DINAMO organizou varias Xincanas de Igualdade no Colexio Jorge Juan (Xuvia, Narón)

O pasado 24 de novembro a equipa profesional de DINAMO organizou un total de 8 Xincanas pola Igualdade co alumnado de Educación Primaria e Secundaria do Colexio Jorge Juan de Xuvia, en Narón. 

Trátase de xincanas con probas, xogos e entrementos adaptados a cada idade participante, que teñen como obxectivo principal a sensibilización en igualdade de xénero e a prevención das violencias machistas. De feito as xincanas celebráronse con motivo do 25 de Novembro, Día Internacional contra a Violencia de Xénero.

Ademáis das xincanas as alumnas e alumnos de Educación Infantil participaron en diferentes sesións do contacontos "Non Máis Princesas" a cargo da narradora oral Manuela Varela. Isto é unha boa mostra do amplo abano de actividades que dende DINAMO organizamos no eido da igualdade de xénero e da prevención das violencias machistas.

DINAMO organizou Xincanas de Igualdade nos centros educativos de Fisterra

Os pasados 22 e 23 de Novembro a eauipa profesional de DINAMO organizou unha serie de Xincanas pola Igualdade nos centro de ensino primario do Concello de Fisterra.

Durante as dúas xornadas as educadoras/es percorreron as diferentes aulas do CEIP Mar de Fora, CEIP Areouta e do Colexio Nosa Señora do Carme, realizando divertidas xincanas para sensibilizar na igualdade de xénero e previr a violencia machista.

Estas actividades enmárcanse dentro da programación municipal para conmemorar o 25 de Novembro, Día Internacional contra as Violencias Machistas, e conta coa axuda do Pacto do Estado para tal obxectivo.

As xincanas consisten en diferentes probas, xogos e entrementos temáticos e que consiguen poñer a perspectiva de xénero no foco da sesión.

Dende DINAMO organizamos todo tipo de actividades de sensibilización en igualdade de xénero e prevención das violencias machistas, dende xincanas ata espectáculos teatrais, pasando por obradoiros, charlas...

DINAMO organoizou un Obradoiro de Rap contra as Violencias Machistas en Ribeira

O pasado 24 de novembro a equipa educativa de DINAMO, xunto con BoqueteMC, levou a cabo un Obradoiro de Rap contra as Violencias Machistas no Espazo Xove de Ribeira.

Nun primeiro lugar as e os participantes recibiron una aproximación á cultura do rap e o hip.hop así como á perspectiva de xénero, para poñerse de contado a crear as súas propias letras e rimas. 

A última fase consistiu en poñer esas letras en común e probar a rapealas sobre diferentes bases musicais. 

O rap supón una magnífica ferramenta de sensibilización en igualdade de xénero para mozas e mozos.

Esta actividade estivo enmarcada dentro da extensa programación que o Concello de Ribeira organizou para conmemorar o 25 de Novembro, Día Internacional contra as Violencias Machistas.

DINAMO leva a cabo os Obradoiros de Bó Trato nos IES de Cambre

A pasada semana comezaron nos Institutos de Ensino Secundario de Cambre os Obradoiros de Bó Trato, dentro do Programa de Prevención da Violencia de Xénero do Concello de Cambre. 

Durante os meses de outubro e novembro a equipa profesional de DINAMO desenvolverá catro sesións de traballo con 9 grupos-aula, do IES David Buján e IES Alfonso X O Sabio.

As actividades rematarán na semana do 25 de Novembro, Día Internacional contra a Violencia de Xénero, realizando una gran campaña de sensibilización, que se enmarcará dentro do programa de "Cambre en Negro contra a Violencia de Xénero"

Dende DINAMO levamos a cabo moi diferentes programas educativos de prevención das violencias machistas, de educación afectivo-sexual, de educación para a saúde...

DINAMO organizou Obradoiros de Hip Hop pola Igualdade en Muros e Carnota

A mañá do 25 de novembro a equipa educativa de DINAMO levou a cabo 5 obradoiros de Hip Hop pola Igualdade de Xénero nos IES de Muros e Carnota, promovidos polo CIM de Muros que abrangue os dous concellos.

Unha educadora con formación e experiencia no eido da igualdade e prevención da violencia de xénero e o rapeiro Ricky Hombre Libre artellaron un obradoiro no que as mozas e mozos aprenden a rimar, descubren as técnicas básicas e do rap e practican o freestyle, sempre dende a perspectiva de xénero. Desta maneira crean cancións e letras para sensibilizar na igualdade de xénero e na prevención da violencia machista.

Os obradoiros de hip hop son unha magnífica ferramenta para traballar contidos educativos e sobre todo dentro da perspectiva de xénero

Son unha das actividades estrela desta tempada e realizamos este tipo de obradoiros en outro moitos concellos.

Se queres recibir a nosa proposta de Obradoiros para a Mocidade ou a Proposta de Actividades para a Igualdade de Xénero e Prevención da Violencia Machista podes chamar ó 619.345.100 ou escribir a dinamo@dinamoxestion.com

DINAMO conmemorou o 25N en varios concellos galegos con obradoiros, charlas, contacontos...

Nesta semana, na que se conmmora o 25N, Día Internacional contra as Violencias Machistas a equipa profesional de DINAMO estivemos en diferentes municipios da provincia da Coruña para realizar actividades de sensibilización neste eido. Algunhas das actividades foron:

- 24 de Novembro: Espectáculo "Contos sen... machismo" no Auditorio Municipal de Negreira. 

- 25 de Novembro: "Xornada de Obradoiros de Prevención da Violencia de Xénero" en Mañón.

- 25 de Novembro: "Xornada de Obradoiros de Prevención da Violencia de Xénero" en Moeche.

- 25 de Novembro: Participación na "Xornada de Boas Prácticas na Prevención da Violencia de Xénero", organizada polo Concello da Coruña.

Ademáis nestes días de novembro concéntranse as sesións de traballo do Programa Educativo Somos 2, organizado polo Concello da Corula e que traballa na prevención da violencia de xénero nas aulas de 3º e 4º da ESO.

Dende DINAMO traballemos a reo no eido da igualdade desenvolvendo programas educativos, lúdicos e artísticos en moi diferentes entidades.

DINAMO participará nunha Xornada no "Novembro Libre de Violencias Machistas" da Coruña

O vindeiro 25 de Novembro dende DINAMO participaremos na Xornada "As boas prácticas na prevención das violencias machistas", dentro da "Mesa de Experiencias Prácticas na Promoción da Igualdade e Prevención da Violencia de Xénero no Ensino Reglado e no Tempo de Lecer".

Nesa mesa contaremos as actividades que realizamos no eido da igualdade de xénero e na prevención da violencia machista, dende os programas educativos, ata as actividades lúdicas, pasando polas propostas escénicas...

Esta xornada enmárcase dentro da programación do Concello de Coruña para conmemorar o 25 de Novembro, Día Internacional en Contra da Violencia de Xénero. 

Esta é tan só unha das moitas actividades que celebraremos en diferentes concellos en torno ao 25 de Novembro. 

DINAMO realizou un extenso programa de actividades arredor do 25N

Nas pasadas datas a equipa profesional de DINAMO levou a cabo moi diferentes actividades con motivo do 25 de Novembro, Día Internacional da Violencia de Xénero.

Algunhas destas actividades foron as seguintes:

- "Somos 2". Programa Educativo en Igualdade e Prevención da Violencia de Xénero. Nos Institutos de Ensino Secundario da Coruña. Organizado polo Concello da Coruña.

- "Contos e outras andrómenas". Contacontos sobre a Igualdade no CEIP Gándara de Sofán. Organizado polo Concello de Carballo.

- Xornada de Convivencia para Mulleres e Familias no Pazo de Mariñán, organizado polos Concellos de Arteixo e da Laracha, en colaboración coa Deputación da Coruña.

- Pasiño a pasiño cara a igualdade: roteiros pola igualdade. Organizado polo Concello da Coruña.

- Contamos X =". Contacontos sobre a Igualdade nas Asociacións de Veciñas/os de Ferrol. Organizado polo Concello de Ferrol.

- "Pintamos o mesmo". Obradoiros de Grafife para Mocidade sobre a Igualdade. Organizado polo Concello de Ferrol. 

-

DINAMO organizou Obradoiros de Prevención de Violencia de Xénero nos Centros Cívicos da Coruña

No pasado mes de novembro a equipa profesional de DINAMO levou a cabo unha serie de obradoiros de "prevención da violencia de xénero", organizados polo Centro de Información ás Mulleres, dentro da Campaña do 25-N "Estamos Contigo". 

Foron 12 obradoiros biaxo tres modalidades diferentes:

Para nenas e nenos: traballando conceptos como a igualdade de xénero, a corresponabilidade... con xogos divertidos, a través dos contos infantís...

Para mozas e mozos: abordáronse as relacións de noivado, aprender a detectas os sinais de maltrato psicolóxico, as habilidades sociais ... a través de dinámicas amenas e participativas

Para as persoas adultas: abordouse o fenómeno da violencia de xénero, as súas causas e consecuencias, e sobre todo como fuxir desa relación de maltrato, ou como axudar a terceiras persoas.

Cada centro cívico da Coruña escolleu un ou varios dos obradoiros para traballar coas súas usuarias/os.

Esta foi unha actividade máis da Campaña "Estamos Contigo", do Concello da Coruña, para conmemorar o 25 de Novembro, Día Internacional contra a Violencia de Xénero. 

O Bus do 25-N do Concello da Coruña, dinamizado e atendido por DINAMO

 A equipa educativa de DINAMO prestou os servizos de atención e dinamización do Bus á pé de rúa da Campaña "Estamos Contigo" de Prevención da Violencia de Xénero, do Concello da Coruña. 

Con motivo da conmemoración do 25 de Novembro, Día Internacional contra a Violencia de Xénero o Concello da Coruña prantexou unha extensa campaña de sensibilización, na que unha das principais accións foi ofrecer ás coruñesas e coruñeses un punto de información e sensibilización móbil, a modo de autobús.

O "autobús violeta" percorreu durante a semana do 25 ao 29 de novembro boa parte das rúas e prazas da cidade, sempre atendido e dinamizado por persoal especializado, neste caso da empresa DINAMO.

Cada mañá e cada tarde o autobús ubicouse nun punto senlleiro da cidade herculina e a dinamizadora/or ofrecía información a todas as e os viandantes, resolvía dúbidas a todas as persoas que así o solicitaban e incluso se asesorou a mulleres que sufren a violencia machista, ofrecendo a información necesaria nese primeiro momento e derivandoa a servizos máis especializados.

A campaña foi promovida e xestionada polo Centro de Información ás Mulleres de A Coruña, e consta de outras moitas accións, das que algunhas tamén foron levadas a cabo por DINAMO, e das que daremos boa conta en seguintes entradas.

DINAMO leva a cabo os Obradoiros de Bó Trato nos institutos de Cambre

Durante os meses de outubro e novembro a equipa profesional de DINAMO está a levar a cabo os Obradoiros de Bó Trato dentro da Campaña de Prevención, Sensibilización e Concienciación contra a Violencia de Xénero do Concello de Cambre.

Os obradoiros educativos desénvolvense con todos os grupos do segundo curso da ESO (Educación Secundaria Obligatoria) dos centros de ensino secundario do concello cambrés, tanto o Alfonso X O Sabio (A Barcala) como o David Buján (Sigrás). 

Cada grupo / aula participa en seis sesións de traballo de 50 minutos no que se traballan os estereotipos de xénero, roles, funcións, tipoloxía das discriminacións, causas e consecuencias da violencia de xénero, prevención, corresponsabilidade ...

As seis sesións concluirán cun concurso de "guións de curtametraxes" das que os dous mellores gravaranse de maneira profesional, e que serán presentadas arredor do día 25 de Novembro (Día Internacional contra a Violencia de Xénero)

DINAMO participa nos Actos de Conmemoración do 25 de Novembro en Pontedeume

Como cada ano o Concello de Pontedeume conmemorou o 25 de Novembro, Día Internacional contra a Violencia de Xénero.

Foi un dos socios de DINAMO, Felipe Díaz “Caxoto” quen presentou o acto de entrega de premios do IV Certame de Relatos Breves pola Igualdade, que se organiza co obxectivo de sensibilizar na igualdade entre homes e mulleres e previr a violencia de xénero.

O acto celebrouse o propio día 25 de Novembro ás 12:30, sendo precedido polo Acto Central, onde se leu o manifesto de repulsa á violencia machista.

DINAMO organizou unha Xincana pola Igualdade en Moeche

Este xoves, 24 de Novembro, a equipa educativa de DINAMO levou a cabo unha “xincana pola igualdade de xénero” no CEIP San Ramón de Moeche, por iniciativa do propio concello.

As alumnas e alumnos tiveron unha mañá atípica, pero por unha boa causa, para amosar a súa repulsa a calquera tipo de violencia e discrimación contra as mulleres.

A xincana contiña unha gran cantidade de probas, dinámicas, xogos, preguntas … todas vencelladas co eido da corresponsabilidade no fogar, coa eliminación de estereotipos e roles sexistas, e sobre todo coa detección e prevención da violencia de xénero.

As “xincanas pola igualdade” é unha actividade que DINAMO realiza en moitos centros educativos ó longo de todo o ano, pois permite concienciar e sensibilizar ás cativas e cativos dunha maneira lúdica e sobre todo didáctica.

DINAMO organiza o Acto Central da Campaña de Prevención da Violencia de Xénero do Concello de Cambre

Este xoves, ás 20:00 no Centro Sociocultural do Graxal, o Concello de Cambre leva a cabo o Acto Central da Campaña de Prevención da Violencia de Xénero cun programa de accións multidisplinares.

Neste acto, co que o concello cambrés adiantase ó 25 de Novembro (Día Internacional contra a Violencia de Xénero), as persoas que asistan poderán visionar as curtametraxes guionizadas polas alumnas e alumnos dos IES de Cambre, unha pequena peza teatral sobre o tema da violencia machista, un concerto do músico local Hugo Torreiro e moitas cousas máis.

Desta maneira pechase a campaña municipal de sensibilización que ten por lema “Canto me quere! Canto me quere? Na Violencia de Xénero, un signo basta.  Esta campaña levouse a cabo con diferentes accións:

-          Obradoiros de Bó Trato nos IES de Cambre: actividades educativas e de sensibilización

-          Edición de carteis, folletos, chapas, bolsas co lema e imaxe da campaña.

-          Actuacións teatrais temáticas

-          E o propio acto que se celebra o día 24 de Novembro.

DINAMO leva a cabo o Programa Educativo "Somos 2. Eu tamén conto" do CIM da Coruña

Nos vindeiros días a equipa educativa comezará a impartir as accións educativas do Programa Educativo en Igualdade e Prevención de Violencia de Xénero “Somos 2. Eu tamén conto”, iniciativa do Centro de Información ás Mulleres do Concello da Coruña.

Serán alumnas e alumnos de numerosos centros de ensino secundario da cidade herculina as e os que participen nos obradoiros educativos.

Nas tres sesións de traballo que se desenvolven con cada grupo-aula, as educadoras/es traballan coas mozas e mozos, sobre os estereotipos de xénero, os roles, o sistema sexo-xénero, o noviazgo saudable, as relacións de parella, o bo trato e o maltrato, a violencia machista, tipos de violencia …

Boa parte das sesións centranse en torno ao 25 de novembro (Día Internacional contra a Violencia Machista), pero como son moitos os centros educativos que solicitan tales actividades, dentro do programa Aprender en Coruña, as sesións exténderanse ó 2º e 3º trimestre do curso.

DINAMO presenta a súa nova Proposta de Actividades de Igualdade

Todos os anos por estas datas a equipa de DINAMO saca á luz a súa nova proposta de Actividades de Igualdade, sobre todo en relación coa celebración do 25 de Novembro, Día Internacional contra a Violencia de Xénero.

Son propostas concretas para realizar en concellos, centros educativos, entidades sociais … Todas elas coa pretensión de sensibilizar á poboación na igualdade efectiva entre homes e mulleres: igualdade de oportunidades, igualdade de trato … E particularmente, vencellado coa celebración do 25 de Novembro, o obxectivo de acadar a eliminación de calquera mostra de violencia contra as mulleres.

A proposta recolle actividades para todas as idades, dende actividades para as máis cativas e cativos ata accións para a poboación adulta ou a terceira idade, pasando por programas para a mocidade. O carácter das actividades tamén é moi variado: campañas de sensibilización, accións educativas, obradoiros, xogos, propostas lúdicas, actuacións teatrais e musicais, …

Este tipo de propostas preséntanse con bastante tempo de antelación para que as e os responsables de entidades municipais, centros escolares, asociacións e outras entidades poidan planificar as súas actividades e programas con tempo suficiente.

Se queredes recibir a proposta completa podedes solicitala no correo electrónico dinamo@dinamoxestion.com ou chamando ó 647.488.688