DINAMO organizou Xincanas de Igualdade nos centros educativos de Fisterra

Os pasados 22 e 23 de Novembro a eauipa profesional de DINAMO organizou unha serie de Xincanas pola Igualdade nos centro de ensino primario do Concello de Fisterra.

Durante as dúas xornadas as educadoras/es percorreron as diferentes aulas do CEIP Mar de Fora, CEIP Areouta e do Colexio Nosa Señora do Carme, realizando divertidas xincanas para sensibilizar na igualdade de xénero e previr a violencia machista.

Estas actividades enmárcanse dentro da programación municipal para conmemorar o 25 de Novembro, Día Internacional contra as Violencias Machistas, e conta coa axuda do Pacto do Estado para tal obxectivo.

As xincanas consisten en diferentes probas, xogos e entrementos temáticos e que consiguen poñer a perspectiva de xénero no foco da sesión.

Dende DINAMO organizamos todo tipo de actividades de sensibilización en igualdade de xénero e prevención das violencias machistas, dende xincanas ata espectáculos teatrais, pasando por obradoiros, charlas...

DINAMO organizou un "Parti da Igualdade" en Bóveda

 O pasado 23 de xuño a equipa profesional de DINAMO organizou un Obradoiro de Igualdade de Xénero no Concello de Bóveda. 

O obradoiro foi un "Parti da Igualdade" no que as nenas e nenos fabricaron o seu propio taboleiro de xogo e despois descubriron e aprenderon as diferentes probas e seccións do Parti.

Todas as probas son temáticas en igualdade de xénero, pero siguen o estilo do archicoñecido xogo de mesa "Pary&Co". 

Dunha maneira lúdica, dinámica e divertida as e os participantes traballan sobre os estereotipos e roles de xénero, as discriminacións machistas e as súas consecuencias, e sobre todo as ferramentas necesarias para revertir a situación e acadar a igualdade entre homes e mulleres.

Esta actividade enmárcase dentro do Pacto do Estado contra a Violencia de Xénero.

DINAMO organizou Xincanas pola Igualdade nas Escolas Unitarias de Vimianzo

O pasado 11 de xuño a  equipa profesional de DINAMO levou a cabo tres xincanas temáticas en igualdade nas Escolas Unitarias de Vimianzo. 

As actividades desenvolvéronse no CEIP Castromil, na EEI Carantoña e na EEI Carnés. Dúas educadoras/es levaron a cabo unha serie de probas, dinámicas e xogos en torno á igualdade de xénero e a prevención das violencias machistas.

A través das diferentes dinámicas abórdanse os estereotipos e roles de xénero, as discriminacións que sufren as mulleres e as consecuencias tan graves que o machismo actual ten na sociedade. Todo isto dende unha perspectiva de xénero e dende un punto de vista positivo e optimista.

Dende DINAMO organizamos unha manchea de actividades diferentes en torno á igualdade de xénero e a prevención das violencias machistas.

DINAMO realizou unha Xincana pola Igualdade no CEIP Mesón do Vento

O pasado 27 de novembro s equipa profesional de DINAMO organizou una Xincana pola Igualdade no CEIP Mesón do Vento (concello de Ordes).

As alumnas e alumnos tiveron que superar una serie de probas temáticas en torno á eliminación de estereotipos machistas, detección de roles sexistas, prevención da violencia de xénero… 

Trátase de probas lúdicas e ó mesmo tempo didácticas que axudan á sensibilización en relacións de igualdade, baseadas no respecto e na promoción de actitudes igualitarias.

Dende DINAMO organizamos todo tipo de actividades de sensibilización en igualdade de xénero, dende xincanas lúdicas, obradoiros, charlas formativas, contacontos, proxeccións...

DINAMO organizou o Programa "Machismos GAME OVER" coa mocidade de Ponteceso

Durante os pasados meses de marzo, abril e maio a equipa profesional de DINAMO levou a cabo un Programa Educativo de Sensibilización en Igualdade e Prevención da Violencia de Xénero no IES Eduardo Pondal de Ponteceso, por iniciativa da área de Servizos Sociais do Concello de Ponteceso.

As actividades consistiron en charlas educativas conformadas por dinámicas de grupo e exercicios participativos, deseño e edición de materiais gráficos (chapas e pegatinas)…

As alumnas e alumnos da ESO deseñaron os eslogans, logotipos e imaxes da campaña que despois foron editados e repartidos para todo o alumnado do centro.

DINAMO leva o espectáculo "O Xénero con Humor" a Pontedeume, Abegondo e Cambre

Con motivo da celebración do 8 de Marzo, o Día Internacional das Mulleres, son moitos os concellos e entidades sociais que levan a cabo actividades de sensibilización da poboación en igualdade de xénero.

Dende DINAMO sempre ofrecemos un amplo catálogo de actividades e iniciativas para dinamizar tal efeméride. Este ano, unha das actividades máis demandada foi o monólogo cómico "O Xénero con Humor", interpretado polo recoñecido actor Pedro Brandariz.

No espectáculo analízanse, dende un punto de vista cómico e humorístico, as conductas machistas que aínda perviven na sociedade actual, os estereotipos sexistas, os roles de xénero diferenciados ... todo co claro obxectivo de que as persoas que participen desta peza teatral reflexionen sobre a súa implicación nas desigualdades de xénero, e sobre todo acadar unha sensibilización cada vez maior na igualdade de xénero real e efectiva entre homes e mulleres.

O espèctáculo vaise representar nas seguintes vilas e datas:

Venres 8 de Marzo. 20:00. Casa da Cultura. Pontedeume.
Xoves 14 de Marzo. 20:00. Restaurante El Pantano. Abegondo,
Venres 15 de Marzo. 18:30. Casa da Xuventude. Casa das Palmeiras. O Temple. Cambre.

Esta é unha das múltiples actividades que DINAMO leva a cabo no eido da igualdade de xénero, actividades das que seguiremos informando neste blogue.

DINAMO organizou unha Xincana pola Igualdade en Moraña

O pasado venres, 8 de Marzo, foi o Día Internacional das Mulleres e DINAMO levou a cabo múltiples actividades conmemorativas. Unha delas foi unha Xincana pola Igualdade no concello pontevedrés de Moraña.

Durante dúas horas as cativas e cativos divertíronse cunha serie de probas temáticas no eido da igualdade. Desta maneira ademáis de ofrecerlles unha actividade lúdica tamén se traballa na sensibilización en igualdade de xénero, rompendo os estereotipos sexistas, os roles de xénero ...

As probas van encamiñadas cara a consecución de actitudes e aptitudes de corresponsabilidade, sobre todo nas tarefas do fogar. "Non consiste en axudar, senón en repartir" é unha das principales mensaxes que lembraron as cativas e cativos ó finalizar a actividade.

DINAMOteatro fomenta a igualdade de xénero na Feira de Cambre

A compañía DINAMOteatro realizou o pasado domingo 18 de novembro un espectáculo teatral itinerante na Feira (Mercado Tradicional) de Cambre.

Esta foi outra das accións enmarcadas dentro da campaña de fomento da igualdade de xénero e prevenvión da violencia machista "A toda vela contra a discriminación" que organiza o Concello de Cambre e xestiona a equipa profesional de DINAMO.

Tres actrices e actores (caracterizadas/os de deportistas) revolucionaron o mercado tradicional para transmitir a mensaxe de que todas e todos debemos contribuír á igualdade de xénero, con accións individuais e colectivas, dende o ámbito máis concreto ata os máis xerais.

Ademáis a equipa escénica aproveitou para repartir entre toda a veciñanza cambresa diferentes produtos promocionais da campaña: bolsas de tea, chapas, carteis ...
  
E para rematar as máis cativas e cativos poideron deseñar e confeccionar as súas propias chapas con mensaxes igualitarias, grazas ó obradoiro que se levou a cabo no propio espazo da feira.

DINAMOteatro é unha compañía especializada en espectáculos de animación itinerante, e co obxectivo de concienciar á cidadanía en valores democráticos e de xustiza social. Para coñecer o amplo catálogo de espectáculos podes contactar con nós no 647.488.688 ou en dinamo@dinamoxestion.com

Cambre presenta a campaña "A toda vela contra a discriminación" deseñada por DINAMO

A equipa profesional deseñou, igual que en anteriores edicións, a Campaña pola Igualdade e Prevención da Violencia de Xénero, que neste caso leva o nome "A toda vela contra a discriminación".

A campaña consta de varios programas e accións de sensibilización: obradoiros en institutos, xincanas en colexios, accións na rúa, actos conmemorativos, edicición de materiais (carteis, chapas ...)

O obxectivo da campaña é concienciar ás veciñas e veciños de Cambre na prevención da violencia de xénero e na necesidade de alcanzar a igualdade de xénero real.

Todas as actividades son xestionadas e levadas a cabo pola equipa profesional de DINAMO, que está especilizada en temas de igualdade e xustiza social, dinamizando actividades deste tipo en múltiples concellos de Galicia.

DINAMO participa nos Actos de Conmemoración do 25 de Novembro en Pontedeume

Como cada ano o Concello de Pontedeume conmemorou o 25 de Novembro, Día Internacional contra a Violencia de Xénero.

Foi un dos socios de DINAMO, Felipe Díaz “Caxoto” quen presentou o acto de entrega de premios do IV Certame de Relatos Breves pola Igualdade, que se organiza co obxectivo de sensibilizar na igualdade entre homes e mulleres e previr a violencia de xénero.

O acto celebrouse o propio día 25 de Novembro ás 12:30, sendo precedido polo Acto Central, onde se leu o manifesto de repulsa á violencia machista.

DINAMO organizou unha Xincana pola Igualdade en Moeche

Este xoves, 24 de Novembro, a equipa educativa de DINAMO levou a cabo unha “xincana pola igualdade de xénero” no CEIP San Ramón de Moeche, por iniciativa do propio concello.

As alumnas e alumnos tiveron unha mañá atípica, pero por unha boa causa, para amosar a súa repulsa a calquera tipo de violencia e discrimación contra as mulleres.

A xincana contiña unha gran cantidade de probas, dinámicas, xogos, preguntas … todas vencelladas co eido da corresponsabilidade no fogar, coa eliminación de estereotipos e roles sexistas, e sobre todo coa detección e prevención da violencia de xénero.

As “xincanas pola igualdade” é unha actividade que DINAMO realiza en moitos centros educativos ó longo de todo o ano, pois permite concienciar e sensibilizar ás cativas e cativos dunha maneira lúdica e sobre todo didáctica.

DINAMO leva a cabo o Programa Educativo "Somos 2. Eu tamén conto" do CIM da Coruña

Nos vindeiros días a equipa educativa comezará a impartir as accións educativas do Programa Educativo en Igualdade e Prevención de Violencia de Xénero “Somos 2. Eu tamén conto”, iniciativa do Centro de Información ás Mulleres do Concello da Coruña.

Serán alumnas e alumnos de numerosos centros de ensino secundario da cidade herculina as e os que participen nos obradoiros educativos.

Nas tres sesións de traballo que se desenvolven con cada grupo-aula, as educadoras/es traballan coas mozas e mozos, sobre os estereotipos de xénero, os roles, o sistema sexo-xénero, o noviazgo saudable, as relacións de parella, o bo trato e o maltrato, a violencia machista, tipos de violencia …

Boa parte das sesións centranse en torno ao 25 de novembro (Día Internacional contra a Violencia Machista), pero como son moitos os centros educativos que solicitan tales actividades, dentro do programa Aprender en Coruña, as sesións exténderanse ó 2º e 3º trimestre do curso.

DINAMO leva a cabo os Obradoiros de BÓ TRATO nos IES de Cambre

DINAMO leva a cabo os Obradoiros de Bó Trato nos IES de Cambre

Dende hoxe 17 de outubro desenvolvense nos centros de ensino secundario de Cambre  os Obradoiros de Bó Trato, por iniciativa do Concello de Cambre e coa xestión de DINAMO Xestión de Actividades Socioculturais.

Neste Programa de Prevención da Violencia de Xénera participarán todas as aulas de 1º e 2º Curso da ESO (Educación Secundaria Obligatoria) dos dous institutos do concello de Cambre: IES David Buján (Sigrás) e IES Alfonfo X O Sabio (A Barcala).

Cada aula-grupo participante traballará na perspectiva de xénero e prevención da violencia de xénero durante 6 sesións de 50 minutos.  Ademais recibirán formación na técnica aufiovisual, pois crearán pequenos guións para un concurso de curtas sobre o tema. Os guións gañadores terán a oportunidade de ser gravados.

De feito a gravación e proxección das curtas será unha das accións máis importante do programa.

Ademais o Programa de Prevención da Violencia de Xénero estará complementado con outras actividades das que daremos conta, edición de materiais promocionais, …

DINAMO participa na Semana da Lactancia Materna do CIM de Arteixo

Este xoves , 6 de Outubro, no Centro de Maiores de A Baiuca, en Arteixo organízase o acto central da Semana da Lactancia Materna do grupo de aleitamento arteixán Tetola.

A partir das catro da tarde sucederanse diferentes actos, sendo o principal de eles a conferencia impartida por Dº Eva Gonzalez Souto (presidente de ALMA, grupo de apoio á lactancia materna).

Paralelamente as nenas e nenos que asistan participarán en diferentes actividades lúdicas organizadas pola equipa educativa de DINAMO.

E finalmente haberá unha gran merendola para cativas/os e non tan cativas/os.

DINAMO presenta a súa nova Proposta de Actividades de Igualdade

Todos os anos por estas datas a equipa de DINAMO saca á luz a súa nova proposta de Actividades de Igualdade, sobre todo en relación coa celebración do 25 de Novembro, Día Internacional contra a Violencia de Xénero.

Son propostas concretas para realizar en concellos, centros educativos, entidades sociais … Todas elas coa pretensión de sensibilizar á poboación na igualdade efectiva entre homes e mulleres: igualdade de oportunidades, igualdade de trato … E particularmente, vencellado coa celebración do 25 de Novembro, o obxectivo de acadar a eliminación de calquera mostra de violencia contra as mulleres.

A proposta recolle actividades para todas as idades, dende actividades para as máis cativas e cativos ata accións para a poboación adulta ou a terceira idade, pasando por programas para a mocidade. O carácter das actividades tamén é moi variado: campañas de sensibilización, accións educativas, obradoiros, xogos, propostas lúdicas, actuacións teatrais e musicais, …

Este tipo de propostas preséntanse con bastante tempo de antelación para que as e os responsables de entidades municipais, centros escolares, asociacións e outras entidades poidan planificar as súas actividades e programas con tempo suficiente.

Se queredes recibir a proposta completa podedes solicitala no correo electrónico dinamo@dinamoxestion.com ou chamando ó 647.488.688