DINAMO organizou unha Festa de Samaín en Cabanas

O pasado 31 de outubro a equipa profesional de DINAMO organizou unha festa de animación infantil de Samaín no concello de Cabanas, con xogos, bailes e coreografías temáticas, desfile de disfraces terroríficos, contacontos de medo...

Dende DINAMO organizamos unha manchea de festas e eventos lúdicos en torno á tradición do Samaín. 

DINAMO xestiona o Espazo de Mocidade PLANET CLUB en Pontedeume

A equipa profesional de DINAMO leva varios anos xestionando o Espazo de Lecer para a Mocidade Planet Club, do Concello de Pontedeume. 

Esta última etapa do programa xuvenil comezou en xaneiro e desenvolverase durante todo o ano (facendo unha parada na época estival). Cada sábado as mozas e mozos eumeses (de Pontedeume e Cabanas) teñen un espazo á súa disposición (de 18:00 a 22:00)  cunha manche ade actividades para que poidan participar, aprender e sobre todo pasar unha tarde de sábado divertida e saudable. 

Este lonxevo programa de atención á mocidade é iniciativa do Concello de Pontedeume e do Concello de Cabanas, que colaboran neste servizo pois tanto participan mozas e mozos dun e doutro concello. 

Dende DINAMO estamos especializadas/os na xestión de espazos xuvenís e na programación de actividades para a mocidade.

DINAMO organiza os Campamentos Urbanos de Cabanas

A equipa profesional de DINAMO xestiona e executa os Campamentos Urbanos do Concello de Cabanas, dende o pasado 22 de xuño ata comezos de setembro.

Trinta participantes por quenda realizan actividades como obradoiros, xogos, deportes, saídas, contacontos... todas as mañás de 9:00 a 14:30, de luns a venres.

O campamento desenvolvese no Apeadoiro de Cabanas, xa que dispons dunhas magníficas insntalacións e ademáis conta cunha contorna moi axeitada para a realización do campamento.

Trátase dunha magnífica oportunidade de ocio para as máis cativas e cativos e sobre todo un bó servizo para as nais e pais, pois permítelle conciliar a vida laboral, familiar e persoal.

Hoxe en día os campamentos urbanos están moi en auxe polo seu carácter didáctico e polas oportunidades para nais e pais. 

A equipa de DINAMO está especializada no eido dos campamentos e actividades para nenas e nenos. Se queres recibir máis información sobre as nosas propostas campamentais tan só tes que chamar ó 619.345.100 ou escribir un correo a dinamo@dinamoxestion.com

DINAMO desenvolve o Programa de Envellecemento Activo en Cabanas

Dende o pasado mes de maio a equipa profesional de DINAMO desenvolve o Programa de Envellecemento Activo no Concello de Cabanas. 

Todos os martes de 11:00 a 12:30 un nutrido grupo de persoas maiores participan nunha serie de actividades e obradoiros co obxectivo de fomentar a autonomía persoal e retrasar a dependencia. 

Por unha banda trabállase no proxecto de "Lembrando Cabanas", no que se visitan diferentes puntos emblemáticos  do concello e as e os participantes contan as súas lembranzas e vivencias asociadas a estes lugares.

E por outra banda traballamos a cociña creativa, para que aprendan novas técnicas culinarias e que desenvolven a súa creatividade.

Dende DINAMO levamos a cabo proxectos de intervención coa terceira idade en diferentes concellos e entidades.

DINAMO organizou o Campamento de Nadal en Cabanas.

Durante o período vacacional de Nadal a equipa profesional de DINAMO organizou e levou a cabo o Campamento de Nadal do Concello de Cabanas. 

As rapazas e rapaces poideron participar en divertidas actividades todas as mañás do Nadal, permitindo desta maneira a conciliación da vida familiar, laboral e persoal das súas proxenitoras/es. 

Xogos, xincanas, obradoiros, festas, contacontos... foron algunhas das actividades que levaron a cabo as nenas e nenos, 

Neste tipo de actividades predomina o compoñente lúdico, pero camiña de xeito paralelo coas intencións educativas e didácticas. O obxectivo é que as e os participantes teñan unha alternativa de ocio, que ademáis lle sirva para enriquecerse e seguir aprendendo. 

Dende DINAMO estamos especializados neste tipo de actividades, e desenvolvemos moitos proxectos de conciliación. En concreto neste Nadal, foron varios os concellos que confiaron en nós para desenvolver os seus campamentos: Irixoa, Casas Museo A Coruña, Servizos Sociais A Coruña...

DINAMO organiza un Obradoiro de Creatividade no IES Fragas do Eume

Dende o pasado mes de marzo e ata o remate do curso escolar, todas as alumnas e alumnos de Educación Secundaria Obrigatoria do IES Fragas do Eume están a participar nun Obradoiro de Creatividade, impartido por Pedro Brandariz. Cada grupo participa nunha sesión semanal.

O obxectivo destas sesións é acadar un nivel óptimo de desinhibición escénica, así como a adquisición de capacidades creativas, para que as mozas e mozos desenvolvan a súa expresión oral e corporal.

Trabállase dende as técnicas escénicas (teatro, clown, improvisación, narración oral...) as cicncias audiovisuais ... 

Estas actividades son dinamizadas pola equipa educativa de DINAMO Xestión de Actividades Socioculturais SL e promovidas polo Concello de Cabanas que sugrafa os custes das mesmas.

Comeza o Programa "Saída 21 de Verán" en Cabanas

Este venres 6 de Xullo comeza no Apeadoiro de Cabanas o programa “Saída 21 de Verán” para as mozas e mozos de Cabanas.

Todos os venres de verán de 20 a 22 horas as mozas e mozos de 12 a 18 anos poden participar en actividades xuvenís como: obradoiros, cociña, música, dj`s, xogos …

De feito as primeiras actividades serán un Obradoiro de Chapas e un Obradoiro de DJ.

Este programa ven a ser unha continuación do Planet Club, servizo para a mocidade que se desenvolve durante o curso escolar en Pontedeume.

O programa “Saída 21” consiste na colaboración dos concellos de Cabanas e Pontedeume en materia de mocidade.

As actividades do Programa “Saída 21 de Verán” xurde por iniciativa do Concello de Cabanas, que tamén a financia, co apoio da Deputación da Coruña.

Esta é unha das múltiples actividades que dende DINAMO levamos a cabo coa mocidade. Traballamos para moi diferentes concellos con programas diferenciados e multidisciplinares: Oleiros, Cambre, Culleredo, Narón, Pontedeume, Cabanas, Arteixo …

DINAMO participou na Semana Cultural do IES Fragas do Eume

A pasada semana a equipa profesional de DINAMO levou a cabo diferentes actividades dentro da Semana Cultural do IES Fragas do Eume, dentro do Programa de Intervención coa Mocidade “Saída 21” impulsado polo Concello de Cabanas e Pontedeume.

O mércores 20 e o xoves 21 as mozas e mozos participaron en actividades como “Gravación de Curtas co Móbil”, “Xincana Ambiental no Piñeiral de Cabanas”, “Xogos Populares”, “Obradoiro de Ligue” …

Son actividades demandadas pola propia mocidade, a través do Programa de Intervención coa Mocidade “Saída 21” que organiza actividades durante todo o curso escolar e tamén durante os períodos vacacionais. De feito xa se están preparando as actividades dos meses de verán, das que daremos conta neste blogue.

DINAMO organiza dúas Xornadas de Portas Abertas no Planet Club de Pontedume

Os vindeiros martes 27 e o venres 30 a equipa profesional de DINAMO organiza sendas xornadas de “portas abertas” do proxecto-espazo “Planet Club” no concello de Pontedeume.

“Planet Club” é un proxecto de intervención coa mocidade en materia de prevención de drogodependencias. 

Está promovido polo Concello de Pontedeume e xestionado por DINAMO Xestión de Actividades Socioculturais SL.

O 27 e o 30 de marzo o centro organizará unha manchea de actividades para que as alumnas e alumnos do IES Fragas do Eume coñezan este servizo para a mocidade. As mozas e mozos deste centro achegaranse ó centro en pequenos grupos durante toda a mañá do martes e do venres.

Aínda que a maioría das mozas e mozos da vila eumesa xa participan no Planet Club esta actividade ten como obxectivo dar un novo pulo á participación, sobre todo entre os primeiros cursos do ensino secundario.

As xornadas están organizadas conxuntamente polo Concello de Pontedeume, o Concello de Cabanas, o IES Fragas do Eume e Dinamo Xestión de Actividades Socioculturais, dentro do Programa Saída 21.