DINAMO organizou o Programa "Machismos GAME OVER" coa mocidade de Ponteceso

Durante os pasados meses de marzo, abril e maio a equipa profesional de DINAMO levou a cabo un Programa Educativo de Sensibilización en Igualdade e Prevención da Violencia de Xénero no IES Eduardo Pondal de Ponteceso, por iniciativa da área de Servizos Sociais do Concello de Ponteceso.

As actividades consistiron en charlas educativas conformadas por dinámicas de grupo e exercicios participativos, deseño e edición de materiais gráficos (chapas e pegatinas)…

As alumnas e alumnos da ESO deseñaron os eslogans, logotipos e imaxes da campaña que despois foron editados e repartidos para todo o alumnado do centro.

DINAMO organizou Obradoiros de Nadal para nenas/os e mozas/os en Culleredo

Os pasados 27,28 e 29 de Decembro a equipa profesional de DINAMO levou a cabo una extensa programación de obradoiros de Nadal para nenas/os e mozas/os.

Leváronse a cabo en dúas localizacións municipais de Culleredo: Centro Social de Fonteculler e Centro Social de Villamelania. 

Obradoiros de galletas, obradoiros de cociña, xoguetes reciclados, recortables, carteiriás con mandalas, adornos de Nadal, hamabeads... encheron de actividade os días de Nadal para as máis cativas/os.

DINAMO amenizou a Festa de Entroido de Begonte

O pasado 4 de Marzo, a equipa profesional de DINAMO organizou e dinamizou a Festa de Entroido de Begonte cunha manchea de actividades para as máis cativas e cativos: hinchables, tábo de surf hinchable, animación musical, obradoiros, concurso de disfraces, desfile...

DINAMO comezou a impartir os Obradoiros da OMIC da Coruña nos centros educativos da cidade

Dende o 20 de febreiro a equipa profesional leva a cabo os Obradoiros de Consumo da Oficina Municipal de Informació ás Consumidoras/es (OMIC) do Concello da Coruña, nos centros educativos da cidade.

O programa de obradoiros desenvolvese co obxectivo de formar nas e nos escolares un espíritu crítico ante o consumo, as súas actitudes, pautas e patróns de consumo...

Dende agora e ata xuño un total de 125 obradoiros se levarán a cabo en centros de ensino de toda a cidade.

Este é un dos diferentes programas educativos que dende DINAMO levamos en diferentes áreas e concellos. Se queres recibir máis información podes chamar ó 619.345.100 ou escribir a dinamo@dinamoxestion.com

DINAMO organiza un Campamento de Nadal para a Federación de Asociacións de Veciñas/os da Coruña

Dende o pasado 26 de decembro e ata o vindeiro 5 de xaneiro, a equipa profesional de DINAMO está a desenvolver un campamento urbano para nenas e nenos de 4 a 12 anos no Centro Veciñas do Birloque (A Coruña), organizado pola Federación de Asociacións de Veciñas/os da Coruña.

Este tipo de campamento suponen una magnífica oportunidade de diversión e aprendizaxes para as cativas e cativos e permiten ou axudan á conciliación da vida familiar, persoal e laboral.

Neste caso as pequenas e pequenos realizan actividades temáticas arredor do Nadal: xogos, dinámicas, obradoiros, xincanas, festas....

Dende DINAMO facemos gran cantidade de campamentos urbanos tanto no Nadal como en outros períodos vacacionais, sobre todo o verán. Se queredes recibir a nosa proposta de campamentos podedes solicitala no 619.345.100 ou escribindo a dinamo@dinamoxestion.com

O Apalpador de DINAMO percorre todas as parroquias de Cambre

Neste mes de decembro o Apalpador de DINAMO percorrerá todas as parroquias do Concello de Cambre cun espectáculo teatral no que, xunto con Xía a Trasna do Monte, contan as súas aventuras para chegar a todas as casas de Galicia onde hai cativas e cativos para apalpar as súas barriguiñas e deixarlle algún xoguetiño feito de madeira.

Despois da peza teatral as cativas e cativos realizan un obradoiro no que confeccionan un monicreque do Apalpador.  

Este programa xa se desenvolveu o ano pasado con gran éxito de participación. No 2015 a actividade central era un contacontos, mentres que desta volta é un espectáculo teatral.

Os datos de participación deste ano están sendo moito maiores e as cativas e cativos amosan un coñecemento da figura do Apalpador moito maior que en anos anteriores.

Cada ano son máis os concellos e entidades que promocionan ó Apalpador e as tradicións asociadas a esta figura tan senlleira da cultura galega.

DINAMO organizou o Magosto Popular de Muxía

O pasado sábado 26 de novembro a equipa profesional de DINAMO organizou o Magosto Popular de Muxía, encargándose evidentemente do asado e reparto das castañas, así como das actividades paralelas do evento: xogos populares, obradoiro con noces e castañas, animación musical...

O evento completouse cun Festival de Folclore organizado pola Asociación Abaladeiras de Muxía.

Nestes meses de outuno dende DINAMO organizamos unha manchea de magostos e outros eventos vencellados cos froitos do bosque.

Se queres recibir a nosa Proposta de Actividades para o Tempo dos Magostos e o Samaín podes solicitala no 619.345.100 ou escribindo a dinamo@dinamoxestion.com

DINAMO organizou Obradoiros de Hip Hop pola Igualdade en Muros e Carnota

A mañá do 25 de novembro a equipa educativa de DINAMO levou a cabo 5 obradoiros de Hip Hop pola Igualdade de Xénero nos IES de Muros e Carnota, promovidos polo CIM de Muros que abrangue os dous concellos.

Unha educadora con formación e experiencia no eido da igualdade e prevención da violencia de xénero e o rapeiro Ricky Hombre Libre artellaron un obradoiro no que as mozas e mozos aprenden a rimar, descubren as técnicas básicas e do rap e practican o freestyle, sempre dende a perspectiva de xénero. Desta maneira crean cancións e letras para sensibilizar na igualdade de xénero e na prevención da violencia machista.

Os obradoiros de hip hop son unha magnífica ferramenta para traballar contidos educativos e sobre todo dentro da perspectiva de xénero

Son unha das actividades estrela desta tempada e realizamos este tipo de obradoiros en outro moitos concellos.

Se queres recibir a nosa proposta de Obradoiros para a Mocidade ou a Proposta de Actividades para a Igualdade de Xénero e Prevención da Violencia Machista podes chamar ó 619.345.100 ou escribir a dinamo@dinamoxestion.com

DINAMO organizou unha Festa de Samaín no Concello da Rúa

O pasado 29 de outubro a equipa de DINAMO desenvolveu unha divertida Festa de Samaín para as cativas e cativos do Concello da Rúa, con animación musical, xogos magosteiros, obradoiros de globoflexia e maquillaxe...

Esta foi unha das moitas festas, obradoiros e outras actividades que dende DINAMO levamos a cabo nos últimos días de outubro e primeiros de novembro, en torno ao Samaín e aos Magostos.

DINAMO organizou a PequeFesta de Samaín de Carballo

O pasado sábado 29 de Outubro a equipa profesional de DINAMO organizou unha Festa de Samaín na Ludoteca de Carballo, dentro do programa Apego, desenvolvido por diferentes equipos de Normalización Lingüistica municipais. 

Nesta pequefesta realizáronse actividades de animación musical, xogos dende escenario, maquillaxe infantil, globoflexia, obradoiro de noces e castañas, fotocol terrorífico...

E todas as actividades, as cancións, os xogos en galego pois desénvolveronse dentro do Proxecto Apego, de socialización en galego de nenas e nenos ata os seis anos. De todos xeitos as actividades foron en galego, como o son todas as actividades que desenvolvemos dende DINAMO.

Dende DINAMO ofrecemos unha ampla Proposta de Actividades para a Normalización Lingüistica. Se queres recibir a nosa proposta podes chamar ó 619.345.100 ou escribir a dinamo@dinamoxestion.com

DINAMO participou no Ribadeo Diversx con varias actividades

O pasado 14 de xullo a equipa escénica de DINAMO levou a cabo dúas actividades no Parque de San Francisco da vila ribadense. En primeiro lugar representouse o espectáculo "E ti cantas nais tes?" no que se fala de diferentes modelos da familia, e sobre todo das que acollen a realidade LGTBQI.

Despois levouse a cabo un Obradoiro Artístico sobre as diferentes opcións e dereitos persoais en canto a diversidade sexual.

Ambas actividades estaban enmarcadas no Programa Ribadeo Diversx que durante o mes de xullo programou unha manchea de actividades.

Dende DINAMO levamos a cabo actividades en torno á igualdade de xénero, educación afectivo-sexual e á defensa dos dereitos persoais. Se queres recibir a nosa proposta podes chamar ó 619.345.100 ou escribir a dinamo@dinamoxestion.com

DINAMO organiza Obradoiros de Maxia nos Centros Cívicos da Coruña

Durante os meses de xullo e agosto a equipa profesional de DINAMO leva a cabo Obradoiros de Iniciación á Maxia para mozas e mozos.

Nestes obradoiros as e os participantes aprenden técnicas e xogos básicos de maxia con cartas, moedas, dados e obxectos cotiás, do día a día. Practican a modalidade de maxia de cerca.

Os centros escollidos para o desenvolvemento destas actividades son o Centro Cívico de Monte Alto e o Centro Cívico dos Mallos. Estas propostas enmárcanse no Programa de Ocio Saudable para Mozas e Mozos do Concello da Coruña. 

Dende DINAMO ofrecemos un amplo programa de actividades para a mocidade. Se queres recibir a nosa proposta non dubides en poñerte en contacto con nós no 619.345.100 ou en dinamo@dinamoxestion.com

DINAMO levou a cabo a Campaña "A-Ténde-T" do Concello da Coruña

Do 8 ó 12 de Marzo de 2016 no Mercado de San Agustín levouse a cabo a Campaña de Sensibilización en Igualdade "A-ténde-T", organizada polo Concello da Coruña e xestionada e executada pola equipa profesional de DINAMO.

A campaña consistiu na instalación dun gran tendal onde as mulleres poideran exponer as súas necesidades, anhelos e expectativas de cambio.

Dúas educadoras puxeron á súa disposición "prendas de roupa" simuladas en goma-eva para que se tomasen o seu tempo e escribisen sobre elas as súas demandas e peticións e quedaran, posteriormente, "colgadas" e expostas nos tendais.

A pretensión fundamental foi a de ofrecerlles ás mulleres un espazo de relax e reflexión (creado incluso físicamente) para que tiveran un tempo para elas, fora de obrigas laboráis, familiares, domésticas ou do tipo que fosen. E que nese tempo expresaran que cousas deixaron de facer ou de vivir por toda esa carga de obrigas que depositamos nas mulleres.

A actividade desenvolveuse polas mañás e o sábado rematou cun obradoiro para cativas e cativos.

Esa actividade está enmarcada no amplio e extenso programa de actividades que a Concellaría de Igualdade e Diversidade levou a cabo para conmemorar o 8 de Marzo, Día Internacional das Mulleres, na cidade da Coruña.

DINAMO organizou Actividades de Entroido en Fene

Neste pasado Entroido a equipa profesional de DINAMO organizou diferentes Actividades de Entroido no Concello de Fene.

O luns 8 a actividade foi un Obradoiro de Larpeiradas de Entroido, no que as cativas e cativos poideron elaborar filloas, orellas, rosquillas... coas súas propias mans.

E o martes 9 o turno foi para a Festa Infantil de Entroido na carpa municipal, onde se realizaron bailes, xogos, obradoiros de maquillaxe e globoflexia, desfile de disfraces...

Esta son só algunas das actividades que dende DINAMO realizamos neste tempo de Entroido.

DINAMO organizou a Festa Infantil de Entroido de Miño

O pasado 7 de Febreiro o equipo profesional de DINAMO levou a cabo una gran festa de Entroido para as máis cativas e cativos no Concello de Miño.

Realizouse no Pavillón Municipal por mor do mal tempo e as nenas e nenos poideron participar nas actividades de animación musical, obradoiro de cociña, maquillaxe de Entroido, globoflexia, xogos populares, hinchables...

A resposta das pequenas e pequenos e a das súas nais e país foi moi positiva, sobre todo pola "Caravana de Xogos Populares", con máis de 24 estacións.

Esta foi ´só una das múltiples actividades que neste Entroido realiza DINAMO por toda a xeografía galega.

DINAMO organizou unha Festa Xuvenil de Nadal en Mugardos

O pasado 18 de decembro a equipa de DINAMO organizou unha Festa Xuvenil de Nadal no Concello de Mugardos. 

Foi unha festa específica para mozas e mozos de 12 a 18 anos con música, dj, cocteles sen alcol, obradoiros, actividades de Nadal...

A actividade realizouse nunha carpa municipal instalada no porto de Mugardos e contou cunha gran participación.

Esta foi unha das moitas actividades que dende DINAMO organizamos nas datas de Nadal. 

 

 

DINAMO organiza boa parte das actividades do Nadal en Culleredo

A equipa profesional de DINAMO organiza boa parte das actividades do Programa Nadal en Culleredo, que ten como obxectivo dinamizar as rúas e as zonas comerciais nas datas festivas do Nadal.

Nestas datas o Concello de Culleredo organizou un amplo e extenso programa de actividades, das que DINAMO xestionou as seguintes:

- ANIMACIÓNS DE RÚA NO NADAL: con música en directo. Luns 21, Martes 22, Mércores 23, Luns 28, Martes 29, Mércores 30. De 18:00 a 20:00.

- OBRADOIROS DE NADAL: galletas de Nadal, gominolas de Nadal, manualidades de Nadal, complementos de Nadal...  Luns 21, Martes 22, Mércores 23, Luns 28, Martes 29, Mércores 30. De 18:00 a 20:00. Villa Melania e Fonteculler.

- VISITA DE PAPA NOEL: 23 de Decembto. Villa Melania e Praza Europa.

DINAMO participa no Programa de Lecer Alternativo "Venres en Sansa"

Durante tres venres de xuño a equipa profesional de DINAMO desenvolverá tres Obradoiros de Cociña dentro do Programa de Lecer Alternativo "Venres en Sansa", organizado polo Concello de San Sadurniño para a mocidade.

"Venres en Sansa" trátase dun programa para fomentar hábitos saudables entre a xuventude e previr condutas nocivas.

A equipa de DINAMO desenvolve neste programa tres Obradoiros de Cociña. As actividades de cociña supoñen unha magnífica oportunidade didáctica para a mocidade, pois apórtalles capacidades e autonomía, trabállase a igualdade de xénero, e foméntase hábitos alimentarios positivos.

Dende DINAMO levamos a cabo moitas actividades de cociña pois gozan de moita participación, sobre todo entre a xente nova. 

Ademáis dende DINAMO levamos todo o necesario para que a entidade organizora non teña que aportar nada. Levamos forno normal, microondas, cociña, potas, cacerolas, tixolas... e evidentemente os ingrediantes.

DINAMO desenvolve diversas actividades no Centro Cívico da Cidade Vella (A Coruña)

Dende o pasado mes de abril a equipa de traballo de DINAMO desenvolve diversas actividades no Centro Cívico da Cidade Vella, no Concello da Coruña, máis concretamente para nenas/os e mozas/os.

Algunhas das actividades son as seguintes:

- Apoio Escolar
- Baile Moderno
- Aerobic Latino
- Debuxo Artístico
- Rincón do Xogo
- Club de Ocio

Trátase dun programa de actividades que ten como obxectivo dar a coñecer o centro cívico e promocionar a participación no mesmo, xa que é un centro de recente creación.

DINAMO desenvolve un Programa de Alimentación Saudable no IES de Oleiros

Nas últimas datas as alumnas e alumnos de 1º e 2º da ESO dos centros de ensino secundario de Oleiros participaron no Programa Educativo “Comida e Saúde”.

Trátase de actividades en torno a un dos piares básicos da Educación para a Saude: a alimentación, sobre todo nun sector de poboación tan importante como a mocidade.

O obxectivo primordial é o de promover hábitos de vida saudable a nivel físico e e emocional, sentando as bases do benestar nas necesidades reais por riba de presións sociais, mediáticas e de mercado.

Dinámicas de grupo, traballo en equipo, xogos, rollplay, estudo de casos, reflexións e debates, consulta de materiais … son algunhas das actividades que se levaron a cabo nas sesións de traballo coas mozas e mozos.

Este ano o programa dividese en dous bloques temáticos:
-       Vida saudable: para as alumnas e alumnos de 1ºESO.
-       Alimentación e Deporte: para as alumnas e alumnos de 2ºESO

“Comida e Saúde” é tan só un dos múltiples programas educativos que DINAMO Xestión de Actividades Socioculturais SL  desenvolve no Concello de Oleiros dos que periódicamente damos conta neste blogue.