DINAMO organizou 6 Xincanas pola Igualdade no CEIP Barrié de la Maza (Mondego, Sada)

O pasado 10 de decembro a equipa profesional de DINAMO organizou un total de 6 Xincanas pola Igualdade para o alumnado de terceiro ciclo de Educación Primaria do Colexio Barrié de la Maza, de Mondego, Sada.

As alumnas e alumnos repartidos nos seus correspondentes grupos-burbulla participaron nunha actividade temática para concienciar na igualdade de xénero e na prevención das violencias machistas. Trátase de xogos, dinámicas, probas, entretementos que supoñen unha clara inmersión na perspectiva de xénero, dende un punto de vista positivo e optimista.

Dende DINAMO organizamos todo tipo de actividades educativas para centros de ensino, departamentos municipais, asociacións... e outras entidades.

DINAMO organizou un Programa de Xincanas pola Igualdade no CEIP Alborada (A Coruña)

O pasado 26 de novembro a equipa profesional de DINAMO organizou unha serie de Xincanas pola Igualdade no CEIP Alborada da Coruña, co alumnado de Educación Infantil e Educación Primaria do centro.

As xincanas están conformadas por divertidas probas temáticas arredor da igualdade de xénero, a corresponsabilidade no fogar e a prevención das violencias machistas. Neste tipo de actividades ofrécese unha visión positiva e optimista sobre a perspectiva de xénero, para tratar de concienciar de maneira lúdica e dinñámica.

Dende DINAMO organizamos todo tipo de actividades para promover a igualdade de xénero e a prevención das violencias machistas.

DINAMO organizou varias Xincanas de Igualdade no Colexio Jorge Juan (Xuvia, Narón)

O pasado 24 de novembro a equipa profesional de DINAMO organizou un total de 8 Xincanas pola Igualdade co alumnado de Educación Primaria e Secundaria do Colexio Jorge Juan de Xuvia, en Narón. 

Trátase de xincanas con probas, xogos e entrementos adaptados a cada idade participante, que teñen como obxectivo principal a sensibilización en igualdade de xénero e a prevención das violencias machistas. De feito as xincanas celebráronse con motivo do 25 de Novembro, Día Internacional contra a Violencia de Xénero.

Ademáis das xincanas as alumnas e alumnos de Educación Infantil participaron en diferentes sesións do contacontos "Non Máis Princesas" a cargo da narradora oral Manuela Varela. Isto é unha boa mostra do amplo abano de actividades que dende DINAMO organizamos no eido da igualdade de xénero e da prevención das violencias machistas.

DINAMO organizou Xincanas de Igualdade nos centros educativos de Fisterra

Os pasados 22 e 23 de Novembro a eauipa profesional de DINAMO organizou unha serie de Xincanas pola Igualdade nos centro de ensino primario do Concello de Fisterra.

Durante as dúas xornadas as educadoras/es percorreron as diferentes aulas do CEIP Mar de Fora, CEIP Areouta e do Colexio Nosa Señora do Carme, realizando divertidas xincanas para sensibilizar na igualdade de xénero e previr a violencia machista.

Estas actividades enmárcanse dentro da programación municipal para conmemorar o 25 de Novembro, Día Internacional contra as Violencias Machistas, e conta coa axuda do Pacto do Estado para tal obxectivo.

As xincanas consisten en diferentes probas, xogos e entrementos temáticos e que consiguen poñer a perspectiva de xénero no foco da sesión.

Dende DINAMO organizamos todo tipo de actividades de sensibilización en igualdade de xénero e prevención das violencias machistas, dende xincanas ata espectáculos teatrais, pasando por obradoiros, charlas...

DINAMO organizou un "Parti da Igualdade" en Bóveda

 O pasado 23 de xuño a equipa profesional de DINAMO organizou un Obradoiro de Igualdade de Xénero no Concello de Bóveda. 

O obradoiro foi un "Parti da Igualdade" no que as nenas e nenos fabricaron o seu propio taboleiro de xogo e despois descubriron e aprenderon as diferentes probas e seccións do Parti.

Todas as probas son temáticas en igualdade de xénero, pero siguen o estilo do archicoñecido xogo de mesa "Pary&Co". 

Dunha maneira lúdica, dinámica e divertida as e os participantes traballan sobre os estereotipos e roles de xénero, as discriminacións machistas e as súas consecuencias, e sobre todo as ferramentas necesarias para revertir a situación e acadar a igualdade entre homes e mulleres.

Esta actividade enmárcase dentro do Pacto do Estado contra a Violencia de Xénero.

DINAMO organizou Xincanas pola Igualdade nas Escolas Unitarias de Vimianzo

O pasado 11 de xuño a  equipa profesional de DINAMO levou a cabo tres xincanas temáticas en igualdade nas Escolas Unitarias de Vimianzo. 

As actividades desenvolvéronse no CEIP Castromil, na EEI Carantoña e na EEI Carnés. Dúas educadoras/es levaron a cabo unha serie de probas, dinámicas e xogos en torno á igualdade de xénero e a prevención das violencias machistas.

A través das diferentes dinámicas abórdanse os estereotipos e roles de xénero, as discriminacións que sufren as mulleres e as consecuencias tan graves que o machismo actual ten na sociedade. Todo isto dende unha perspectiva de xénero e dende un punto de vista positivo e optimista.

Dende DINAMO organizamos unha manchea de actividades diferentes en torno á igualdade de xénero e a prevención das violencias machistas.

DINAMO organizou un "Parti da Igualdade" en Catoira

 O pasado 17 de abril a equipa educativa de DINAMO levou a cabo un Obradoiro en Igualdade de Xénero titulado "Parti da Igualdade" no Concello de Catoira.

Trátase dunha nova actividade lúdica destinada a traballar a perspectiva de xénero dunha maneira dinámica e divertida con nenas e nenos de 6 a 12 anos. Durante 90 minutos as e os participantes deben superar unha serie de probas seguindo a metodoloxía e a estrutura do clásico xogo "Party&Co" con preguntas, retos, dinámicas...

Dende DINAMO organizamos todo tipo de actividades lúdicas e formativas en igualdade de xénero para levar a cabo en concellos, entidades sociais, centros educativos...

DINAMO organizou unha Xincana pola Igualdade no CEIP Alborada

 O pasado 25 de marzo a equipa educativa de DINAMO organizou unha Xincana pola Igualdade no CEIP Alborada, con diferentes actividades para cada grupo escolar ou aula.

As e os participantes na xincana tiveron que superar unha serie de probas temáticas en igualdade de xénero, traballando sobre os estereotipos e roles de xénero, as discriminacións derivadas deste sistema machista, as consecuencias que teñen para as mulleres dende os micromachismos ata as cuestións consideradas como violencia machista.

Todo isto enfocado dende un punto de vista positivo e optimista centrado en promover relacións afectivas saudables e igualitarias. 

Dende DINAMO organizamos todo tipo de actividades lúdicas e formativas en igualdade de xénero en particular, así como na educación en valores en xeral.

DINAMO organizou un Ciclo de Contacontos en Igualdade en Fisterra

No pasado mes de marzo o Concello de Fisterra organizou un ciclo de contacontos nos centros de ensino do concello, levando diferentes espectáculos a prol da igualdade, a cargo de Pedro Brandariz.

Os espectáculos escollidos foron "Non Máis Princesas" e Heroes e Heroas", ambos cunha fonda perspectiva de xénero, con historias lúdicas e moi divertidas, encamiñadas á sensibilización na igualdade de xénero e a prevención das violencias machistas.

O 17 de marzo foron catro pases no Colexio Nosa Señora do Carme, e o 18 de marzo foi o turno do CEIP Mar de Fora e o CEIP Areouta con tres pases en cada centro.

O número de pases foi tan elevado debido a que se realizou unha sesión por cada grupo-aula, para cumprir os protocolos de hixiene e seguridade esixidos pola actual crise da COVID19.

DINAMO organizou unha Xincana pola Igualdade no CEIP Curros Enríquez de Ourense

 O pasado 9 de marzo a equipa educativa de DINAMO levou a cabo unha serie de xincanas temáticas en igualdade de xénero con diferentes grupos do CEIP Curros Enríquez de Ourense.

As xincanas, adaptadas totalmente ás circunstancias COVID19, compóñense de diferentes probas lúdicas e didácticas sobre a perspectiva de xénero. A partir de xogos e dinámicas trabállase os roles de xénero, os estereotipos, as discriminacións... pero sobre todo unha perspectiva positiva, promovendo relacións afectivas sanas e positivas, a prevención de todo tipo de violencias machistas...

Dende DINAMO realizamos todo tipo de actividades didácticas en moi diferentes formatos: xincanas, obradoiros, sesións temáticas, contacontos...

DINAMO organizou un ciclo de Contacontos pola Igualdade no Concello de Oroso

 Os pasados 24, 25 e 26 de marzo o Concello de Oroso organizou un ciclo de contacontos nos centros de ensino do concello, levando diferentes espectáculos a prol da igualdade, a cargo de Pedro Brandariz.

Os espectáculos escollidos foron "Non Máis Princesas" e Heroes e Heroas", ambos cunha fonda perspectiva de xénero, con historias lúdicas e moi divertidas, encamiñadas á sensibilización na igualdade de xénero e a prevención das violencias machistas.

O 24 de marzo foron tres pases no CEIP Camiño Inglés, o 25 de marzo catro pases nos diferentes CRAs de Oroso, e finalmente o 26 de marzo fixemos 6 pases no CEIP Sigüeiro. Todas as sesións estiveron destinadas ao alumnado de Educación Infantil dos centros.

O número de pases foi tan elevado debido a que se realizou unha sesión por cada grupo-aula, para cumprir os protocolos de hixiene e seguridade esixidos pola actual crise da COVID19.

DINAMO organizou unha Xincana pola Igualdade no CEIP Víctor Sáenz (Mazaricos)

O pasado 8 de marzo a equipa educativa de DINAMO organizou unha xincan pola igualdade en Mazaricos, máis concretamente no CEIP Víctor Sáenz. Nesta actividade participaron todas as alumnas e alumnos de Educación Infantil e Primaria do centro.

As cativas e cativos pasaron unha mañá diferente realizando todo tipo de xogos e dinámicas temáticas encamiñadas cara a sensibilización en igualdade de xénero. Dunha maneira lúdica e divertida as pequenas e pequenos traballaron sobre os estereotipos e roles de xénero, os micromachismos, as discriminacións, as violencias machistas... e sobre todo novas formas relacionais baseadas na igualdade e na equidade, novas masculinidades...

Dende DINAMO levamos a cabo todo tipo de actividades en torno á igualdade de xénero e prevención das violencias machistas.

Ademais todas as actividades que realizamos nestes tempos cumpren todos os protocolos hixiénicos e sanitarios esixidos pola actual crise sanitaria da COVID19. Todas as e os participantes e o monitorado utilizan máscaras de protección, trabállase por grupos burbulla e entre cada grupo desinfectase todo o material utilizado. Así mesmo as e os participantes desinféctanse con xel hidroalcólico no comezo e no remate da actividade. 

DINAMO realizou unha Xincana pola Igualdade no CEIP Mesón do Vento

O pasado 27 de novembro s equipa profesional de DINAMO organizou una Xincana pola Igualdade no CEIP Mesón do Vento (concello de Ordes).

As alumnas e alumnos tiveron que superar una serie de probas temáticas en torno á eliminación de estereotipos machistas, detección de roles sexistas, prevención da violencia de xénero… 

Trátase de probas lúdicas e ó mesmo tempo didácticas que axudan á sensibilización en relacións de igualdade, baseadas no respecto e na promoción de actitudes igualitarias.

Dende DINAMO organizamos todo tipo de actividades de sensibilización en igualdade de xénero, dende xincanas lúdicas, obradoiros, charlas formativas, contacontos, proxeccións...

DINAMO organizou unha Xincana pola Igualdade no CEIP Vales Vilamarín (Betanzos)

O pasado 22 de novembro a equipa profesional de DINAMO organizou una Xincana pola Igualdade no CEIP Vales Vilamarín de Betanzos da man da ANPA Brigatium.

Máis de 400 alumnas e alumnos participaron nunha serie de probas temáticas vencelladas coa prevención da violencia machista e a promoción da igualdade de xénero. As actividades lúdicas e didácticas están encamiñadas cara a detección e eliminación de estereotipos machistas, roles de xénero sexistas e a promoción de relacións saudables e en pé de igualdade.

A actividades estivo enmarcada dentro dun programa de actividades en igualdade organizado pola Asociación de Nais e Pais do centro e que recibe o título de "Adiante co Bó Trato"

Dende DINAMO organizamos multitude de xincanas pola igualdade, así como actividades en torno da sensibilización en actitudes de respecto, tolerancia...

DINAMO levou a cabo Programas de Igualdade de Xénero en diferentes concellos

A equipa profesional de DINAMO levou a cabo diferentes programacións e actividades en torno á igualdade de xénero e sobre todo no eido da prevención das violencias machistas, en numerosos municipios galegos.

Moitas destas acccións estiveron enmarcadas dentro do Pacto de Estado contra a Violencia de Xénero, que contemplou una serie de axudas para as entidades municipais levasen a cabo acción de sensibilización en igualdade de xénero para as súas veciñas e vecinos.

Moitos foron os concellos que contaron coa colaboración de DINAMO para deseñar, planificar e executar este tipo de acción socioeducativas. Algúns deles foron: Sanxenxo, Moeche, Pol, Folgoso so Courel, Bóveda, Ponteceso, Ares, Riveira...

Dende DINAMO ofrecemos un servizo integral que axude ás técnicas e técnicos de igualdade na procura de propostas innovadoras e efectivas no eido da prevención das violencias exercidas contra as mulleres.

DINAMO organizou Obradoiros de Hip Hop pola Igualdade de Xénero en Sanxenxo

Os pasados 30 e 31 de maio a equipa profesional de DINAMO levou a cabo diferentes obradoiros de Rap pola Igualdade de Xénero e Prevención da Violencia Machista coa mocidade de Sanxenxo.

Unha equipa multidisciplinar formada por educadoras/es sociais e rapeiras/os fixo en cada sesión de traballo una introducción á temática da igualdade de maneira transversal, para logo abordar mínimamente a cultura hip-hop e a música rap, dando paso ó centro do traballo que foi a creación de rimas específicas pola igualdade de xénero e de prevención das violencias machistas, coa posterior posta en común e exhibición das rapeiras e rapeiros.

O obxectivo destas acción é traballar a igualdade entre mozas e mozos dende centros de interese potentes para a mocidade como ven sendo o rap.

Trátase dunha actividade que dende DINAMO desenvolvemento en moitos concellos, centros educativos, entidades sociais… polo que o sistema de traballo é moi rápido e eficaz.

DINAMO organizou o Programa "Machismos GAME OVER" coa mocidade de Ponteceso

Durante os pasados meses de marzo, abril e maio a equipa profesional de DINAMO levou a cabo un Programa Educativo de Sensibilización en Igualdade e Prevención da Violencia de Xénero no IES Eduardo Pondal de Ponteceso, por iniciativa da área de Servizos Sociais do Concello de Ponteceso.

As actividades consistiron en charlas educativas conformadas por dinámicas de grupo e exercicios participativos, deseño e edición de materiais gráficos (chapas e pegatinas)…

As alumnas e alumnos da ESO deseñaron os eslogans, logotipos e imaxes da campaña que despois foron editados e repartidos para todo o alumnado do centro.

DINAMO organizou un Obradoiro de Marmeladas na Feira Rural de San Sadurniño

O pasado sábado 26 de agosto a equipa profesional de DINAMO levou a cabo un Obradoiro de Marmeladas na Feira Rural de San Sadurniño, un evento que ensalza a vida no rural e que cada ano faise máis grande. 

As educadoras/es realizaron un obradoiro de riquísimas marmeladas elaboradas con froitas de tempada que doaron os expositores da propia feira. Desta maneira ensinaron ás máis cativas/os unha das solucións máis sinxelas para conservar a froita e poder cómela todo o ano. 

Ademáis fixeron marmeladas saudables e incidiron na Educación para a Saúde promovendo unha alimentación sá e equilibrada. Ao tempo traballaron na igualdade de xénero, animando a participar neste obradoiro de "cociña" tanto a nenas como a nenos, eliminando desta maneira os roles machistas. 

Os Obradoiros de Cociña son unha das actividades estrela de DINAMO e teñen un gran potencial como ferramenta pedagóxica. Se queres recibir a nosa proposta podes chamar ó 619.345.100 ou escribir a dinamo@dinamoxestion.com

DINAMO organizou o Parti da Igualdade en Viana do Bolo

O pasado 8 de marzo a equipa profesional de DINAMO levou a cabo "O Parti da Igualdade" en varias aulas de dous centros educativos de Viana do Bolo.

O Party and Co é un xogo de mesa clásico que ten moi boa aceptación entre a xente moza. Por iso mismo dende DINAMO realizamos una adaptación temática orientada cara a prevención da violencia de xénero.

As e os participantes participaron no xogo, superando as diferentes probas temáticas: mímica, pictionary, tabú, tarareator...

Dende DINAMO organizamos multitude de actividades para fomentar a igualdade de xénero e previr as violencias machistas. Se queres recibir a nosa proposta podes chamar ó 619.345.100 ou escribir a dinamo@dinamoxestion.com

DINAMO organizou o Programa de Prevención da Violencia de Xénero nos IES de Cambre

Durante os pasados meses de outubro e novembro a equipa profesional de DINAMO desenvolveu o Programa de Prevención de Violencia de Xénero nos IES de Cambre (IES Alfonso X O Sabio e IES David Buján) levando a cabo seis sesión de traballo con nove grupos de 2ºESO e creando un produto final que tivo como obxectivo sensibilizar ó resto do alumnado.

Durante as sesións de tradballo as mozas e mozos descubriron os principais estereotipos machistas e roles de xénero, así como as súas consecuencias na vida cotiá, analizando discriminacións, situacións de violencia de xénero... Na última fase tentaron buscar solución a esta lacra da sociedade e por último prepararon dous lipdubs de sensibilización en igualdade de xénero, que foron proxectados para todo o alumnado dos centros.

Aquí vos deixamos os dous lip dubs.