeume en materia de mocidade.

As actividades do Programa “Saída 21 de Verán” xurde por iniciativa do Concello de Cabanas, que tamén a financia, co apoio da Deputación da Coruña.

Esta é unha das múltiples actividades que dende DINAMO levamos a cabo coa mocidade. Traballamos para moi diferentes concellos con programas diferenciados e multidisciplinares: Oleiros, Cambre, Culleredo, Narón, Pontedeume, Cabanas, Arteixo …

Un novo proxecto formativo, A ESCOLA DAS UTOPÍAS

Hoxe queremos presentarvos un proxecto de formación que nace ao amparo de DINAMO Xestión de Actividades Socioculturais SL. 

A Escola das Utopías é unha Asociación Cultural que nace na Coruña no ano 2012 co obxectivo primordial de ofrecer un proxecto de formación de carácter sociocultural, escénico  e artístico de calidade.

Os nosos tres obxectivos primordiais son os seguintes:

*Que as persoas interesadas nas artes escénicas, plásticas,…  poidan realizar actividades de iniciación e descubrimento.

*Que as persoas con experiencia nos eidos artísticos poidan completar a súa formación con actividades e propostas de calidade

*Que as persoas que traballan no eido sociocultural dispoñan dunha formación específica que as e os capacite para o seu día a día.

E comezamos con tres cursos para este mes de Xullo. Son os seguintes:

DINAMO organizou un Obradoiro de Inglés en Vilarmaior

Os pasados meses de maio e xuño as nenas e nenos do Concello de Vilarmaior participaron nun Obradoiro de Inglés, desenvolvido por unha docente profesional.

Todos os sábados pola mañá,  e os luns pola tarde un grupiño bastante numeroso de cativas/os aprenderon os rudimentos básicos do idioma de Shakespeare. 

Cada nena e neno traballou dende o seu nivel, pois os de maior idade xa tiñan bastantes coñecementos.

A metodoloxía do obradoiro foi eminentemente lúdica, baseada en divertidos xogos e dinámicas. A actividade tamén serviu de apoio e reforzo escolar.

A actividade xurdiu por iniciativa do Concello de Vilarmaior e foi levada a cabo por DINAMO Xestión de Atividades Socioculturais.

Dentro de todos os servizos socioculturais e educativas que  ofrecemos dende DINAMO tamén están as actividades de apoio e reforzo escolar, ensino de idiomas, orientación pefagóxica ...

DINAMO organiza un Obradoiro de Risoterapia en Moeche

Dende o pasado 29 de Xuño e ata o vindeiro 13 de Xullo todas as veciñas e veciños do Concello de Moeche poden participar nos Obradoiros de Risoterapia que se realizan na Biblioteca Municipal.

O obradoiro consta de tres sesións de 2 horas, que se celebran todos os venres.

Na actividade participan persoas de todas as idades.

Esta é unha das múltiples actividades en torno á “risoterapia” que organizamos dende DINAMO Xestión de Actividades Socioculturais.

DINAMO viaxou á Costa Dourada co alumnado do CPI A Picota (Mazaricos)

Un grupo de alumnas e alumnos de 4º ESO o CPI A Picota de Mazaricos fixeron unha viaxe á Costa Dourada e Barcelona, contando coa monitoraxe da equipa profesional de DINAMO.

Dende o día 22 ata o 28 de xuño, 17 mozas e mozos estiveron acompañados por dúas monitoras/es de DINAMO, visitando Salou, PortAventura, Barcelona …

As monitoras/es de DINAMO velaron pola seguridade das mozas e mozos, ademais de organizar as actividades complementarias, manter o funcionamento da actividade …

A viaxe foi organizada pola Axencia de Viaxes de El Corte Inglés, metres que a monitoraxe foi cousa de DINAMO Xestión de Actividades Socioculturais.

DINAMO organizou as Actividades Lúdicas da Xuntanza das Familias de Arteixo

O pasado día 22 de xuño, celebrouse en Arteixo a xa clásica Xuntanza das Familias na que todas as veciñas e veciños de Arteixo poden participar e recibir formación para un mellor funcionamento das cuestión familiares.

Pero nesta xornada non só participan as nais e os país, senón que tamén hai un importante bloque de actividades para as cativas e cativos.  Nesa sección de actividades lúdicas participou a equipa profesional de DINAMO, organizando as seguintes actividades e servizos

-      

-    Servizo de Gardería para nenas e nenos de 0 a 3 anos

-   Control e seguridade de todas as nenas e nenos participantes

-   Hinchables

-   Obradoiro de Chapas

-   Espectáculo de Maxia do Mago Marttyn

Nas actividades lúdicas tamén colaboraron os membros de Protección Civil organizando actividades de aventura: tirolina, rappel, obradoiro de primeiros auxilios.

Desta maneira todas as familias pasaron unha tarde divertida e moi aproveitable para o seu día a día.

A Xuntanza das Familias celebrouse no Centro Tecnolóxico de Arteixo e foi promovida polo Concello de Arteixo

DINAMO participou na Semana Cultural do IES Fragas do Eume

A pasada semana a equipa profesional de DINAMO levou a cabo diferentes actividades dentro da Semana Cultural do IES Fragas do Eume, dentro do Programa de Intervención coa Mocidade “Saída 21” impulsado polo Concello de Cabanas e Pontedeume.

O mércores 20 e o xoves 21 as mozas e mozos participaron en actividades como “Gravación de Curtas co Móbil”, “Xincana Ambiental no Piñeiral de Cabanas”, “Xogos Populares”, “Obradoiro de Ligue” …

Son actividades demandadas pola propia mocidade, a través do Programa de Intervención coa Mocidade “Saída 21” que organiza actividades durante todo o curso escolar e tamén durante os períodos vacacionais. De feito xa se están preparando as actividades dos meses de verán, das que daremos conta neste blogue.

DINAMO organizou a Festa de Fin de Curso do CEIP San Marcos de Abegondo

Este mércores 20 de Xuño, as cativas e cativos do CEIP San Marcos de Abegondo disfrutaron dunha gran festa de fin de curso, organizada e dinamizada pola equipa profesional de DINAMO.

Foron 345 nenos e nenas que repartidos en pequenos grupos foron rotando por numerosas actividades: xogos populares, xogos con paracaídas, animación musical, globoflexia, pequenos obradoiros, contacontos …

Durante tres horas e media as rapazas e rapaces de 3 a 12 anos correron, bailaron, xogaron … pero sobre todo divertíronse.

Esta actividade foi promovida pola Asociación de Nais e Pais de Alumnas/os do CEIP San Marcos de Abegondo.

A equipa profesional de DINAMO está especializada nunha animación didáctica e que fomenta os valores educativos.

DINAMO participa no Encontro da Mocidade de Narón

Este venres 15 de xuño a equipa profesional de DINAMO participará con dúas actividades no Encontro da Mocidade de Narón.


Dentro dun extenso programa de actividades para as mozas e mozos dende DINAMO levaremos a cabo as seguintes actividades: "Makea a túa camiseta" e "Decoración textil a partir de plantillas e esprais". 


As mozas e mozos poderán participar nestes dous obradoiros dende as 18:00 ata as 21:00, aínda que o programa de actividades vai dende as 16:00 ata o día seguinte.


Para máis información podedes entrar en www.dameuntoke.es


Dende DINAMO levamos a cabo multitude de propostas e actividades para a mocidade en moitos concellos, centro educativos ... Dende obradoiros de cultura urbana (grafite, hip-hop, skate ...) ata actividades educativas, teatro, clown ...

Actividades Lúdicas para as Festas do Verán, a nova proposta de DINAMO

Mentres imos dando a benvida ao verán e se van preparando as festas e celebracións populares dende DINAMO damos a coñecer a nosa Proposta de Actividades Lúdicas para as Festas do Verán.

Propoñemos a celebración de xincanas, xogos populares, festas temáticas, obradoiros, sesións de xogos ... para complementar as festas de vilas, aldeas e cidades.

Se queredes recibir a nosa proposta podedes solicitala no 647.488.688 ou escribir un correo electrónico a dinamo@dinamoxestion.com