DINAMO organiza un Obradoiro de Cociña para as cativas e cativos de Novo Mesoiro

Nas tardes do Luns 30 de Maio e Mércores 1 de Xuño as nenas e nenos, cunha idade comprendida entre os 3 e os 10 anos e residentes en Novo Mesoiro, poderán participar nun Obradoiro de Cociña. A actividade vaise desenvolver no Centro Cívico Municipal de Novo Mesoiro, o luns e o mércores de 18:00 a 19:30.

Estes obradoiros de cociña, que dinamizan a equipa educativa de DINAMO, promoven que as pequenas e pequenos coñezan os alimentos, adquiran a súa primeira experiencia coa cociña e sobre todo que aprendan hábitos alimentarios saudables ademáis de concienciar nos novos roles de xénero: que a cociña é tanto para os nenos como para as nenas. Desta maneira, aprendendo dende as idades máis temperás acadaremos os obxectivos educativos programados.

Evidentemente as receitas serán moi sinxelas, moi divertidas, e sobre todo saudables.Por exemplo, neste obradoiro en concreto centraranse nas enormes posibilidades que nos ofrecen as froitas.

DINAMO organiza obradoiros de cociña en moitísimos concellos de Galicia pois o abano de obxectivos acadados é moi amplo: aprendizaxe de técnicas e receitas, fomento de hábitos alimentarios saudables, revisión dos roles de xénero …

DINAMO presenta actividades novidosas para o peche do curso escolar

Todos os anos cando remata o curso escolar en moitos centros educativos celebranse festas de despedida, actividades lúdicas, didácticas ...  para deixar as obrigas académicas con boas sensacións.

Dende DINAMO ofrecemos ós centros educativos, asociacións de nais e pais, mestras e mestres un amplo catálogo de posibilidades, dende pequenos obradoiros, ata grandes festas de animación, pasano polas actuacións musicais e teatrais …

Na proposta, que xa enviamos a todos os centros educativos de Galicia, hai tanto actividades para as máis cativas/os (Educación Infantil e Primaria) como para as e os maiores (Educación Secundaria), incluso para as nais e país.

Se queres recibir a Proposta de Actividades para Fin de Curso de DINAMO só tes que solicitalo no 647.488.688 ou escribindo un correo a dinamo@dinamoxestion.com

DINAMO participa na Hora do Conto das Bibliotecas de Oleiros

Durante os pasados meses CAXOTOcontacontos, membro de DINAMOteatro participou nas sesións de contacontos englobadas en “A hora do conto”, programa de animación á lectura que desenvolve BibliOleiros, ou o que é o mesmo, o sistema de bibliotecas do Concello de Oleiros.

O narrador oral Caxoto percorreu as bibliotecas do concello oleirense, igual que outros contacontos de recoñido prestixio:  Paula Carballeira, Soledad Felloza, Pablissimo, Fran Ínsua, Compañía do Trinke-Trinke …

Nas sesións de contacontos Caxoto vai debullando pequenas e grandes historias, clásicas e contemporáneas, de autoras e autores de toda a vida e contiños de creación propia.

Para consultar o calendario de actuacións podedes entrar na páxina www.oleiros.org

Un ano máis DINAMO participou na xestión de OCIOLEIROS

Hai poucos días remataron no Concello de Oleiros as actividades enmarcadas dentro dos programas de lecer Ocioleiros, Xoveoleiros, … Foron actividades para a xente moza e non tan moza que se desenvolven no tempo de lecer, e durante 14 semanas.

DINAMO Xestión de Actividades Socioculturais levou a cabo algunas das propostas máis senlleiras do programa, como foron as seguintes:

-         -  Obradoiros de Risoterapia

-         -  Obradoiro de Grafite

-         -  Obradoiro de Costura de Supervivencia

-         -  Obradoiro de Coiro

Este é un dos programas socioculturais con maior éxito do Concello de Oleiros, nos que participan centos e centos de veciñas e vecinos.

DINAMO xestiona diferentes programas de lecer xuvenil en diferentes concellos galegos, organizando actividades novidosas, creativas e cun gran éxito de participación.

Rematou o Obradoiro de Luces e Son impartido por DINAMO no Concello de Ames

O pasado mércores rematou o Obradoiro de Luces e Son que se desenvolveu durante tres meses na Casa da Cultura de Bertamiráns.  Neste obradoiro dirixido a mozas e mozos traballouse dende un punto de vista escénico e teatral. As e os participantes descubriron as técnicas básicas de iluminación e son, dunha maneira lúdica, amena e divertida.

As clases foron impartidas pola equipa escénica de DINAMO, concretamente por un dos seus técnicos especialistas en son e iluminación. A metodoloxía foi totalmente práctica e ademáis as alumnas e alumnos traballaron con todos os materiais precisos para una boa aprendizaxe.

Esta acción forma parte dun amplo programa formativo que ten como obxectivo a formación escénica  integral das mozas e mozos.

O Comando D reapareceu no Día Internacional do Comercio Xusto

O pasado sábado, 14 de maio, o Comando D apareceu de novo, desta volta na céntrica Praza de Lugo na Coruña para celebrar o Día Internacional do Comercio Xusto.

A celebración, organizada na cidade da Coruña pola ONG Solidariedade Internacional de Galicia, contou cun amplo abano de actividades e iniciativas, como foron as seguintes:

-          Exposición e venta de productos

-          Obradoiros para as máis pequenas e pequenos

-          Música en directo

-          Espectáculos teatrais

-          Degustacións

-          …

E entre esas actividades estivo a animación de rúa levada a cabo polo “Comando D” un grupo de superhéroes que animaron ás coruñesas e coruñeses a mercar con criterios de comercio xusto, non só o 14 de maio, senón todo o ano.

 

Todas as actividades de DINAMO para celebrar o Día das LETRAS GALEGAS

Durante todo o mes de Maio a equipa de DINAMO leva a cabo un amplo programa de actividades en relación ó Día das Letras Galegas 2011. Son actividades que teñen como obxectivo fundamental lembrar a obra do homenaxeado este ano, Lois Pereiro, así como para fomentar o uso da lingua galega e a lectura.

Algunhas das máis importantes son as seguintes:

Sábado 14 de Maio. 17:00. Contacont. de CAXOTO. CC. Pontevella. Ourense.
Martes 17 de Maio. 17:00. Contacontos de CAXOTO. Concello de Cabanas.

Mércores 18 de Maio. 16:00. Festa da Lingua. CEIP. Isidro P. Pondal. Oleiros.

Mércores 18 de Maio. 18:00. Obradoiro Lois Pereiro Pop. CCM. Novo Mesoiro.

Xoves 19 de Maio. 10:30. Monólogo de Pedro Brandariz. No CPFI Compostela.

Venres 20 de Maio. 10:30. Monólogo Pedro Brandariz. No IES Mosteirón. Sada.

Venres 20 de Maio. 17:00. Contacontos de CAXOTO. Concello Oza dos Ríos.

Venres 20 de Maio. 19:00. Monólogo de Pedro Brandariz. CCM. Monte Alto

Ademais DINAMO tamén participa no programa “O galego medra contigo” que desenvolve o Concello da Coruña, do que xa publicamos unha entrada nos días pasados.

Ademáis dende DINAMO realizamos un deseño propio da imaxe de Lois Pereiro, que presentamos na imaxe adxunta:

A mocidade coruñesa vai de ANDARELA

O pasado sábado, 7 de maio, unas 30 mozas e mozos da cidade da Coruña foron de camiñada participando na actividade "Andarela", organizada pola Concellería de Mocidade, Solidariedade e Normalización Lingüística e coordinada pola equipa de DINAMO Xestión de Actividades Socioculturais.

Desta volta a Andarela foi ó Monte Pindo e ás terras de Carnota. As e os participantes subiron ó Alto da Moa e gozaron do contacto coa natureza, da fermosura dos penedos e das impresionantes panorámicas que se divisan dende o outeiro.

A actividade de "Andarela" enmárcase dentro do Programa de Lecer Noitenova, polo que haberá que esperar ata unha nova edición para celebrar outras "andarelas".

O “Comando D” irrumpe no panorama sociocultural galego

Un grupo de héroes e heroínas chegou a Galicia neste mes de Maio para desenvolver accións cívicas, solidarias, saudables, educativas, culturais, ambientais … en definintiva para extender o ben no Planeta Terra.

A través dos seus “superpoderes” concienciarán e sensibilizarán á sociedade en valores máis humanos para acadar entre todas e todos un mundo máis habitable.

A súa primeira aparición foi na Romería Popular de Bréamo no Concello de Pontedeume, e o  principal obxectivo foi velar por comportamentos cívicos dentro da celebración festiva, incidindo especialmente na convivencia pacífica e no respecto pola contorna.

A súa presenza non pasou desapercibida pola mocidade eumesa que quedou encantada coa iniciativa.

Pronto volverán ás andadas, concretamente o sábado 14 de Maio no Día Mundial do Comercio Xusto na cidade da Coruña. Amosaranlle ás e ós cidadás as bonanzas e beneficios de mercar con criterios de “comercio xusto”.

Pero estas non son as únicas intervencións do “Comando D”, haberá moitas máis … seguiremos informando.

Se vostede quere contar cos servizos do “Comando D” para acadar que as súas veciñas e veciños sexan máis cívicas/os, solidarias/os, saudables ou simplemente que sexan mellores persoas contacte coa equipa de DINAMO Xestión de Actividades Socioculturais SL que son o único contacto con este grupo de superheroínas e superhéroes.

DINAMO Xestión de Actividades Socioculturais SL

647.488.688 --- dinamo@dinamoxestion.com

As cativas/os de Novo Mesoiro participaron en “Silencio na Sala” unha actividade dinamizada pola equipa de DINAMO

O pasado xoves, 5 de maio, unha treintena de nenas/os veciñas e vecinos de Novo Mesoiro participaron nunha nova actividade da área de Participación Cidadá do Concello da Coruña.

A actividade denominouse “Silencio na Sala” pois mesturou a apariencia dun xuizo (humorísticamente)  e unha manchea de propostas lúdicas, co obxectivo de que as nenas e nenos debatisen aspectos importantes para a súa convivencia no barrio. 

A pretensión máxima é a de que as pequenas e pequenos se acostumen a participar e a tomar parte das decisións importantes na súa comunidade, como neste caso é o barrio de Novo Mesoiro.

Falaron, debatiron, consensuaron, pero sobre todo xogaron, riron, cantaron … en definitiva pasaron unha tarde do máis divertida aprendendo a ser as e os cidadáns do futuro.

A actividade foi guiada pola equipa educativa de DINAMO, a cal ten xestionado múltiples programas de participación cidadá.

DINAMO organiza Obradoiros de Risoterapia en diferentes concellos galegos

Neste momento a equipa escénica de DINAMO está dinamizando varios obradoiros de Risoterapia en concellos como Oleiros, Oza dos Ríos …

A Risoterapia é unha disciplina que está moi en auxe pois os seus beneficios sobre a saúde física, psicolóxica e social das e dos participantes son moi grandes e numerosos.

Nos obradoiros realízanse xogos, dinámicas, exercicios de desinhibición, confianza, distensión, escénicos … co obxectivo de provocar a risa saudable das e dos participantes.

No Concello de Oza dos Ríos estase a celebrar un obradoiro permanente con dúas horas semanais dende Decembro de 2010 ata Xuño do 2011.

No Concello de Oleiros lévanse a cabo tres obradoiros con cadanseu grupo dentro do Programa de Lecer “Ocioleiros”, onde se realizan tres obradoiros semanais, durante catorce semanas, que rematan no mes de Maio.

Estes proxectos son quizais os máis salientables de todo o conxunto de pequenos obradoiros, actividades, programas … que dende DINAMO se organizan no eido da Risoterapia.

O Concello de Cambre está a organizar o Seminario en torno á Igualdade de Oportunidades no apoio ás familias con persoas maiores ao seu cargo.

Os días 4 e 5 de maio o Concello de Cambre organiza un seminario técnico internacional en torno á igualdade de oportunidades, centrándose no apoio ás familias que teñen persoas  maiores ó seu cargo.

No seminario participan técnicas e técnicos  de Italia, Suecia, Finlandia e Galicia.

Durante as dúas xornadas de traballo as expertas e expertos analizarán os diferentes sistemas de igualdade de oportunidades dos diferentes países, marcarán cales son as boas prácticas na atención ás persoas maiores, ás súas familias ... e sobre todo determinaran as novas liñas de investigación no futuro.

DINAMO participa nas actividades de “O galego medra contigo”

A Concellería de Mocidade, Solidariedade e Normalización Lingüística do Concello da Coruña organiza para este mes de Maio un amplo programa de actividades de promoción da lingua galega para as cativas e cativos de cidade.

Trátase de obradoiros lúdicos musicais guiados por ITH un mariñeiro irlandés que visita Galicia para animar ás nenas e nenos a usar a lingua propia.  Nos obradoiros tamén hai miniconcertos e actividades guiadas polos músicos Pablo Díaz, Olga Kirk e Alex Fente.

Algunhas das citas son as seguintes:

Venres 6, 18:00. Asociación Cultural Manicómicos.

Sábado 7, 12:00. Centro Cívico de Labañou.

Sábado 7, 18:00. Centro Cívico de Monelos.

Xoves 12, 18:00. Asociación Cultural Xacarandaina.

Venres 13, 18:00. Centro Cívico de Mesoiro.

As actividades son de balde e están destinadas para nenas e nenos de 5 a 10 anos.

Dende DINAMO amosamos un firme compromiso coa promoción e fomento do uso da lingua galega, e e esta é unha das actividades das moitas nas que participamos neste senso.

*Nas imaxes do fondo podes consultar o programa completo.

DINAMO leva a cabo obradoiros de reciclaxe na FNAC da Coruña

A equipa educativa de DINAMO organiza cada mes unha xornada de EcoFnac no centro FNAC da Coruña. EcoFnac é un programa de actividades de reciclaxe de refugallos.

As nenas e nenos participantes poden realizar en cada obradoiro diferentes xoguetes, entretemento, elementos decorativos … a partir de elementos de refugallo que se xeneran na Fnac: lonetas publicitarias, papel e cartón, plásticos, material de embalaxe …

Nas sesións pasadas as picariñas e picariños confeccionaron monicreques de cartón, colgadores para as portas, imáns para os frigoríficos, … E no vindeiro EcoFnac, que será o 14 de maio ás 12:00 as cativas e cativos que asistan construirán os seus propios xoguetes, todos con materiais reciclados.

A participación nos obradoiros é totalmente gratuita.