DINAMO organizou unha Festa de Nadal Infantil no Sporting Cambre

O pasado 21 de decembro a equipa de DINAMO organizou una festa de animación infantil na sede social do Sporting Cambre, con bailes e coreografías, xogos dirixidos, maquillaxe, globoflexia... e coa sorpresa final de Papá Noel.

Dende DINAMO estamos especializados en este tipo de actividades de animación. Se queres recibir o noso catálogo de servizos e prezos podes escribir a dinamo@dinamoxestion.com

DINAMO organizou a Festa de Entroido Infantil de Coristanco

O pasado venres 3 de marzo a equipa profesional de DINAMO organizou e dinamizou a Festa de Entroido Infantil de Coristanco, con animación musical, presentación do desfile, bailes, coreografías, xogos, obradoiros de maquillaxe e globoflexia...

DINAMO organizou unha Festa de Entroido en Viana do Bolo

O pasado luns 27 de febrero a equipa profesional de DINAMO organizou e dinamizou una Festa de Entroido en Viana do Bolo, con animación musical (bailes e coreografías), grandes xogos, obradoiros de maquillaxe, globoflexia...

Foi una festa realizada na praza da vila e gozou dunha participación altísima de nenas/os e maiores.

DINAMO organizou varias actividades de Entroido en Rianxo

Nos pasados días de Entroido a equipa profesional de DINAMO levou a cabo varias actividades lúdicas na vila de Rianxo.

O sábado 25 foi o turno do Obradoiro de Cociña Entroideira para cativas e cativos, o domingo 26 as monitoras e monitores dinamizaron una gran festa de Entroido con bailes, coreografías, xogos, obradoiros... E o martes de Entroido, 28 de febrero realizouse una actividades de Xogos Entroideiros.

Todas as actividades estiveron encamiñadas a recuperar o Entroido tradicional e formaron parte dun extenso programa organizado polo Concello de Rianxo.

DINAMO organizou unha Festa de Entroido na ANPA Bidueiro (Santa Cruz, Oleiros)

En DINAMO comezamos ben cedo o Entroido e o pasado sábado 18 de Febreiro organizamos una gran Festa Infantil de Entroido no CEIP Isidro Parga Pondal, da man da ANPA Bidueiro.

Xogos, bailes, coreografías, maquillaxe, globoflexia... foron algunhas das actividades nas que participaron unha gran cantidade de nenas e nenos.

Ademáis foi unha festa temática pois dende a ANPA quixeron facela ambientada na película Trolls, polo que as nosas monitoras/es foron caracterizados convintemente e as actividades tiveron ese fío conductor.

Esta festa é a primeira de moitas que imos realizar neste Entroido festeiro do 2017.

DINAMO organizou unha Festa Infantil de Entroido na Rúa (Valdeorras)

O pasado domingo 7 de Febreiro a equipa profesional de DINAMO organizou unha Festa Infantil de Entroido na Casa da Cultura do Concello da Rúa.

Nesta festa realizáronse actividades de animación musical, xogos, bailes, coreografías... así como obradoiros de maquillaxe, globoflexia... desfile de disfraces e outras moitas actividades lúdicas.

Está foi una das múltiples actividades que dende DINAMO organizamos neste Entroido 2016.

DINAMO organizou as Festas Infantís de Entroido de Cambre

Nos pasados días de Entroido a equipa profesional de DINAMO organizou e dinamizou sendas festas infantís de Entroido no Concello de Cambre, concretamente nos núcleos poboacionais do Temple e Cambre.

Foron festas multitudinarias onde a participación das cativas/os e dos seus pais e nais foi masiva.

O luns 3 de marzo, a festa foi no Temple e a equipa de DINAMO preparou unha festa repartida en diferentes estacións con probas e divertimentos. E o martes 4, en Cambre, como a afluencia aínda foi maior organizouse unha festa dirixida dende o propio escenario con animación musical, xogos, probas, coreografias, miniespectáculos teatrais...

Ademáis DINAMO tamén participou dunha maneira moi directa no sábado de Entroido, ou Entroido Pequeno pois Pedro Brandariz foi o presentador e dinamizador do concurso de disfraces, comparsas e carrozas da vila de Cambre.

En definitiva un Entroido como o de Cambre, da man de DINAMO Xestión de Actividades Socioculturais.

DINAMO presenta a súa Proposta de Actividades para celebrar o Fin de Curso

Neste primeiros días de xuño dende DINAMO aproveitamos para dar a coñecer as nosas actividades para que en colexios e institutos celebren o Fin de Curso dunha maneira activa, lúdica e divertida. 

DINAMO ofrece actividades moi variadas para os últimos días do curso: festas temáticas, obradoiros manuais, actividades de cultura urbana, espectáculos teatrais, animacións ...

Se queredes que vos enviemos a nosa proposta-catálogo non dúbides en solicitalo e se estades interesadas/os en facer algunha actividade podedes contactar con nós e faremos un deseño conxunto da festa, obradoiro, espectáculo... para que se axuste ás vosas necesidades. 

Podedes localizarnos chamando ó 647.488.688 ou escribindo un correo electrónico a dinamo@dinamoxestion.com

Todas as citas de DINAMO co Entroido 2013

Dende DINAMO cremos que unhas das festas máis importantes do ano é o Entroido, dende os preparativos dos días anteriores como o Entroido pequeno, domingo de piñata ...

Desta volta as diferentes equipas de monitoras/es de DINAMO organizarán e xestionarán as seguintes actividades entroideiras:

Sábado 9. Obradorio de Disfraces. Biblioteca de Narón- Concello de Narón.
Sábado 9. Festa Infantil de Entroido. Pavillón Municipal de Baamonde. Concello de Begonte.
Domingo 10. Festa de Entroido. Casa da Cultura de Bóveda. Concello de Bóveda.
Luns 11. Obradoiro de Títeres de Gomaespuma. Centro Cívico de Santa Margarita. Concello da Coruña.
Luns 11. Festa Infantil de Entroido. Centro Cívico do Castrillón. Concello da Coruña.
Luns 11. Festa Infantil de Entroido. Pavillón Deportivo do Temple-Graxal. Concello de Cambre.
Martes 12. Festa Infantil de Entroido. Pavillón Municipal de Moeche. Concello de Moeche.
Martes 12. Festa Infantil de Entroido. Pavillón Deportivo de Cambre. Concello de Cambre.
Sábado 16. Presentación e Dinamización da Festa e Entroido Xeral de Cambre. Concello de Cambre.

Ademáis das actividades previas, como os Obradoiros de Máscaras que se están a realizar nas Bibliotecas de Oleiros, das que xa demos conta nunha entrada anterior.

En DINAMO xa estamos preparando o Entroido

Como todos os anos por estas datas dende DINAMO presentamos a Proposta de Actividades para o Entroido, conformada por unha manchea de variadas actividades.

Dende animacións teatrais ata presentación, organización e dinamización de desfiles de disfraces, pasando polos obradoiros temáticos, festas de animación, actividades para a mocidade ...

Ofrecemos este amplo catálogo de actividades para as entidades municicipais, departamentos de cultura e mocidade, centros educativos, asociacións, colectivos ...

Ademáis cada ano dende DINAMO ambientamos todas as actividades nunha temática lúdica. En anos anteriores foron: o circo, o deporte, os piratas, os médicos ... E desta volta a temática será, a dos superheroes.

As persoas que estedes interesadas en recibir o catálogo-proposta podedes solicitalo no 647.488.688 ou escribir un correo electrónico a dinamo@dinamoxestion.com

Nos seguintes días daremos conta de todas as actividades que levaremos a cabo por toda a xeografía galega.

DINAMO realiza todo tipo de actividades lúdicas entroncadas coa cultura e tradición galegas.

DINAMO organizou unha gran Festa de Nadal en Moeche

O domingo 23 de Decembro a equipa profesional de DINAMO organizou a Festa Infantil de Nadal do Concello de Moeche.

A festa desenvolveuse no Pavillón Municipal, e dende as 16:30 foronse sucedendo un sinfín de actividades lúdicas para as máis cativas/os: hinchables, sesión de xogos nadaleños, visita de Papa Noel, entrega de agasallos, xogos populares, chocolatada ...

Pequenas/os e maiores pasaron unha tarde dun xeito moi divertido e diferente.

As festas de Nadal son unha das principais actividades que leva a cabo DINAMO nestas datas, xunto cos obradoiros, animacións teatrais ...

DINAMO organizou a Festa de Fin de Curso do CEIP San Marcos de Abegondo

Este mércores 20 de Xuño, as cativas e cativos do CEIP San Marcos de Abegondo disfrutaron dunha gran festa de fin de curso, organizada e dinamizada pola equipa profesional de DINAMO.

Foron 345 nenos e nenas que repartidos en pequenos grupos foron rotando por numerosas actividades: xogos populares, xogos con paracaídas, animación musical, globoflexia, pequenos obradoiros, contacontos …

Durante tres horas e media as rapazas e rapaces de 3 a 12 anos correron, bailaron, xogaron … pero sobre todo divertíronse.

Esta actividade foi promovida pola Asociación de Nais e Pais de Alumnas/os do CEIP San Marcos de Abegondo.

A equipa profesional de DINAMO está especializada nunha animación didáctica e que fomenta os valores educativos.