DINAMO creou un Video Didáctico sobre Residuos para a Casa Grande de Xanceda

A equipa educativa e artística de DINAMO creou un video didáctico sobre residuos e a súa xestión para a Casa Grande de Xanceda.

Deseñamos e realizamos un vídeo formativo sobre a separacion en orixe dos residuos e a súa xestión na Planta de Tratamento de Residos de SOGAMA. Esta peza audiovisual ten como principal obxectivo servir de formación para o persoal da Casa Grande de Xanceda. Dunha maneira entretida e dinámica abórdase os 3 R, nomeadamente a reducción, a reutilización e a reciclaxe.

Dende DINAMO producimos diferentes proxectos audiovisuais didácticos e formativos de moi diferentes temas.

DINAMO imparte Formación en Narración Oral na Grande de Xanceda

Nos pasados días de decembro e xaneiro a equipa profesional de DINAMO impartiu varios obradoiros formativos en narración oral ás educadoras/es da Casa Grande de Xanceda.

Durante varias xornadas traballaron nas técnicas básicas, dende a preparación e estruturación da narración ata os recursos lúdicos e didácticos, pasando pola expresión oral e corporal, presenza escénica...

A formación foi impartida por Pedro Brandariz e Felipe Díaz "Caxoto" e tiña como obxectivo fundamental dotar á equipa educativa da Casa Grande de Xanceda de ferramentas para poder levar a cabo intervencións didácticas de maior impacto.

Dende DINAMO organizamos formación en artes escénicas en moi variados formatos e para diferentes entidades.