DINAMO organizou diferentes actividades de igualdade no Concello de Moeche

A equipa profesional de DINAMO levou a cabo varias actividades en torno á igualdade de xénero no concello de Moeche.

Por una banda realizamos o contacontos "Non Máis Princesas" a cargo de Pedro Brandariz, onde se traballa na eliminación de estereotipos e roles machistas. E por outra levouse a cabo unha "Xincana pola Igualdade" na que participaron todas as cativas e cativos do CEIP San Ramón de Moeche, una xincana temática na que as e os participantes tiveron que superar una serie de probas, preguntas, xogos… arredor da corresponsabilidade no fogar, acerca da detección de discriminacións, micromachismos... 

DINAMO participou no Ribadeo Diversx con varias actividades

O pasado 14 de xullo a equipa escénica de DINAMO levou a cabo dúas actividades no Parque de San Francisco da vila ribadense. En primeiro lugar representouse o espectáculo "E ti cantas nais tes?" no que se fala de diferentes modelos da familia, e sobre todo das que acollen a realidade LGTBQI.

Despois levouse a cabo un Obradoiro Artístico sobre as diferentes opcións e dereitos persoais en canto a diversidade sexual.

Ambas actividades estaban enmarcadas no Programa Ribadeo Diversx que durante o mes de xullo programou unha manchea de actividades.

Dende DINAMO levamos a cabo actividades en torno á igualdade de xénero, educación afectivo-sexual e á defensa dos dereitos persoais. Se queres recibir a nosa proposta podes chamar ó 619.345.100 ou escribir a dinamo@dinamoxestion.com