DINAMO levou a súa Caravana de Xogos Populares ó CEIP Alborada para celebrar o Nadal

O pasado 13 de decembro a equipa profesional de DINAMO levou a Caravana de Xogos Populares ó CEIP Alborada de A Coruña, instalando e dinamizando máis de 30 xogos populares e tradicionais no patio do centro escolar.

Durante toda a maña os diferentes grupos-burbulla foron pasando polos diferentes módulos, desinfectados e hixienizados entre cada grupo para cumprir con todos os protocolos derivados da COVID 19.

Dende DINAMO organizamos todo tipo de actividades e eventos vencellados co mundo dos xogos populares e tradicionais, para centros educativos, entidades municipais e outros colectivos e asociacións.

DINAMO organizou un Programa de Xincanas pola Igualdade no CEIP Alborada (A Coruña)

O pasado 26 de novembro a equipa profesional de DINAMO organizou unha serie de Xincanas pola Igualdade no CEIP Alborada da Coruña, co alumnado de Educación Infantil e Educación Primaria do centro.

As xincanas están conformadas por divertidas probas temáticas arredor da igualdade de xénero, a corresponsabilidade no fogar e a prevención das violencias machistas. Neste tipo de actividades ofrécese unha visión positiva e optimista sobre a perspectiva de xénero, para tratar de concienciar de maneira lúdica e dinñámica.

Dende DINAMO organizamos todo tipo de actividades para promover a igualdade de xénero e a prevención das violencias machistas.

DINAMO organizou unha Xincana pola Igualdade no CEIP Alborada

 O pasado 25 de marzo a equipa educativa de DINAMO organizou unha Xincana pola Igualdade no CEIP Alborada, con diferentes actividades para cada grupo escolar ou aula.

As e os participantes na xincana tiveron que superar unha serie de probas temáticas en igualdade de xénero, traballando sobre os estereotipos e roles de xénero, as discriminacións derivadas deste sistema machista, as consecuencias que teñen para as mulleres dende os micromachismos ata as cuestións consideradas como violencia machista.

Todo isto enfocado dende un punto de vista positivo e optimista centrado en promover relacións afectivas saudables e igualitarias. 

Dende DINAMO organizamos todo tipo de actividades lúdicas e formativas en igualdade de xénero en particular, así como na educación en valores en xeral.