DINAMO leva a cabo Obradoiros de Cociña como actividade extraescolar en Ponteceso

Durante o curso escolar a equipa profesional de DINAMO leva a cabo actividades de cociña para nenas e nenos con tres grupos de idade diferenciados nos núcleos urbanos da Ponte e Corme. 

Seguindo una metodoloxía lúdica e participativa as cativas e cativos aprenden a manipular os alimentos, a menaxe e os utensilios e electrodomésticos da cociña, elaborando receitas cada vez máis complexas, e sempre co criterio dunha nutrición saudable. 

As actividades de cociña son moi demandadas e dende DINAMO encargámonos de todo, dende a monitoraxe da actividade ata as materias primas, pasando polos utensilios e electrodomésticos, gorros e mandís…

DINAMO organizou Obradoiros de Cociña Infantil en Curtis e Teixeiro

O pasado 12 de febrero a equipa profesional de DINAMO levou a cabo dous Obradoiros de Cociña de Entroido para Nenas e Nenos de maneira simultánea, en Curtis e en Teixeiro.

A actividade cun alto grado de participación consistiu en que as cativas e cativos preparasen diferentes platos entroideiros, tales como filloas, orellas, rosquiñas...

Dende DINAMO levamos todo o necesario para o desenvolvemento da actividade, dende os ingredientes e materias primas, ata os electrodomésticos e utensilios necesarios, menaxe... e incluso entregamos un gorro e un mandil para cada participante, co obxectivo de garantir a hixiene.

As actividades de cociña para nenas/os están en auxe e suponen unha magnífica oportunidade para educar na igualdade de xénero, na alimentación saudable, na educación para a saúde... ademáis da propia aprendizaxe funcional, pois que as nenas e nenos aprendan a cociñar é o máis importante. 

DINAMO organizou un Obradoiro de Marmeladas na Feira Rural de San Sadurniño

O pasado sábado 26 de agosto a equipa profesional de DINAMO levou a cabo un Obradoiro de Marmeladas na Feira Rural de San Sadurniño, un evento que ensalza a vida no rural e que cada ano faise máis grande. 

As educadoras/es realizaron un obradoiro de riquísimas marmeladas elaboradas con froitas de tempada que doaron os expositores da propia feira. Desta maneira ensinaron ás máis cativas/os unha das solucións máis sinxelas para conservar a froita e poder cómela todo o ano. 

Ademáis fixeron marmeladas saudables e incidiron na Educación para a Saúde promovendo unha alimentación sá e equilibrada. Ao tempo traballaron na igualdade de xénero, animando a participar neste obradoiro de "cociña" tanto a nenas como a nenos, eliminando desta maneira os roles machistas. 

Os Obradoiros de Cociña son unha das actividades estrela de DINAMO e teñen un gran potencial como ferramenta pedagóxica. Se queres recibir a nosa proposta podes chamar ó 619.345.100 ou escribir a dinamo@dinamoxestion.com

DINAMO organizou Obradoiros de Cociña nos Centros Cívicos da Coruña

Durante os meses de xullo e agosto a equipa profesional de DINAMO está a levar a cabo Obradoiros de Cociña en diferentes centro cívicos da cidade da Coruña.

Baixo dúas modalidades (Street Food e Cociña Mediterránea) téntase ofrecer contidos e receitas motivadoras para a mocidade ó mesmo tempo que se fomentan hábitos nutricionais saudables. 

O obradoiro de Street Food levase a cabo nos centros cívicos de Mariñeiros, Castrillón, Cidade Vella e Monelos. E os de Cociña Mediterránea nos centros de Rosales, Novoboandanza e Monte Alto.

Os obradoiros de cociña suponen una magnífica ferramenta didáctica pois ó tempo que desenvolven una actividade lúdica, as mozas e mozos, aprenden a cociñar, adquiren hábitos saudables e combatimos os estereotipos machistas, traballando a prol da corresponsabilidade e a igualdade de xénero.

Se queres recibir a nosa proposta de Obradoiros de Cociña só tes que chamar ó 619.345.100 ou escribir a dinamo@dinamoxestion.com.

DINAMO leva a calquera ubicación todo o necesario para desenvolver o obradoiro: materias primas, menaxe, electrodomésticos, material de hixiene...

DINAMO organizou un Obradoiro de Cociña de Samaín na Feira das Fabas de Moeche

Este domingo, 23 de outubro, a equipa profesional de DINAMO levou a cabo un Obradoiro de Cociña de Samaín para cativas e cativos na Feira das Fabas de Moeche.

Dunha maneira lúdica e divertida as nenas e nenos eleboraron diferentes receitas elaboradas con produtos de tempada: castañas, cabazas, cogumelos...

As actividades de cociña son unha magnífica oportunidade didáctica para as rapazas e repaces, pois son unha actividade totalmente práctica e permiten que as e os participantes perdan o medo a cociñar e sobre todo para falar con elas e eles de corresponsabilidade e reparto igualitario de tarefas no fogar.

Dende DINAMO organizamos este tipo de actividades ofrecendo tanto os ingredientes como todo o material necesario: mesas, cociña de inducción, forno, microondas, utensilios de cociña, gorros e mandilóns...

Se queres recibir máis información das nosas propostas podes chamar ó 619.345.100 ou escribir a dinamo@dinamoxestion.com

DINAMO organiza Obradoiros de Cociña para Mozxs no Centro Cívico de Monelos

Durante o mes de xullo e parte de agosto a equipa profesional de DINAMO leva a cabo tres Obradoiros Semanais de Cociña Básica para mozas e mozos.

Son cinco sesións para cada grupo de idade, dende os 12 ata os 30 anos, nas que as e os participantes aprenden o básico para cociñar de maneira autónoma. E de paso descubren pratos e receitas un pouco máis específicas e diferentes, co obxectivo de que cociñar sexa algo divertido para elas e eles.

Trátase de ofrecer unha capacitación das máis básicas, e ao mesmo tempo traballar no eido da igualdade de xénero, fuxindo de estereotipos e roles machistas, así como na boa alimentación e nutrición.

Estas actividades están enmarcadas dentro do Programa de Ocio Saudable que o Concello da Coruña, a través de Servizos Sociais, leva a cabo nos centros cívicos.

Os obradoiros de cociña son unha magnífica oportunidade didáctica para mozas/os e para nenas/os. Se queres coñecer a nosa Proposta de Obradoiros de Cociña non dubides en chamar ó 619.345.100 ou escribir a dinamo@dinamoxestion.com