DINAMO celebra o Día dos Museos nas Casas Museo do Concello da Coruña

O pasado 16 de maio a equipa de DINAMO desenvolveu un amplísimo programa de actividades para celebrar o Día dos Museos nas diferentes Casas Museo da cidade da Coruña. 

A xornada comezou cunha "animación zanqueira" entre a Praza de Pontevedra e a Praza de España, que tiña como obxectivo dar a coñecer o programa de actividades. 

Xa pola tarde ás 17:30 tivo lugar a actuación do Mago Charlangas na Casa Museo Picasso, ás 18:00 a "Caravana dos Xogos Populares" chegou ó entorno da Casa Museo de María Pita, e ás 19:30 foi o turno da actuación musical a cargo do Cé Orquesta Pantasma na Casa Museo Casares Quiroga.

Con estas actividades preténdese visibilizar ás Casas Museo da cidade e dinamizar estes espazos, así como achegalos ás cativas e cativos. 

DINAMO xestiona dende hai dous anos as visitas e actividades das diferentes Casas Museos do Concello da Coruña. 

DINAMOteatro animou a Feira Mariñeira de Fisterra

A equipa escénica de DINAMOteatro realizou o pasado sábado 9 de maio varios pases da súa animación teatral na Feira Mariñeira de Fisterra. Nestas animacións teatrais prima a interacción directa co público viandante, utilizando recursos cómicos, que fan que a visita ó mercado mariñeiro sexa máis agradable e divertido.

En DINAMOteatro estamos especializados no desenvolvemento de animacións teatrais itinerantes para dinamizar todo de eventos sociais. Temos tanto a "animación medieval" como foi neste caso, como outras moitas temáticas específicas.

A actividade foi realizada a través da mediación de Culturactiva S.Coop.

DINAMO desenvolve o Club de Ocio para Persoas con Discapacidade

Dende o pasado mes de abril e ata finais de xuño a equipa de DINAMO desenvolve a actividade "Club de Ocio" dirixido a persoas con discapacidade intelectual maiores de 16 anos.

Todos os sábados de 16:30 a 20:30 o grupo de mozas e mozos participa en diferentes actividades creativas, físico-deportivas e no no eido das novas tecnoloxías. 

Trátase de realizar actividades que potencien a normalización das persoas con discapacidade, favorecendo a súa autonomía e independencia persoal.

As actividades realízanse no novo Centro Cívico da Cidade Vella e están promovidas polo Departamento de Servizos Sociais do Concello da Coruña. 

DINAMO desenvolve diversas actividades no Centro Cívico da Cidade Vella (A Coruña)

Dende o pasado mes de abril a equipa de traballo de DINAMO desenvolve diversas actividades no Centro Cívico da Cidade Vella, no Concello da Coruña, máis concretamente para nenas/os e mozas/os.

Algunhas das actividades son as seguintes:

- Apoio Escolar
- Baile Moderno
- Aerobic Latino
- Debuxo Artístico
- Rincón do Xogo
- Club de Ocio

Trátase dun programa de actividades que ten como obxectivo dar a coñecer o centro cívico e promocionar a participación no mesmo, xa que é un centro de recente creación.

DINAMO desenvolve os Obradoiros de Hortos Urbanos en Novo Mesoiro

A equipa profesional de DINAMO comezou no mes de abril dous obradoiros de Hortos Urbanos no barrio de Novo Mesoiro, un con familias (os luns) e outro con persoas adultas (os mércores)

As e os participantes aprenderán as nocións básicas de horticultura dunha maneira práctica e divertida. Cada semana teñen dúas horas de actividade, nunha delas realizarán actividades prácticas no aula e na segunda hora traballarán na horta, plantando e coidando diferentes tipos de cultivo, que tamén recollerán e levarán ós seus fogares. 

As actividades lévanse a cabo no Centro Cívico de Novo Mesoiro e as actividades prácticas realízanse nas Hortas Municipais que o Concello da Coruña ten no barrio. 

As actividades de horta supoñen unha magnífica oportunidade de contacto coa terra e aprendizaxe para cativas/os e maiores. As e os participantes conforman un grupo moi heteroxeneo, pois hai xente que vive no barrio, pero que procede de zonas rurais e quere recuperar o contacto co terra. E tamén hai participantes neofitas/os no tema con moitas gaña de aprender. Esta heteroxeneidade permite un gran intercambio de coñecementos. 

DINAMO desenvolve un Programa de Alimentación Saudable no IES de Oleiros

Nas últimas datas as alumnas e alumnos de 1º e 2º da ESO dos centros de ensino secundario de Oleiros participaron no Programa Educativo “Comida e Saúde”.

Trátase de actividades en torno a un dos piares básicos da Educación para a Saude: a alimentación, sobre todo nun sector de poboación tan importante como a mocidade.

O obxectivo primordial é o de promover hábitos de vida saudable a nivel físico e e emocional, sentando as bases do benestar nas necesidades reais por riba de presións sociais, mediáticas e de mercado.

Dinámicas de grupo, traballo en equipo, xogos, rollplay, estudo de casos, reflexións e debates, consulta de materiais … son algunhas das actividades que se levaron a cabo nas sesións de traballo coas mozas e mozos.

Este ano o programa dividese en dous bloques temáticos:
-       Vida saudable: para as alumnas e alumnos de 1ºESO.
-       Alimentación e Deporte: para as alumnas e alumnos de 2ºESO

“Comida e Saúde” é tan só un dos múltiples programas educativos que DINAMO Xestión de Actividades Socioculturais SL  desenvolve no Concello de Oleiros dos que periódicamente damos conta neste blogue.

DINAMO organiza as actividades da Día da Árbore de Culleredo

O vindeiro 21 de marzo é o Día Internacional das Árbores, e no Concello de Culleredo sempre levan a cabo un gran programa de actividades de sensibilización para as máis cativas e cativos.

Este ano, e coa xestión da equipa educativa de DINAMO, o programa de actividades consta de varias sesións de contacontontos e unha gran festa-xincana final temática.

O mércores 18 e xoves 19 desénvolveronse dúas sesións de contacontos por xornada. Contacontos arrador da sorprendente vida das árbores e de toda a vida que hai arredor dela: animais, trasnos... Todas as historias teñen o obxectivo de concienciar no coidado das árbores e dos bosques. 

E o vindeiro día 23 de marzo pecharase a campaña cunha gran festa no Xardín Botánico do Burgo. A festa contará con bailes, actuacións, xincana de probas, e moitas sorpresas. 

Dende DINAMO dispoñemos dun amplo catálogo de actividades de Educación Ambiental. Se queres máis información podes chamar ó 619.345.100 ou escribir a dinamo@dinamoxestion.com