DINAMO participa con 2 Obradoiros no Programa Nocturnia, de Lecer Alternativo para a Mocidade

Nesta nova edición de Nocturnia, o programa de lecer alternativo para a mocidade coruñesa, a equipa de DINAMO desenvolve dous obradoiros xuvenís.

Un deles é o de "Creación de Guións de Curtametraxes", que se levará a cabo o venres 2 de decembro no Forum Metropolitano da Coruña. 

En cambio o venres 9 do mesmo mes o turno será para o "Obradoiro de Cabaret" no Centro Ágora.

Ambos obradoiros serán de 21 a 23 horas e precisan de inscrición previa.

Dende os inicios do programa xuvenil o Concello da Coruña ven contando cos servizos de DINAMO para conformar a oferta de actividades para a mocidade.

DINAMO impartiu Obradoiros de Skate e DJ para a mocidade en Ponteceso

O pasado 8 de outubro, a equipa profesional de DINAMO levou a cabo dous obradoiros para a mocidade no Concello de Ponteceso: un de skate-boarding e outro de DJ (picadiscos). Ambos obradoiros foron organizados polo Concello de Ponteceso, por iniciativa da área de mocidade, e contaron co colaboración da Xunta de Galicia.

Ambos obradoiros fixéronse no Edificio das Escolas e gozaron dun alto nivel de participación, debido á gran difusión realizada polo concello e por ser a resposta a unha demanda da mocidade do concello.

Ambas actividades forman parte da Proposta de Actividades para a Mocidade de DINAMO, na que se recolle un amplo catálogo de actividades de "cultura urbana". Ademáis de DJ e Skate podes atopar Breakdance, Parkour, Grafite, Hip Hop...

Se queres recibir a nosa proposta chama ó 619.345.100 ou escribe a dinamo@dinamoxestion.com

DINAMO organiza Obradoiros de Cociña para Mozxs no Centro Cívico de Monelos

Durante o mes de xullo e parte de agosto a equipa profesional de DINAMO leva a cabo tres Obradoiros Semanais de Cociña Básica para mozas e mozos.

Son cinco sesións para cada grupo de idade, dende os 12 ata os 30 anos, nas que as e os participantes aprenden o básico para cociñar de maneira autónoma. E de paso descubren pratos e receitas un pouco máis específicas e diferentes, co obxectivo de que cociñar sexa algo divertido para elas e eles.

Trátase de ofrecer unha capacitación das máis básicas, e ao mesmo tempo traballar no eido da igualdade de xénero, fuxindo de estereotipos e roles machistas, así como na boa alimentación e nutrición.

Estas actividades están enmarcadas dentro do Programa de Ocio Saudable que o Concello da Coruña, a través de Servizos Sociais, leva a cabo nos centros cívicos.

Os obradoiros de cociña son unha magnífica oportunidade didáctica para mozas/os e para nenas/os. Se queres coñecer a nosa Proposta de Obradoiros de Cociña non dubides en chamar ó 619.345.100 ou escribir a dinamo@dinamoxestion.com

DINAMO organiza Obradoiros de Cociña e Cócteles sen Alcol en San Sadurniño

Durante catro venres de maio e xuño a equipa profesional de DINAMO desenvolverá Obradoiros de Cociña e Cócteles sen Alcol dentro do Programa de Lecer Alternativo "Venres en Sansa", organizado polo Concello de San Sadurniño para a mocidade.

"Venres en Sansa" trátase dun programa de actividades lúdicas e formativas para fomentar hábitos saudables entre a xuventude e previr condutas nocivas.

A equipa de DINAMO desenvolve neste programa Obradoiros de Cociña e Cócteles sen Alcol. As actividades de cociña supoñen unha magnífica oportunidade didáctica para a mocidade, pois apórtalles capacidades e autonomía, trabállase a igualdade de xénero, e foméntase hábitos alimentarios positivos. E os cócteles sen alcol teñen unha funcionalidade clara. amosar ás mozas e mozos que se poden beber cócteles moi eleborados, pero moi saudables. 

Dende DINAMO levamos a cabo unha manchea de actividades e propostas para a mocidade. Se queres recibir a nosa proposta só tes que chamar ó 619.345.100 ou escribir a dinamo@dinamoxestion.com

DINAMO xestiona o Espazo de Mocidade PLANET CLUB en Pontedeume

A equipa profesional de DINAMO leva varios anos xestionando o Espazo de Lecer para a Mocidade Planet Club, do Concello de Pontedeume. 

Esta última etapa do programa xuvenil comezou en xaneiro e desenvolverase durante todo o ano (facendo unha parada na época estival). Cada sábado as mozas e mozos eumeses (de Pontedeume e Cabanas) teñen un espazo á súa disposición (de 18:00 a 22:00)  cunha manche ade actividades para que poidan participar, aprender e sobre todo pasar unha tarde de sábado divertida e saudable. 

Este lonxevo programa de atención á mocidade é iniciativa do Concello de Pontedeume e do Concello de Cabanas, que colaboran neste servizo pois tanto participan mozas e mozos dun e doutro concello. 

Dende DINAMO estamos especializadas/os na xestión de espazos xuvenís e na programación de actividades para a mocidade.

DINAMO participa no Programa de Lecer Alternativo NOCTURNIA

A equipa profesional de DINAMO participará na nova edición do Programa de Lecer Alternativo "Nocturnia" impulsado polo Concello da Coruña, concretamente pola área de mocidade da Concellería de Participación e Innovación Democrática

As actividades que xestionará e levará a cabo DINAMO son as seguintes:

- Obradoiro de Monólogos. Día 6 de Novembro. 21:00 a 23:00. Centro Ágora.
- Obradoiro de Danzas do Mundo. Día 11 de Decembro. 21:00 a 23:00. Centro Ágora.

Dende DINAMO somos especialistas en actividades para a mocidade. Se queres recibir máis información podes chamar ó 619.345.100 ou escribir a dinamo@dinamoxestion.com

DINAMO organiza Actividades de Samaín en Culleredo

Os vindeiros venres 30 e sábado 31 a equipa profesional de DINAMO levará a cabo unha manchea de actividades para a mocidade no Concello de Culleredo, concretamente ambientadas na temática do Samaín.

O venres 30 será o turno dos Obradoiros de Samaín no Centro Social de Fonteculler: disfraces terroríficos, complementos de Samaín, maquillaxe de efectos, decoración...

E o sábado será a Gran Festa do Samaín, no Pavillón Ría do Burgo, de 20:00 a 23:00, con discoteca temática, animacións, desfiles, concursos, obradoiros, photocall, ambientación temática, cécteles sen, picoteo de Samaín...

Ademáis realizáronse animacións teatrais nos institutos do municipio para dar a coñecer as actividades ás mozas e mozos.

Dende DINAMO somos especialistas nas actividades de animación para festas e eventos de Samaín. Se queredes recibir máis información podedes chamar ó 619.345.100 ou escribir a dinamo@dinamoxestion.com

DINAMO xestiona o Centro de Lecer Xuvenil Portaberta

Un dos proxectos fundamentais e estruturais de DINAMO é a xestión, atención e programación do Centro de Lecer Xuvenil Portaberta, dependente do Concello de Oleiros. Trátaase dun centro de ocio para mozas e mozos de 12 a 18 anos e está situado na vila de Santa Cruz.

No centro as usuarias/os teñen á súa disposición unhas magníficas instalacións con salas de esparecemento, salas de traballo, salas de ordenadores, equipamentos lúdicos, recursos xuvenís... para que poidan disfrutar do se tempo de lecer dun xeito educativo. 

A equipa de DINAMO atende o centro xuvenil e ademáis programa unha manchea de actividades e iniciativas para as mozas e mozos, eleborando programacións semanais atractivas para a xuventude.

E os servizos non rematan aquí, pois o centro tamén funciona como Punto de Información Xuvenil e presta asesoramento integral á mocidade: afectivo-sexual, social, académico, laboral...

DINAMO leva xa oito anos xestionando Portaberta e recentemente acaba de resultar adxudicatario por dous anos máis. 

A intervención socioeducativa na mocidade é un dos piares fundamentais do traballo que facemos dende DINAMO, e por iso este é un proxecto fundamental.

DINAMO xestiona o Espazo Xuvenil "Planet Club" en Pontedeume

Dende o pasado sábado 21 de Febreiro a equipa profesional de DINAMO xestionamos o Programa de Prevención de Drogodependencias coa Mocidade "Planet Club". Todos os sábados a mocidade eumesa poderá participar nunha manchea de actividades, en horario de 18 a 22 horas, na Casa da Xuventude de Pontedeume. Festas saudables, obradoiros, grandes xogos, xincanas, proxeccións, charlas... serán algunhas das actividades desenvolvidas. 

DINAMO leva máis de sete anos xestionando o programa e o espazo Planet Club, que xurde da iniciativa dos concellos de Pontedeume e Cabanas e está financiado pola Consellería de Sanidade.

Dende DINAMO xestionamos diferentes espazos e programas xuvenís, ademáis de contar cunha ampla proposta de actividades para realizar en concellos, centros educativos e outras entidades. 

DINAMO xestiona un Obradoiro de Maxia para Mozas/os no Centro Cívico de Labañou

Durante os catro xoves do mes de agosto, de 12:00 a 13:30, o mago Zonte, a través de DINAMO está impartindo un Obradoiro de Maxia para mozas e mozos no Centro Cívico de Labañou. 

Nesas 7,5 horas as e os participantes aprenderán xogos de maxia básicos, con cartas, moedas, dados e outro elementos cotiás. 

Esta actividade forma parte do Programa de Ocio Saudable que o Concello da Coruña ofrece a todas as mozas e mozos coruñeses.

A maxia é unha actividade moi interesante para as mozas e mozos, por iso dende DINAMO levamos a cabo numerosas actividades vencelladas coa maxia para a mocidade, cursos, obradoiros, actuacións...

Se che interesa organizar algunha destas actividades podes chamar ó 647.488.688 ou escribir a dinamo@dinamoxestion.com

DINAMO xestiona o Planet Club, un programa de lecer xuvenil dos Concellos de Pontedeume e Cabanas

Dende o ano 2008 a equipa educativa de DINAMO xestiona o espazo de lecer xuvenil Planet Club, situado no concello de Pontedeume, aínda que o programa beneficia a mozas e mozos dos concellos de Pontedeume e Cabanas, por iso os dous concellos están implicados na financiación.

O Planet Club é un programa de servizos e actividades para a mocidade que se desenvolve todos os sábados de 18:00 a 22:00. Xogos, obradoiros, actividades formativas, festas... son algunhas das actividades que se propoñen semanalmente.

DINAMO está especializado na xestión de espazos de lecer para a mocidade, como o Planet Club de Pontedeume, o Centro de Lecer Xuvenil Portaberta en Oleiros...

DINAMO impartiu un Curso de Maquillaxe Infantil en Mesía

DINAMO organizou o pasado 3 de marzo un Curso de Maquillaxe Infantil no Concello de Mesía, no que as e os participantes aprenderon as técnicas básicas da maquillaxe, as figuras de "fantasía" máis demandadas polas cativas e cativos, así como diferentes trucos para ganar en rápidez e eficacia.

Traballaron con diferentes materiais e técnicas co obxectivo de, no futuro, poder dinamizar actividades deste tipo con cativas e cativos.

O curso foi promovido pola Oficina de Información Xuvenil do Concello de Mesía e impartido pola equipa profesional de DINAMO. 

Este é un dos cursos monográficos que ofrecemos dende DINAMO. Se queres recibir a nosa Proposta de Cursos Monográficos tan só tes que pedila no 647.488.688 ou en dinamo@dinamoxestion.com

DINAMO leva a cabo o Programa de Visitas e Actividades nas Casas Museo da Coruña

No curso 2013-14 a equipa profesional de DINAMO será a encargada de dinamizar as visitas e actividades complementarias das Casas Museo que existen na cidade da Coruña:

- Casa Museo de María Pita
. Casa Museo de Casares Quiroga
. Casa Museo de Pablo Picasso.

O programa de visitas está aberto a todo tipo de grupos organizados que o soliciten, tanto de persoas adultas, como mozas e mozos e incluso nenas e nenos.

Ademáis das visitas tamén se organizarán actividades de divulgación das figuras históricas e da súa obra, a través de obradoiros, campamentos, visitas teatralizadas... todas elas encamiñadas á dinamización, divulgación e posta en valor dos recursos museísticos da cidade.

Dende DINAMO pretendese aportar dinamismo e novos recursos ás visitas para que sexan eficaces e constitúan experiencias agradables e inesquecibles para as persoas visitantes.

DINAMO participou na Festa da Xuventude do Concello de Oleiros

O pasado 31 de agosto a equipa profesional de DINAMO participou con dúas actividades na Festa da Xuventude, organizada polo Concello de Oleiros.

Por un lado levouse a cabo un Obradoiro de Tatuaxes con Henna para todas as mozas e mozos que quixeran participar. E pola outra, tamén se desenvolveu a dinamización e presentación de todas as actividades e do propio Festival Son Ría, co que rematou a festa da mocidade.

A dinamización e presentación correu a cargo de Pedro Brandariz.

As actividades xuvenís son un dos fortes das intervencións de DINAMO que ofrece ós concellos e outras entidades.

DINAMO organiza un Obradoiro de Circo no Centro Cívico de Novo Mesoiro

Dende o pasado martes 6 e ata o venres 23 de agosto as mozas e mozos de Novo Mesoiro poden participar nun obradoiro de "técnicas de circo" impartido pola equipa profesional de DINAMO.

O obradoiro desenvolvése os martes e venres de 11 a 13 horas. 

As e os participantes aprenderán diferentes acrobacias en parella, manexo de malabares (bolas, mazas e cariocas), técnicas de clown ... co cal achégaranse ó mundo do circo dunha maneira integral, abrindo pequenas fiestras, para que despois poidan continuar a súa formación naquelas disciplinas que máis lles interesen.

Esta actividade enmárcase dentro do Programa de Lecer Saudable do Concello da Coruña para as mozas e mozos. Así mesmo tamén está contida nas propostas que dende DINAMO ofrecemos a moi diferentes entidades para traballar coa mocidade.

Se queres recibir máis información sobre as propostas de actividades para a mocidade tan só tes que chamar ó 647.488.688 ou escribir a dinamo@dinamoxestion.com

Remata o Obradoiro de Grafite organizado por DINAMO para o Concello de Oleiros

O pasado ventres 2 de agosto rematou o Obradoiro de Grafite que DINAMO impartiu en Perillo, cerquiña da rotonda do Che, e do que xa demos conta en pasadas entradas.

O obradoiro desenvolveuse en cinco xornadas de 11 a 13 horas e cun grupo de 21 mozas e mozos de 12 a 16 anos, guiados e supervisados por un monitor especializado no tema (Miguel Golmayo).

Neste entrada poñemos algunhas da fotos do proceso e do resultado.

O obradoiro xurde por iniciativa da Concellería de Ensino e Xuventude do Concello de Oleiros e foi xestionado por DINAMO Xestión de Actividades Socioculturais.

As actividadades de grafite e cultura urbana son algunhas das que teñen máis éxito dentro do catálogo de actividades xuvenis que ofertamos en DINAMO.

DINAMO realiza un Estudo de Hábitos de Consumo entre a mocidade coruñesa

A equipa profesional de DINAMO está a realizar estes días un estudo sobre os hábitos de consumo entre as mozas e mozos coruñeses. 

De momento estamos na fase de recollida de datos a través de enquisas individuais e anónimas entre as e os participantes nas actividades xuvenís dos centros cívicos da cidade.

Paralelamente estanse verquindo os datos en programas informáticos de análise. E finalmente unha equipa específica de análise procederá a examinar os datos e a elaborar o estudo, que ofrecerá datos fiables sobre os patróns de ocio e lecer das mozas e mozos, sobre os hábitos de consumo, substancias, uso ou abuso ... e sobre todo unha serie de recomendacións para que os organismos públicos poidan levar a cabo plans e medidas eficaces neste eido.

O estudo foi encargado polo departamento de Servizos Sociais do Concello da Coruña. 

DINAMO ofrece todo tipo de servizos e actividades para a xuventude. Se queres recibir o noso catálogo podes solicitalo no 647.488.688 ou en dinamo@dinamoxestion.com

DINAMO organiza un Obradoiro de Grafite en Perillo (Oleiros)

Dende hoxe, 29 de xullo e ata o venres 2 de agosto, 21 mozas e mozos participarán no Obradoiro de Grafite que organiza o Concello de Oleiros e xestionamos dende DINAMO Xestión de Actividades Socioculturais.

A actividade de grafite é unha das máis demandadas pola xuventude, e son moitos os concellos e outras entidades que aproveitan para decorar e acondicionar espazos públicos organizando obradoiros e cursos de grafite e muralismo.

Durante os cinco días de curso as e os participantes aprenderán as técnicas básicas do pintado co esprai, nocións de debuxo muralístico, como pasar dun bosquexo á realidade dos muros...

Desta volta repintarán unha serie de muros onde xa se levara a cabo outra actividade de grafite (hai varios anos), pero que sufriu actos vandalicos e está irrecoñecible.

DINAMO organiza actividades deste tipo por toda Galicia, para multitude de concellos e outras entidades. Ademáis tamén ofrecemos outros obradoiros tanto de cultura urbana en particular, como xuvenís en xeral.

DINAMO participou no Encontro Local de Mocidade de Narón

O pasado venres 07 de Xuño celebrouse na Casa da Mocidade da Gándara (Narón) o Encontro Local de Mocidade, e DINAMO levou a cabo o Obradoiro de Camisetas Grafiteadas. 

Neste obradoiro as mozas e mozos crearon as súas propias plantillas en acetatos plásticos, que logo aplicados sobre camisetas blancas poideron pintar con sprais acrílicos para que os seus modelos queden con carácter permanente nas camisetas ou outros produtos téxtiles. Ademáis as plantillas duns sirven para os outros, poden intercambialas...

Esta é unha actividade con moita demanda, pois é unha técnica bastante sinxela e os resultados son moi vistosos e aparentes. 

Esta actividade, xunto con outras moitas, forman parte dunha gran Proposta de Actividades de Cultura Urbana, que podes recibir se queres chamando ó 647.488.688 ou escribir un correo electrónico a dinamo@dinamoxestion.com

DINAMO participou en Nocturnia 2013 con dous obradoiros

Na presente edición do Programa de Lecer Xuvenil Nocturnia, promovido pola Concellería de Xuventude do Concello da Coruña, a equipa profesional de DINAMO levou a cabo dous obradoiros, un de "Creación de Robots en Fimo" e outro de "Danzas do Mundo" .

No primeiro deles as e os participantes poideron crear os seus pequenos robots simulados a partir dun material moldeable como é o fimo.

E no obradoiro de "danzas do mundo" aprenderon diferentes bailes e coreografías procedentes de tradicións   de países diversos, conformando deste xeito unha actividade lúdica, artística e intercultural.

Estas son dúas das novas actividades que se enmarcan dentro da Proposta de Actividades para a Mocidade que se ofrece, dende DINAMO, para concellos, asociacións, centros educativos e outro tipo de entidades que traballen coa xuventude. Se queres recibir esta proposta-catálogo non dubides en solicitala no 647.488.688 ou escribindo un correo electrónico a dinamo@dinamoxestion.com