jueves, 29 de julio de 2021

DINAMO organiza un Curso de Comedia na Coruña

Durante tres venres a equipa profesional de DINAMO organiza un Curso de Comedia para mozas e mozos dentro do Programa de Lecer "Nocturnia" promovido polo Concello da Coruña. 

Cada sesión, de dúas horas de duración terá caráctar temático e serán impartidas por cómicas cunha dilatada traxectoria, como Ángela Triana, Diana Sieira e Marita Martínez Arcay.

Dende DINAMO organizamos todo tipo de actividades xuvenís, de lecer, formativas e en moi diferentes eidos, como pode ser o das artes escénicas e a comedia en particular.

As datas do curso serán o 23 e 30 de Xullo e o 6 de Agosto. Para participar nas sesións formativas é necesaria a inscrición previa en www.coruna.gal/nocturnia



viernes, 16 de julio de 2021

DINAMO levou a Caravana de Xogos Populares ó CEIP Santiago Apóstolo (Mugardos)

O pasado 22 de xuño a equipa profesional de DINAMO organizou unha Xornada de Xogos Populares e Tradicionais no CEIP Santiago Apóstolo, en Franza, Mugardos. 

As pequenas e pequenos xogaron á chave, á rá. ó metediscos, ó tiralatas, ós zancos, ás carreiras de chapas, ós bolos e a unha manchea de xogos de onte, hoxe e sempre.

Dende DINAMO organizamos todo tipo de eventos  vencellados co xogo popular e tradicional e para todo tipo de entidades: concellos, centros educativos, asociacións, festivais...



sábado, 10 de julio de 2021

DINAMO levou a Caravana de Xogos ó CEIP Bormoio-Agualada (Coristanco)

 O pasado 22 de xuño a equipa profesional de DINAMO levou a súa Caravana de Xogos Populares ó CEIP Bormoio-Agualada do concello de Coristanco.

As nenas e nenos descubriron unha manchea de xogos populares e tradicionais como por exemplo a rá, a chave, os zancos, o metediscos, o tiralatas, os bolos, o plinko, a serpe, o sapo, as carreiras de chapas...

Dende DINAMO organizamos todo tipo de eventos vencellados cos xogos populares e tradicionais por toda Galicia.

viernes, 2 de julio de 2021

DINAMO levou a Caravana de Xogos Populares ó CEIP A Mahía (Bertamiráns, Ames)

O pasado 21 de xuño a equipa profesional de DINAMO levou a súa Caravana de Xogos Populares ó CEIP A Mahía de Bertamiráns (AMES).

Durante toda a xornada matinal instaláronse máis de 30 xogos populares e tradicionais para que todas as nenas e nenos do centro fosen xogando, organizados en diferentes quendas.

Os xogos estiveron dinamizados e supervisados pola equipa profesional de DINAMO.

Dende DINAMO organizamos todo tipo de eventos vencellados co mundo dos xogos populares e tradicionais. 



martes, 29 de junio de 2021

DINAMO organizou un Obradoiro Formativo en Consumo nos Mercados Municipais

Os pasados 22, 23 e 25 de xuño a equipa profesional de DINAMO organizou un Obradoiro Formativo en Consumo para futuros praceiras e praceiros dos mercados municipais do Concello da Coruña.

Durante as tres xornadas de traballo abordaron diferentes cuestións vencelladas cos dereitos das persoas consumidoras nos mercados municipais. Dende a etiquetaxe alimentaria ata as follas de reclamacións, pasando por as diferentes ordenanzas municipais e autonómicas de aplicación no seu traballo diario.

Esta formación enmárcase dentro do Programa Municipal de Educación para o Consumo da OMIC do Concello da Coruña que xestionamos dende DINAMO Xestión de Actividades Socioculturais SL



viernes, 25 de junio de 2021

DINAMO levou a Caravana de Xogos Populares ó CEIP Recimil (Ferrol)

O pasado 18 de xuño a equipa profesional de DINAMO levou a súa Caravana de Xogos Populares ó CEIP de Recimil en Ferrol.

Durante toda a mañá as alumnas e alumnos do centro descubriron os principais xogos e xoguetes tradicionais galegos, aqueles entretementos que siguen sobrevivindo dende tempos inmemoriais. Xogos ós que xa xogaron as súas nais e pais, e tamén as súas avoas e avós.

Xogos como a rá, o sapo, o tiralatas, o metediscos, os zancos, os bolos, os aros, as carreiras de chapas, os crebacabezas, os futbolíns, as torres de madeira, os memoris... conformaron unha serie de módulos nos que as cativas e cativos poideron participar.

miércoles, 23 de junio de 2021

DINAMO organizou un "Parti da Igualdade" en Bóveda

 O pasado 23 de xuño a equipa profesional de DINAMO organizou un Obradoiro de Igualdade de Xénero no Concello de Bóveda. 

O obradoiro foi un "Parti da Igualdade" no que as nenas e nenos fabricaron o seu propio taboleiro de xogo e despois descubriron e aprenderon as diferentes probas e seccións do Parti.

Todas as probas son temáticas en igualdade de xénero, pero siguen o estilo do archicoñecido xogo de mesa "Pary&Co". 

Dunha maneira lúdica, dinámica e divertida as e os participantes traballan sobre os estereotipos e roles de xénero, as discriminacións machistas e as súas consecuencias, e sobre todo as ferramentas necesarias para revertir a situación e acadar a igualdade entre homes e mulleres.

Esta actividade enmárcase dentro do Pacto do Estado contra a Violencia de Xénero.

martes, 22 de junio de 2021

DINAMO levou a Caravana de Xogos Populares ó CEIP Igrexa-Calo (Teo)

O pasado 18 de xuño a equipa profesional de DINAMO levou a súa Caravana de Xogos Populares ó CEIP Igrexa-Calo de Teo.

As nenas e nenos xogaron con diferentes xogos populares e tradicionais como a rá, os zancos, o metediscos, o tiralatas, os bolos, a chave, os sacos, os aros... que se repartiron en diferentes módulos que foron desinfectados e hixienizados segundo os protocolos derivados da COVID19.

Dende DINAMO organizamos todo tipo de eventos vencellados cos xogos populares e tradicionais por toda Galicia.

miércoles, 16 de junio de 2021

DINAMO organizou Xincanas pola Igualdade nas Escolas Unitarias de Vimianzo

O pasado 11 de xuño a  equipa profesional de DINAMO levou a cabo tres xincanas temáticas en igualdade nas Escolas Unitarias de Vimianzo. 

As actividades desenvolvéronse no CEIP Castromil, na EEI Carantoña e na EEI Carnés. Dúas educadoras/es levaron a cabo unha serie de probas, dinámicas e xogos en torno á igualdade de xénero e a prevención das violencias machistas.

A través das diferentes dinámicas abórdanse os estereotipos e roles de xénero, as discriminacións que sufren as mulleres e as consecuencias tan graves que o machismo actual ten na sociedade. Todo isto dende unha perspectiva de xénero e dende un punto de vista positivo e optimista.

Dende DINAMO organizamos unha manchea de actividades diferentes en torno á igualdade de xénero e a prevención das violencias machistas.



sábado, 12 de junio de 2021

DINAMO levou a súa Caravana de Xogos Populares á Romaxe da Chaira de Muras

 O pasado 22 de maio a equipa profesional de DINAMO levou a Caravana de Xogos Populares á Romaxe da Chaira celebrada no Concello de Muras.

Durante toda a xornada as e os visitantes á  Romaxe da Chaira poideron participar nos diferentes xogos populares que as educadoras/es de DINAMO instalaron na área recreativa da Veiga en Muras.

Dende DINAMO levamos os xogos populares e tradicionais a todo tipo de eventos, e para todo tipo de localizacións, pois resultan moi adaptables a grandes e pequenos espazos.



DINAMO organizou Xincanas das Letras Galegas en diferentes colexios de Galicia

O pasado mes de maio a equipa profesional de DINAMO levou a cabo varias Xincanas das Letras Galegas en diferentes centros educativos da xeografía galega. 

As nenas e nenos aprenderon dunha maneira lúdica e divertida unha morea de cousas sobre a cultura galega, o noso idioma e as escritoras/es das Letras Galegas.

A partir de xogos e dinámicas descubriron que dos máis de 60 autores homenaxeados no Día das Letras Galegas tan só hai 5 mulleres. Puxeron en valor a vida e a obra desas 5 escritoras, que van dende Rosalía de Castro ata Xela Arias, a homenaxeada neste 2021.

Os centros nos que se levaron a cabo estas xincanas foron o CEIP A Maía (Bertamiráns, Ames), CEIP Ponte do Porto (Camariñas), CEIP Cardeal Quiroga Palacios (Santiago de Compostela), e CEIP Santa María do Castro (Boiro).

Dende DINAMO organizamos unha manchea de actividades a prol da lingua e a cultura galega, tanto lúdicas como didácticas e formativas.



martes, 1 de junio de 2021

DINAMO levou a Caravana de Xogos Populares ó CEIP de Casaio (Carballeda de Valdeorras)

O pasado 16 de xuño a equipa profesional de DINAMO levou a Caravana de Xogos Populares ó CEIP de Casaio no concello de Carballeda de Valdeorras.

As pequenas e pequenos xogarón á rá, ó metediscos, ó tiralatas, ós zancos, ós futbolóns, os crebacabezas, a torre de madeira, a chave...

Dende DINAMO organizamos xornadas de xogos populares e tradicionais con grandes e pequenas entidades, centros educativos, eventos...

domingo, 30 de mayo de 2021

DINAMO organizou o Día dos Museos nas Casas Museo da Coruña

O pasado 15 de maio a equipa profesional de DINAMO organizou o programa de actividades do Día dos Museos nas Casas Museo do Concello da Coruña.

Na Casa Museo Picasso orgánizouse unha tarde de visitas expréss para pequenos grupos de convivintes nas que en moi poucos minutos as e os visitantes descubriron as principais características e datos históricos da casa.

Na Casa Museo de Casares Quiroga a proposta a realizar foi un concerto musical de Mamen Bazarra.

Ambas actividades enmarcáronse dentro da temática anual deste 2021: "O Futuro do Museos: recuperar e informar".

Dende DINAMO ofrecemos todo tipo de propostas culturais para museos, entidades culturais, sociais...

viernes, 28 de mayo de 2021

DINAMO organizou a Xincana do Camiño na Cidade da Cultura

Os pasados 24 e 25 de abril a equipa profesional de DINAMO organizou e dinamizou a Xincana do Camiño, unha proposta didáctica e lúdica para familias.

Instaláronse diferentes módulos didácticos con xogos populares e tradicionais galegos nos que as familias en pequenos grupos de convivintes tiveron que superar diferentes probas vencelladas con diferentes xogos populares.

Cada módulo simulaba unha etapa do camiño xacobeo da Vía da Prata en Galicia, co obxectivo de dar a coñecer esta vía xacobea.

Dende DINAMO organizamos todo tipo de xincanas didácticas e lúdicas para todo tipo de equimanentos culturais, museos, centros educativos...





sábado, 24 de abril de 2021

DINAMO creou un Video Didáctico sobre Residuos para a Casa Grande de Xanceda

A equipa educativa e artística de DINAMO creou un video didáctico sobre residuos e a súa xestión para a Casa Grande de Xanceda.

Deseñamos e realizamos un vídeo formativo sobre a separacion en orixe dos residuos e a súa xestión na Planta de Tratamento de Residos de SOGAMA. Esta peza audiovisual ten como principal obxectivo servir de formación para o persoal da Casa Grande de Xanceda. Dunha maneira entretida e dinámica abórdase os 3 R, nomeadamente a reducción, a reutilización e a reciclaxe.

Dende DINAMO producimos diferentes proxectos audiovisuais didácticos e formativos de moi diferentes temas.



martes, 20 de abril de 2021

DINAMO organizou un "Parti da Igualdade" en Catoira

 O pasado 17 de abril a equipa educativa de DINAMO levou a cabo un Obradoiro en Igualdade de Xénero titulado "Parti da Igualdade" no Concello de Catoira.

Trátase dunha nova actividade lúdica destinada a traballar a perspectiva de xénero dunha maneira dinámica e divertida con nenas e nenos de 6 a 12 anos. Durante 90 minutos as e os participantes deben superar unha serie de probas seguindo a metodoloxía e a estrutura do clásico xogo "Party&Co" con preguntas, retos, dinámicas...

Dende DINAMO organizamos todo tipo de actividades lúdicas e formativas en igualdade de xénero para levar a cabo en concellos, entidades sociais, centros educativos...



domingo, 18 de abril de 2021

DINAMO organizou unha Xincana pola Igualdade no CEIP Alborada

 O pasado 25 de marzo a equipa educativa de DINAMO organizou unha Xincana pola Igualdade no CEIP Alborada, con diferentes actividades para cada grupo escolar ou aula.

As e os participantes na xincana tiveron que superar unha serie de probas temáticas en igualdade de xénero, traballando sobre os estereotipos e roles de xénero, as discriminacións derivadas deste sistema machista, as consecuencias que teñen para as mulleres dende os micromachismos ata as cuestións consideradas como violencia machista.

Todo isto enfocado dende un punto de vista positivo e optimista centrado en promover relacións afectivas saudables e igualitarias. 

Dende DINAMO organizamos todo tipo de actividades lúdicas e formativas en igualdade de xénero en particular, así como na educación en valores en xeral.





viernes, 16 de abril de 2021

DINAMO organizou un Ciclo de Contacontos en Igualdade en Fisterra

No pasado mes de marzo o Concello de Fisterra organizou un ciclo de contacontos nos centros de ensino do concello, levando diferentes espectáculos a prol da igualdade, a cargo de Pedro Brandariz.

Os espectáculos escollidos foron "Non Máis Princesas" e Heroes e Heroas", ambos cunha fonda perspectiva de xénero, con historias lúdicas e moi divertidas, encamiñadas á sensibilización na igualdade de xénero e a prevención das violencias machistas.

O 17 de marzo foron catro pases no Colexio Nosa Señora do Carme, e o 18 de marzo foi o turno do CEIP Mar de Fora e o CEIP Areouta con tres pases en cada centro.

O número de pases foi tan elevado debido a que se realizou unha sesión por cada grupo-aula, para cumprir os protocolos de hixiene e seguridade esixidos pola actual crise da COVID19.



miércoles, 14 de abril de 2021

DINAMO organizou unha Xincana pola Igualdade no CEIP Curros Enríquez de Ourense

 O pasado 9 de marzo a equipa educativa de DINAMO levou a cabo unha serie de xincanas temáticas en igualdade de xénero con diferentes grupos do CEIP Curros Enríquez de Ourense.

As xincanas, adaptadas totalmente ás circunstancias COVID19, compóñense de diferentes probas lúdicas e didácticas sobre a perspectiva de xénero. A partir de xogos e dinámicas trabállase os roles de xénero, os estereotipos, as discriminacións... pero sobre todo unha perspectiva positiva, promovendo relacións afectivas sanas e positivas, a prevención de todo tipo de violencias machistas...

Dende DINAMO realizamos todo tipo de actividades didácticas en moi diferentes formatos: xincanas, obradoiros, sesións temáticas, contacontos...



sábado, 3 de abril de 2021

DINAMO organizou un ciclo de Contacontos pola Igualdade no Concello de Oroso

 Os pasados 24, 25 e 26 de marzo o Concello de Oroso organizou un ciclo de contacontos nos centros de ensino do concello, levando diferentes espectáculos a prol da igualdade, a cargo de Pedro Brandariz.

Os espectáculos escollidos foron "Non Máis Princesas" e Heroes e Heroas", ambos cunha fonda perspectiva de xénero, con historias lúdicas e moi divertidas, encamiñadas á sensibilización na igualdade de xénero e a prevención das violencias machistas.

O 24 de marzo foron tres pases no CEIP Camiño Inglés, o 25 de marzo catro pases nos diferentes CRAs de Oroso, e finalmente o 26 de marzo fixemos 6 pases no CEIP Sigüeiro. Todas as sesións estiveron destinadas ao alumnado de Educación Infantil dos centros.

O número de pases foi tan elevado debido a que se realizou unha sesión por cada grupo-aula, para cumprir os protocolos de hixiene e seguridade esixidos pola actual crise da COVID19.



jueves, 1 de abril de 2021

DINAMO organizou unha Xincana pola Igualdade no CEIP Víctor Sáenz (Mazaricos)

O pasado 8 de marzo a equipa educativa de DINAMO organizou unha xincan pola igualdade en Mazaricos, máis concretamente no CEIP Víctor Sáenz. Nesta actividade participaron todas as alumnas e alumnos de Educación Infantil e Primaria do centro.

As cativas e cativos pasaron unha mañá diferente realizando todo tipo de xogos e dinámicas temáticas encamiñadas cara a sensibilización en igualdade de xénero. Dunha maneira lúdica e divertida as pequenas e pequenos traballaron sobre os estereotipos e roles de xénero, os micromachismos, as discriminacións, as violencias machistas... e sobre todo novas formas relacionais baseadas na igualdade e na equidade, novas masculinidades...

Dende DINAMO levamos a cabo todo tipo de actividades en torno á igualdade de xénero e prevención das violencias machistas.

Ademais todas as actividades que realizamos nestes tempos cumpren todos os protocolos hixiénicos e sanitarios esixidos pola actual crise sanitaria da COVID19. Todas as e os participantes e o monitorado utilizan máscaras de protección, trabállase por grupos burbulla e entre cada grupo desinfectase todo o material utilizado. Así mesmo as e os participantes desinféctanse con xel hidroalcólico no comezo e no remate da actividade. 





domingo, 24 de enero de 2021

O Apalpador de DINAMOproducións pasouse ás "videoconferencias" en Cambre

Dende DINAMO levamos moitos anos encargándonos de que O Apalpador do Courel visite as nenas e nenos de Cambre e todos os anos o "carboeiro" fai un percorrido por 14 localizacións do Concello de Cambre. E neste Nadal non faltamos á nosa cita, pero nesta ocasión foi diferente, pois a visita do "Apalpador" foi por video ou streaming. 

Gravamos unha intervención do Apalpador en 14 localizacions diferentes do Concello de Cambre e nos días de Nadal foronse emitindo polas redes sociais do Concello de Cambre.

Este novo formato foi a solución que o persoal técnico municipal e da propia empresa atoparon para manter a programación nas actuais circunstancias derivadas da crise sanitaria da COVID19.


DINAMO organizou a Visita Teatralizada dos Reis Magos en Vimianzo

O pasado 5 de xaneiro a equipa artística de DINAMO organizou unha Visita Teatralizada dos Reis Magos na Casa da Cultura de Vimianzo, creando un espectáculo específico no que se foi interactuando coas nenas e nenos que asistiron, pero a distancia e con todas as medidas de seguridade necesarias.

Fixéronse tres pases do espectáculo de 45 minutos para evitar aglomeracións e que poidesen pasar todas nenas e nenos de Vimianzo e arredores que quixeran.

DINAMO ten equipas especializadas na creación e deseño de espectáculos a medida e específicos, como foi neste caso.

sábado, 23 de enero de 2021

DINAMO organizou un Programa de Contacontos e Obradoiros de Nadal en Camariñas

Os pasados 28 e 29 de outubro a equipa educativa de DINAMO organizou un programa de Contacontos e Obradoiros na Biblioteca de Camariñas.

O primeiro dos días o narrador oral foi Pedro Brandariz que narrou unha escolma de historias de Nadal e despois as nenas e nenos que asistiron ó contacontos tamén poideron participar nun divertido obradoiro vencellado cos contos que escoitaran previamente.

No segundo dos días a narradora foi a Pallasa Tati (Leti Miranda) que tamén contou historias de Nadal. E as nenas e nenos tamén participaron nun segundo obradoiro temático.

Dende DINAMO organizamos todo tipo de actividades lúdicas e escénicas para bibliotecas e outros espazos sociais e educativos.