DINAMO organiza Obradoiros de Cociña para Mozxs no Centro Cívico de Monelos

Durante o mes de xullo e parte de agosto a equipa profesional de DINAMO leva a cabo tres Obradoiros Semanais de Cociña Básica para mozas e mozos.

Son cinco sesións para cada grupo de idade, dende os 12 ata os 30 anos, nas que as e os participantes aprenden o básico para cociñar de maneira autónoma. E de paso descubren pratos e receitas un pouco máis específicas e diferentes, co obxectivo de que cociñar sexa algo divertido para elas e eles.

Trátase de ofrecer unha capacitación das máis básicas, e ao mesmo tempo traballar no eido da igualdade de xénero, fuxindo de estereotipos e roles machistas, así como na boa alimentación e nutrición.

Estas actividades están enmarcadas dentro do Programa de Ocio Saudable que o Concello da Coruña, a través de Servizos Sociais, leva a cabo nos centros cívicos.

Os obradoiros de cociña son unha magnífica oportunidade didáctica para mozas/os e para nenas/os. Se queres coñecer a nosa Proposta de Obradoiros de Cociña non dubides en chamar ó 619.345.100 ou escribir a dinamo@dinamoxestion.com

DINAMO organizou un Obradoiro de Maxia no Centro Cívico da Cidade Vella

No pasado mes de xullo a equipa profesional de DINAMO organizou e levou a cabo un Obradoiro de Maxia para mozas e mozos no Centro Cívico da Cidade Vella, dentro do programa de Ocio Saudable para xente moza..

No obradoiro un mago profesional transmitiulle ás e ós participantes os rudimentos e técnicas básicas dos xogos de maxia con cartas e pequenos obxectos. Unha vez explicadas as técnicas practicaron e ensaiaron os seus propios xogos.

Durante toda unha semana estiveron preparando diferentes números para o último día facer unha representación para as cativas e cativos dun campamento que tamén de desenvolveu no centro cívico nesas datas. 

Dende DINAMO ofrecemos todo tipo de actividades lúdicas, formativas e atractivas para a mocidade, para que ó mesmo tempo que o pasan ben poidan aprender e descubrir novas cousas. 

DINAMO desenvolve o Club de Ocio para Persoas con Discapacidade

Dende o pasado mes de abril e ata finais de xuño a equipa de DINAMO desenvolve a actividade "Club de Ocio" dirixido a persoas con discapacidade intelectual maiores de 16 anos.

Todos os sábados de 16:30 a 20:30 o grupo de mozas e mozos participa en diferentes actividades creativas, físico-deportivas e no no eido das novas tecnoloxías. 

Trátase de realizar actividades que potencien a normalización das persoas con discapacidade, favorecendo a súa autonomía e independencia persoal.

As actividades realízanse no novo Centro Cívico da Cidade Vella e están promovidas polo Departamento de Servizos Sociais do Concello da Coruña. 

DINAMO desenvolve diversas actividades no Centro Cívico da Cidade Vella (A Coruña)

Dende o pasado mes de abril a equipa de traballo de DINAMO desenvolve diversas actividades no Centro Cívico da Cidade Vella, no Concello da Coruña, máis concretamente para nenas/os e mozas/os.

Algunhas das actividades son as seguintes:

- Apoio Escolar
- Baile Moderno
- Aerobic Latino
- Debuxo Artístico
- Rincón do Xogo
- Club de Ocio

Trátase dun programa de actividades que ten como obxectivo dar a coñecer o centro cívico e promocionar a participación no mesmo, xa que é un centro de recente creación.

DINAMO desenvolve os Obradoiros de Hortos Urbanos en Novo Mesoiro

A equipa profesional de DINAMO comezou no mes de abril dous obradoiros de Hortos Urbanos no barrio de Novo Mesoiro, un con familias (os luns) e outro con persoas adultas (os mércores)

As e os participantes aprenderán as nocións básicas de horticultura dunha maneira práctica e divertida. Cada semana teñen dúas horas de actividade, nunha delas realizarán actividades prácticas no aula e na segunda hora traballarán na horta, plantando e coidando diferentes tipos de cultivo, que tamén recollerán e levarán ós seus fogares. 

As actividades lévanse a cabo no Centro Cívico de Novo Mesoiro e as actividades prácticas realízanse nas Hortas Municipais que o Concello da Coruña ten no barrio. 

As actividades de horta supoñen unha magnífica oportunidade de contacto coa terra e aprendizaxe para cativas/os e maiores. As e os participantes conforman un grupo moi heteroxeneo, pois hai xente que vive no barrio, pero que procede de zonas rurais e quere recuperar o contacto co terra. E tamén hai participantes neofitas/os no tema con moitas gaña de aprender. Esta heteroxeneidade permite un gran intercambio de coñecementos. 

DINAMO xestiona un Obradoiro de Maxia para Mozas/os no Centro Cívico de Labañou

Durante os catro xoves do mes de agosto, de 12:00 a 13:30, o mago Zonte, a través de DINAMO está impartindo un Obradoiro de Maxia para mozas e mozos no Centro Cívico de Labañou. 

Nesas 7,5 horas as e os participantes aprenderán xogos de maxia básicos, con cartas, moedas, dados e outro elementos cotiás. 

Esta actividade forma parte do Programa de Ocio Saudable que o Concello da Coruña ofrece a todas as mozas e mozos coruñeses.

A maxia é unha actividade moi interesante para as mozas e mozos, por iso dende DINAMO levamos a cabo numerosas actividades vencelladas coa maxia para a mocidade, cursos, obradoiros, actuacións...

Se che interesa organizar algunha destas actividades podes chamar ó 647.488.688 ou escribir a dinamo@dinamoxestion.com

DINAMO organizou un Obradoiro de Ligue no Centro Cívico de Novo Mesoiro

Durante tres meses, dende outubro e ata decembro un grupiño de mozas e mozos de Novo Mesoiro participaron no Obradoiro de Ligue, organizado polo Centro Cívico do barrio e dinamizado pola equipa profesional de DINAMO.

En sesións de 90 minutos e cunha sesión semanal as mozas e mozos aprenderon diferentes técnicas e habilidades sociais, co obxectivo de acadar a autorresponsabilidade persoal e social na área das relacións persoais, relacións de parella, afectividade, sexualidade... facilitando deste xeito o desenvolvemento integral da persoa.

A través de xogos dinámicas moi entretidas foron abordando temas e profundizando en aspectos que para elas e eles, moitas veces, son tabú, temas prohibidos, vergoñentos... pero que son esenciais para un correcto desenvolvemento das mozas e mozos.

O nome de "obradoiro de ligue" evidentemente é un gancho para a poboación xove, pois o que realmente se traballa son as habilidades sociais, a afectividade, a sexualidade...

Esta é unha das moitas actividades que DINAMO ofrece para a xente moza. Se queres recibir a nosa Proposta de Actividades para a Xuventude podes solicitala no 647.488.688 ou escribindo a dinamo@dinamoxestion.com

DINAMO organizou unha Xornada de Educación Sexual e Afectiva para mozas/os

O pasado 9 de novembro, a equipa educativa de DINAMO dinamizou unha Xornada de Educación Sexual para o Grupo Scout ASDE Scouts Galicia no Centro Cívico do Castrillón (A Coruña).

Durante seis horas de actividade as mozas e mozos traballaron sobre o que é para elas e eles a sexualidade, as prácticas de risco, as enfermidades de transmisión sexual, os métodos anticonceptivos, os dereitos sexuais e persoais ... e sobre todo, as súas dúbidas e preguntas nesta materia.

Todos os contidos foron tratados a partir de dinámicas e exercicios lúdicos, a través de actividades divertidas que fixeron ameno e levadeiro o traballo sobre os contidos.

A equipa profesional de DINAMO ten ampla experiencia no desenvolvemento deste tipo de actividades coa mocidade.

Unha manchea de Samaíns nos Centros Cívicos da Coruña organizados por DINAMO

Nas pasadas datas correspondentes ó Samaín a equipa profesional de DINAMO levou a cabo diferentes actividades de Samaín en varios centros cívicos da Coruña.

Obradoiros, festas, tuneis do terror ... foron algunhas das propostas con maior éxito neste outono.

Algunhas das actividades que se levaron a cabo foron as seguintes:

Obradoiro de Cabazas, no Centro Cívico de Santa Lucía, 26 de Outubro.
Festa Infantil de Samaín no Centro Cívico de San Diego, 30 de Outubro.
Festa Infantil de Samaín no Centro Cívico do Castrillón, 30 de Outubro.
Túnel de Terror no Centro Cívico de Novo Mesoiro, 10 de Decembro.

Estas actividades forman parte dun amplo programa de actividades que dende DINAMO levamos a cabo en colaboración cos Centros Cívicos da Coruña.

Rematou o Obradoiro de Circo impartido por DINAMO no Centro Cívico de Novo Mesoiro

A semana pasada rematou o Obradoiro de Circo que a equipa profesional de DINAMO levou a cabo no Centro Cívico de Novo Mesoiro.

A actividades enmárcase dentros de dúas propostas que dende DINAMO propoñemos a concellos, centros sociais, colexios e outras entidades:

- Proposta de Actividades para a Mocidade
- Proposta de Actividades Escénicas e Circenses.

Se queredes recibir algunha destas propostas chama ó 647.488.688 ou escribe un correo a dinamo@dinamoxestion.com

Aquí vos deixamos algunha fotografía da actividade.

DINAMO realiza un Estudo de Hábitos de Consumo entre a mocidade coruñesa

A equipa profesional de DINAMO está a realizar estes días un estudo sobre os hábitos de consumo entre as mozas e mozos coruñeses. 

De momento estamos na fase de recollida de datos a través de enquisas individuais e anónimas entre as e os participantes nas actividades xuvenís dos centros cívicos da cidade.

Paralelamente estanse verquindo os datos en programas informáticos de análise. E finalmente unha equipa específica de análise procederá a examinar os datos e a elaborar o estudo, que ofrecerá datos fiables sobre os patróns de ocio e lecer das mozas e mozos, sobre os hábitos de consumo, substancias, uso ou abuso ... e sobre todo unha serie de recomendacións para que os organismos públicos poidan levar a cabo plans e medidas eficaces neste eido.

O estudo foi encargado polo departamento de Servizos Sociais do Concello da Coruña. 

DINAMO ofrece todo tipo de servizos e actividades para a xuventude. Se queres recibir o noso catálogo podes solicitalo no 647.488.688 ou en dinamo@dinamoxestion.com

Ven Bailar Carmiña, un serán interxeracional cheo de música tradicional

O pasado 24 de maio, as familias e veciñas/os de Novo Mesoiro participaron nun obradoiro interxeracional arredor da música tradicional galega.

Nunha primeira parte as máis cativas e cativos experiementaron con diferentes instrumentos como son as pandereitas, cunchas, tamboriles, bombos e gaitas. Rotando por diferentes estacións (instrumentos) aprenderon o ritmo básico da muiñeira, para despois poñelo en práctica.

A continuación pequenas/os e maiores aprenderon os puntos de baile básicos para bailar unha muiñeira, nunha gran roda interxeracional.

E para rematar organizouse unha gran foliada onde participaron dunha maneira moi activa todas as persoas alí presentes, cantando, bailando e tocando. 

Toda a actividades estiveron dinamizadas por especialistas na música tradicional, membros da agrupación "Asubíos das Mariñas" e contou co apoio da equipa educativa de DINAMO. 

A actividade desenvolveuse por iniciativa do Centro Cívico de Novo Mesoiro e foi xestionada por DINAMO Xestión de Actividades Socioculturais.

"Ven bailar Carmiña" é un novo proxecto de DINAMO que ten como obxectivo achegar a música tradicional ás máis cativas e cativos, e tamén ás súas familias, dunha maneira lúdica, divertida e didáctica.

Se estades interesados en organizar unha actividade como esta podes chamar ó 647.488.688 ou escribir un correo electrónico a dinamo@dinamoxestion.com

Todas as citas de DINAMO co Entroido 2013

Dende DINAMO cremos que unhas das festas máis importantes do ano é o Entroido, dende os preparativos dos días anteriores como o Entroido pequeno, domingo de piñata ...

Desta volta as diferentes equipas de monitoras/es de DINAMO organizarán e xestionarán as seguintes actividades entroideiras:

Sábado 9. Obradorio de Disfraces. Biblioteca de Narón- Concello de Narón.
Sábado 9. Festa Infantil de Entroido. Pavillón Municipal de Baamonde. Concello de Begonte.
Domingo 10. Festa de Entroido. Casa da Cultura de Bóveda. Concello de Bóveda.
Luns 11. Obradoiro de Títeres de Gomaespuma. Centro Cívico de Santa Margarita. Concello da Coruña.
Luns 11. Festa Infantil de Entroido. Centro Cívico do Castrillón. Concello da Coruña.
Luns 11. Festa Infantil de Entroido. Pavillón Deportivo do Temple-Graxal. Concello de Cambre.
Martes 12. Festa Infantil de Entroido. Pavillón Municipal de Moeche. Concello de Moeche.
Martes 12. Festa Infantil de Entroido. Pavillón Deportivo de Cambre. Concello de Cambre.
Sábado 16. Presentación e Dinamización da Festa e Entroido Xeral de Cambre. Concello de Cambre.

Ademáis das actividades previas, como os Obradoiros de Máscaras que se están a realizar nas Bibliotecas de Oleiros, das que xa demos conta nunha entrada anterior.

DINAMO organiza o Espazo de Xogos Nadaleños no Centro Cívico Santa Lucía (A Coruña)

Todas as mañás do Nadal, salvo os días festivos, un grupo de 12 nenas e nenos participa nun espazo de xogos e actividades no Centro Cívico de Santa Lucía, organizado e xestionado pola equipa profesional de DINAMO.

Cada mañá durante tres horas as cativas e cativos participan en obradoiros manuais, actividades musicais,  xincanas, contacontos, e xogos, moitos xogos.

Esta é unha gran oportunidade para as nenas e nenos pois a diversión está garantiza, pero tamén é un servizo básico para as familias, pois desta maneira as nais ou pais poden ir traballar, ter tempo para facer as mercas de Nadal, ou simplemente descansar. En definitiva este programa ven a ser unha acción de conciliación da vida familiar e laboral.

Ademais o vindeiro xoves 3 de xaneiro a rapazada recibirá a visita dos Reis Magos de Oriente.

DINAMO organizou un Obradoiro de Adornos de Nadal no Centro Cívico de Novo Mesoiro

Os pasados días 18, 19 e 20 de Decembro a equipa educativa de DINAMO levou a cabo un Obradoiro de Adornos Nadaleños no Centro Cívico de Novo Mesoiro.

A actividade foi destinada a rapazas e rapaces de 3 a 9 anos, e durante tres tardes as máis cativas e cativos confeccionaron diferentes adornos e elementos decorativos de Nadal, sempre con materiais específicos.

Este tipo de actividade ademáis de ter un gran potencial educativos para as pequenas/os tamén supoñen unha excelente medida de axuda á conciliación laboral e familiar, pois mestre as e os participantes pasan unha hora e media divertíndose as súas nais e pais poden aproveitar ese tempo da mellor maneira.

Esta é unha das primeiras actividades que DINAMO realizou no seu extenso programa de Nadal, do que iremos dando conta.

Todas as citas de DINAMO co Entroido

Dende DINAMO Xestión de Actividades Socioculturais organizamos unha manchea de actividades de Entroido por toda a xeografía galega, dende hoxe mesmo ata ben entrado o Entroido pequeno dentro de dúas semanas.

Todas as actividades de DINAMO, igual que en anteriores edicións, teñen carácter temático. E neste 2012 as actividades, as monitoras e monitores irán ambientados na temática de “Os Deportes”. Así que se vedes a un grupo de “deportistas” un tanto estrafalarias/os, non o dúbides : son as xentiñas de DINAMO.

A continuación detallamos boa parte das actividades das que organiza, xestiona e desenvolve DINAMO:

Xoves 16. Festa Infantil no Centro Cívico Municipal de Monelos. A Coruña

Venres 17. Actividades de Entroido (monólogo + maquillaxe + cociña) no IES Pedregal de Irimia (Meira).

Venres 17. Contacontos de Entroido no CRA. de Oroso, a cargo de Caxoto Contacontos.

Venres 17. Festa Infantil no CEIP. Isidro Parga Pondal (Santa Cruz. Oleiros).

Domingo 19. Festa Infantil na Casa da Cultura de Bóveda.

Domingo 19. Festa Infantil no Pavillón Municipal de Carballedo.

Luns 20. Festa Infantil no Centro Cívico Municipal do Castrillón. A Coruña.

Martes 21. Festa Infantil no Pavillón Municipal de Moeche

Martes 21. Festa Infantil no Pavillón Municipal de Cambre

Martes 21. Presentación do Entroido de Cabana de Bergantiños, a cargo de Pedro Brandariz

Son só algunhas das actividades que organiza DINAMO para celebrar o Entroido por toda a xeografía galega.

DINAMO organiza unha manchea de Festas e Actividades de Nadal

Nestas datas de Nadal sucédense as celebracións festivas para as máis cativas e cativos. Son moitos os concellos, asociacións e outras entidades que dende finais de decembro ata o día de Reis organizan actividades nas súas instalacións.

DINAMO organiza este tipo de actividades e eventos festivos, e como mostra informamos de varias que xa fixemos ou que aínda imos facer:

Xoves 22 de Decembro: Contacontos e Presentación da Festa de Nadal no Centro Cívico de Palavea (A Coruña)

Venres 23 de Decembro: Organización da Festa Infantil de Nadal do Concello de Moeche

Luns 26 de Decembro:  Obradoiro de Adornos e Postais de Nadal no Centro Cívico de Mesoiro (A Coruña)

Luns 26 de Decembro: Organización da Festa Infantil de Nadal no Centro Cívico de Monelos (A Coruña)

Martes 27: Contacontos de Caxoto na Pobra do Caramiñal

E ademáis todas as visitas do Apalpador, os obradoiros na Biblioteca da Sagrada Familia (A Coruña), a animación da Pista de Patinaxe da Zona Obelisco … das que xa daremos conta en vindeiras entradas.

E como se dí nestes casos “Bo Nadal e Próspero 2012”