viernes, 30 de septiembre de 2011

DINAMOteatro voltou animar e concienciar a Festa de Bréamo


Outra edición máis a compañía DINAMOteatro interviu na romería popular de Bréamo en Pontedeume. Como sempre o obxectivo foi o de  animar á xente, pero sobre todo concienciar na necesidade de comportamentos cívicos. Falamos neste caso de actitudes respectousas cara o medio ambiente e a natureza.

O espectáculo itinerante  “Tres hippies nada repipis” convenceu á xente nova e non tan nova da importancia de exercer o mínimo impacto posible sobre a contorna natural: evitando a xeneración masiva de residuos, reducindo o efecto negativo sobre a vexetación …

Este tipo de accións organizadas polo Concello de Pontedeume, xa teñen unha longa tradición nas Romerías de Bréamo. Do mesmo xeito as animación teatrais con intencións didácticas son moi traballadas pola equipa artística e educativa de DINAMO Xestión de Actvidades Socioculturais.



lunes, 26 de septiembre de 2011

DINAMO presenta a súa nova Proposta de Actividades de Igualdade


Todos os anos por estas datas a equipa de DINAMO saca á luz a súa nova proposta de Actividades de Igualdade, sobre todo en relación coa celebración do 25 de Novembro, Día Internacional contra a Violencia de Xénero.

Son propostas concretas para realizar en concellos, centros educativos, entidades sociais … Todas elas coa pretensión de sensibilizar á poboación na igualdade efectiva entre homes e mulleres: igualdade de oportunidades, igualdade de trato … E particularmente, vencellado coa celebración do 25 de Novembro, o obxectivo de acadar a eliminación de calquera mostra de violencia contra as mulleres.

A proposta recolle actividades para todas as idades, dende actividades para as máis cativas e cativos ata accións para a poboación adulta ou a terceira idade, pasando por programas para a mocidade. O carácter das actividades tamén é moi variado: campañas de sensibilización, accións educativas, obradoiros, xogos, propostas lúdicas, actuacións teatrais e musicais, …

Este tipo de propostas preséntanse con bastante tempo de antelación para que as e os responsables de entidades municipais, centros escolares, asociacións e outras entidades poidan planificar as súas actividades e programas con tempo suficiente.

Se queredes recibir a proposta completa podedes solicitala no correo electrónico dinamo@dinamoxestion.com ou chamando ó 647.488.688


martes, 20 de septiembre de 2011

DINAMOteatro tivo quince representacións dentro do Programa "Camiños da Cultura"


Dende o pasado mes de xuño a compañía DINAMOteatro levou os seus espectáculos a máis de quince vilas galegas.  Neste tempo de verán moitas galegas e galegos participaron nas representacións da compañía.  Os espectáculos foron: os contacontos de Caxoto, os monólogos de Pedro Brandariz e a peza de teatro para público familiar “A Familia do Pindirico”.

E hoxe martes remata a participación, por este ano,  no Camiños da Cultura 2011. A cita será ás 17:00 no Concello de Carballedo, co espectáculo “Contos Vellos, Novos Finais” de Caxoto Contacontos.

De todos xeitos, a contratación de todos os espectáculos de DINAMOteatro segue aberta, dun xeito directo. Podedes chamar ó 647.488.688 ou ben escribir un correo electrónico a dinamo@dinamoxestion.com


viernes, 16 de septiembre de 2011

Voltan á FNAC da Coruña os Obradoiros para Nenas e Nenos


Despois do descanso vacacional regresan á FNAC os obradoiros para cativas e cativos. Mañá sábado 17 de setembro ás 18:00 a actividade que se levara a cabo é o “Obradoiro de Goma-Eva”, no que cun material novidoso as e os participantes  poderán crear minixoguetes, figuras, bonecos, adornos …

As actividades de dinamización para nenas e nenos da FNAC, como esta mesma, son de carácter totalmente gratuito.  Ademais nesta nova tempada as actividades cambian de horario para facilitar a participación das máis pequenas e pequenos  da familia.

Parte das actividades de dinamización infantil da FNAC da Coruña son dinamizados pola equipa de DINAMO Xestión de Actividades Socioculturais SL.


jueves, 15 de septiembre de 2011

DINAMO organiza un Programa para Deixar de Fumar no Concello de Vilarmaior


Este venres 16 de setembro  comeza a fase principal do Programa para Deixar de Fumar en Vilarmaior, organizado por DINAMO Xestión de Actividades Socioculturais SL,  e levado a cabo por Dª María del Carmen Míguez, profesora da Facultade de Psicoloxía na Universidade de Santiago.

Despois de realizar as charlas introductorias e as avaliacións individuais este venres comezan as sesións de traballo.

O tratamento para deixar de fumar baséase no principio de que é posible abandonar o tabaca sen sufrir.

Nas seis sesións de traballo que se levarán a cabo os venres ás 19:00 traballarán sobre a súa adicción, a intelixencia emocional  e co escalonamento da rebaixa de nicotina. En palabras da responsable do tratamento os tres eixos principais serán:  físico, psíquico e social.
Despois das seis sesións principais as e os participantes terán que pasar por unha fase de seguemento para deixar de fumar definitivamente.

Este tratamento xa se aplicou en moitas ocasións con moi bós resultados, polo que é un novo produto que DINAMO ofrece dentro do seu catálogo de actividades e servizos.


miércoles, 7 de septiembre de 2011

DINAMO presenta o seu catálogo de Actividades Extraescolares e Educativas

Nestes días DINAMO Xestión de Actividades Socioculturais SL está dando a coñecer o novo catálogo de Actividades Extraescolares e outros Servizos Educativos.
Trátase de actividades para centros escolares, asociacións de nais e país, concellos, … aínda que as beneficiarias/os principais son as alumnas e alumnos de Educación Infantil, Primaria e Secundaria.
As actividades propostas son do máis variado, dende as máis novidosas como obradoiro de rap, hip-hop, grafite, banda deseñada, …  ata as máis clásicas de baile galego, informática ou deportes.
Ademais existen actividades para todas as idades, tanto para as máis cativas/os como para as e os maiores (Ed. Secundaria).
Se queredes máis información ou solicitar que vos enviemos o catálogo de propostas podedes chamar ó 647.488.688 ou escribir un correo electrónico a dinamo@dinamoxestion.com

martes, 6 de septiembre de 2011

DINAMO participa na Viaxe a Portugal de Ocioleiros 2011


Este martes 6 de setembro un grupo de 25 mozas e mozos de 14 a 18 anos iniciaron a súa viaxe cara Portugal, como gañadoras/es dos sorteos de Ocioleiros.

Nesta ocasión a viaxe é a Povoa de Lanhoso.  Estarán albergados nas instalacións de Diverlanhoso e ademáis de realizar actividades de aventura (rapel, tirolina, sendeirismo …) realizarán visitas culturais ás cidades de Braga, Guimaraes, Viana do Castelo …

A viaxe ten unha duración de catro días, comezando o día 6 de setembro e rematando o 9 do mesmo mes.

A actividade está organizada polo Concello de Oleiros e conta coa monitoraxe de apoio de DINAMO Xestión de Actividades Socioculturais SL.


lunes, 5 de septiembre de 2011

O pasado sábado estreouse en Mera "Unha experiencia relixiosa"


O sábado 4 de setembro  o Grupo de Teatro Portaberta estreou no Auditorio Gabriel García Márquez de Mera (Oleiros) o espectáculo teatral “Unha experiencia relixiosa”, co apoio técnico de DINAMOteatro.

O espectáculo mesturou a partes iguais teatro e danza, compoñendo un produto escénico moi valorado polo público asistente.

Nove actrices e actores foron dirixidos pola equipa escénica de DINAMOteatro, nun espectáculo que analizou a presenza excesiva do mundo eclesiástico na esfera pública, na política e nos medios de comunicación.


A actuación foi a primeira dun Ciclo de Teatro Xuvenil organizado polo Concello de Oleiros que se desenvolverá durante todo o mes de setembro.

O Grupo de Teatro Portaberta xurde dunha actividade continuada no Centro de Lecer co mesmo nome. As actrices e actores recibiron formación en diferentes obradoiros de teatro, clown, expresión corporal, danza … no centro e a posta en escea ven a culminar un proceso creativo de varios meses.