DINAMO organizou as Actividades da Festa de Samaín da Cidade Vella

O pasado 9 de novembro a equipa profesional de DINAMO organizou as actividades lúdicas da Festa do Samaín da Asociación de Veciñas e Vecinos da Cidade Vella.

A primeira hora organizouse un Obradoiro de Decoración de Cabazas do Samaín, entregando una calabaza a cada participante. Despois a festa continuou cunha Xincana de "Xogos de Samaín" na que catro monitoras/es organizaron una manchea de probas, dinámicas e xogos temáticos arredor da Festa do Samaín. 

Dende DINAMO organizamos todo tipo de actividades encamiñadas cara a conservación e promoción da tradición do Samaín.

DINAMO organizou as Actividades Infantís da Festa do Outono da Cidade Vella

O pasado 17 de novembro a equipa profesional de DINAMO organizou as actividades lúdicas para as cativas e cativos dentro da Festa de Outono que celebra a Asociación de Veciñas/os da Cidade Vella.

Organizouse un gran Obradoiro de Cabazas de Samaín, un Obradoiro de Disfraces Expréss e una tarde de Xogos Populares, onde se instalaron máis de 30 xogos tradicionais para todas as idades.

Ademàis dende DINAMO tamén nos encargamos da decoración dos espazos reservados para a festa na Praza da Fariña (Azcárraga).

DINAMO desenvolve o Club de Ocio para Persoas con Discapacidade

Dende o pasado mes de abril e ata finais de xuño a equipa de DINAMO desenvolve a actividade "Club de Ocio" dirixido a persoas con discapacidade intelectual maiores de 16 anos.

Todos os sábados de 16:30 a 20:30 o grupo de mozas e mozos participa en diferentes actividades creativas, físico-deportivas e no no eido das novas tecnoloxías. 

Trátase de realizar actividades que potencien a normalización das persoas con discapacidade, favorecendo a súa autonomía e independencia persoal.

As actividades realízanse no novo Centro Cívico da Cidade Vella e están promovidas polo Departamento de Servizos Sociais do Concello da Coruña. 

DINAMO desenvolve diversas actividades no Centro Cívico da Cidade Vella (A Coruña)

Dende o pasado mes de abril a equipa de traballo de DINAMO desenvolve diversas actividades no Centro Cívico da Cidade Vella, no Concello da Coruña, máis concretamente para nenas/os e mozas/os.

Algunhas das actividades son as seguintes:

- Apoio Escolar
- Baile Moderno
- Aerobic Latino
- Debuxo Artístico
- Rincón do Xogo
- Club de Ocio

Trátase dun programa de actividades que ten como obxectivo dar a coñecer o centro cívico e promocionar a participación no mesmo, xa que é un centro de recente creación.