DINAMO organizou un Magosto Popular e Festa de Samaín en Ortigueira

O pasado 31 de Outubro a equipa profesional de DINAMO organizou un Magosto Popular no Praza Isabel II de Ortigueira, asando e repartindo castañas para todas as e os participantes, dinamizando a Caravana de Xogos Populares para todas as cativas e cativos e incluso contando cun Cuarteto de Música Tradicional que animou a festa durante toda a tarde.

Todas estas actividades estiveron enmarcadas dentro dun Consurso de Calabazotes que organizou o propio Concello de Ortigueira.

DINAMO organizou un Magosto no Mercado Local de Outono de San Sadurniño

O pasado 28 de outubro a equipa profesional de DINAMO organizou en Magosto no Mercado Local de Outono do Concello de San Sadurniño, encargándose do asado e reparto de máis de 80 kilos de castañas, dinamizando o espazo infantil coa Caravana de Xogos Populares e animando ás e ós visitantes co Espectáculo Teatral Itinrante " As Cartuxeiras Tolas".

Nesta época do ano son moitos os magostos que dende DINAMO organizamos por toda a xeografía galega, encargándonos de todo o relativo ás castañas e á dinamización do propio evento.

DINAMO organizou un novo curso de Mediación Escolar no IES Neira Vilas

De igual maneira que en edicións anteriores a equipa educativa de DINAMO levou a cabo un Obradoiro Formativo en Mediación Escolar e Resolución Pacífica de Conflitos no IES Neira Vilas de Perillo (Oleiros).

Unha selección de alumnas e alumnos dispostas/os a formar parte do equipo de mediación reciben esta formación de carácter eminentemente práctico, composta por dinámicas e exercios para que as e os participantes aprendan a levar pautado un proceso de mediación 

Dende Dinamo ofrecemos formación en mediación escolar para diferentes centros educativos en toda Galicia.

A Caravana de Xogos Populares de DINAMO protagonista da Cervefeira de Sada

Os pasados 6 e 7 de Outubro organizouse en Sada una nova edición da "CerveFeira" un evento adicado á elaboración de cervexas artesas. 

Igual que en edicións anteriores o equipo organizador contou coa "Caravana dos Xogos Populares" de DINAMO para que ocupasen o espazo central da feira tanto na xornada de sábado como a do domingo.

Os máis de 30 xogos tradicionais que se instalaron foron utilizados por cativas/os e maiores, convertíndose nunha auténtica experiencia interxeracional.

DINAMO organizou a Escola de Verán da OMIC do Concello da Coruña

Durante todo o pasado mes de Xullo a equipa educativa de DINAMO xestionou e levou a cabo a Escola de Verán da Oficina de Información ás Persoas Consumidoras do Concello da Coruña.

A "escola de verán" consiste nunha programación de actividades lúdico-didácticas para as máis cativas/os, a modo de "campamento urbano matinal". Foron dúas quendas de dez días de actividades nas que as cativas e cativos achegáronse ó consumo responsable, ó comercio de proximidade, ás novas tecnoloxías…

Case 80 nenas e nenos asistiron ás actividades que tiveron moi boa acollida participando en presentación temáticas, sesión de xogos, xincanas didácticas, obradoiros, saídas, visitas, excursións…

DINAMO levou a cabo a Campaña dos Ecovasos nas Festas de María Pita

O Concello da Coruña, a través da Concellería de Medio Ambiente, organizou a Campaña de Sensibilización Ambiental de Reparto dos EcoVasos en diferentes eventos dentro da Progamación de Festas de María Pita.

A equipa profesional repartiu os ecovasos e informou da campaña no Festival Noroeste, no Mercado da Colleita, na Romería de Santa Margarida…

Cada ano a cidadanía coñece máis a inciativa dos ecovasos e participa de maneira directa, comprando ou alugando os ecovasos para evitar a proliferación de plásticos e residuos.

DINAMO levou a Caravana de Xogos Populares á Feira Modernista de Sada

Como en anteriores edicións a Caravana dos Xogos Populares voltou a estar presente an Feira Modenista de Sada, unha cita que cada ano acumula máis e máis visitantes.

A equipa de DINAMO instalou no espazo central da feira mais de trinta xogos tradicionais que fixeron as delicias de pequenas/os e maiores.

A "Caravana de Xogos Populares" é unha magnífica iniciativa para desenvolver en feiras e festas de carácter histórico, medievais, 1900...

DINAMO levou a cabo diferentes Actividades do Programa de Lecer Saudable do Concello da Coruña

O Concello da Coruña, da man da Concellería de Servizos Sociais e Coidados, organiza para a mocidade coruñesa o Programa de Lecer Saudable. 

DINAMO participa dende hai anos neste programa desenvolvendo obradoiros de Street Food, Cociña de Supervivencia, Rap, Contacontos e Monólogos, Coiro…

Os máis demandados son, ano tras ano, os obradoiros de cociña, nos que DINAMO ten unha ampla experiencia.

DINAMO organizou un Obradoiro de Radio en Oleiros

O pasado mes de Xullo a equipa de DINAMO organizou un Obradoiro de Radio para a mocidade oleirense. 

As e os participantes achegáronse á técnica radiofónica de maneira totalmente práctica, creando un programa tipo magazine que se editou en formato podcast, para que todas as alumnas e alumnos poideran ter o produto final. 

Recibiron unha formación tanto de tipo técnico (a nivel de son e grabación) como artístico e xornalístico (creación de contidos, formatos...)

DINAMO organizou un Obradoiro de Curtas en Oleiros

No pasado mes de xullo a equipa de DINAMO, en colaboración co produtora coruñesa Porco Bravú organizou un Obradoiro de Curtametraxes para a mocidade do Concello de Oleiros.

Durante varias xornadas as e os participantes achegáronse de maneira totalmente práctica á creación audiovisual, dende a creación do guión, pasando pola planificación da grabación, a rodaxe, a edición e montaxe…

Para acompañar este proceso no curso "creouse" unha curtametraxe dende cero, dende a idea inicial e ata a proxección final.

Este tipo de formación ten unha gran resposta de participación pois hoxe en día, grazas á evolución e democratización dos medios técnicos, faise cada vez máis sinxela a creación audiovisual, sempre contando cunhas directrices como as que se dan neste tipo de cursos, obradoiros e acción formativas.

DINAMO participou coa Caravana de Xogos Populares na Romería de Elviña

O pasado 9 de setembro DINAMO participou na Romería de Elviña-Castro coa súa Caravana de Xogos Populares, na que participaron cativas e cativos, así como tamén as e os maiores.

Rá, sapo, metediscos, zancos, tartaruga, tres en raia, minifutbolíns, torres de madeira, dominós, puzles, chave, zapatos cooperativos, tiralatas, aros, sogatira, mancha, pescapeixes, pescabotellas… son algún dos xogos que conforman a Caravana dos Xogos Populares. 

DINAMO levou a súa Caravana de Xogos Populares ás Festas da Gaiteira

O pasado 15 de agosto a equipa de DINAMO levou a súa Caravana de Xogos Populares ás Festas da Gaiteira, dentro da Programación das Festas de Barrio de María Pita.

Foron máis de 30 xogos tradicionais instalados e dinamizados por monitoras/es especializadas/os.

A "Caravana dos Xogos Populares" é una das propostas "estrela" para levar a cabo en festas e eventos culturais. Unha proposta tanto para nenas e nenos como para as persoas adultas.

DINAMO organizou Obradoiros de Rap nos Centros Cívicos da Coruña

Este verán, a equipa profesional de DINAMO organizou unha serie de Obradoiros de Rap nos Centros Cívicos do Concello da Coruña. 

As e os participantes nestes obradoiros aprenderon a rimar, a encaixar as súas propias letras e composicións con bases musicais, a improvisar letras de maneira free-style. 

Ademáis neste tipo de obradoiros trabállase dende a perspectiva da educación en valores, tales como a igualdade de xénero, a xustiza social, a cooperación e a solidariedade.

Estes obradoiros enmárcanse dentro do Programa de Lecer Saudable promovido pola área de Servizos Sociais do Concello da Coruña.

Dende DINAMO organizamos obradoiros de rap, de hip-hop e de cultura urbana en xeral. Se queres recibir o noso Catálogo de Actividades de Cultura Urbana podes solicitalo no 619.345.100 ou escribir a dinamo@dinamoxestion.com