DINAMO organizou un "Parti da Igualdade" en Catoira

 O pasado 17 de abril a equipa educativa de DINAMO levou a cabo un Obradoiro en Igualdade de Xénero titulado "Parti da Igualdade" no Concello de Catoira.

Trátase dunha nova actividade lúdica destinada a traballar a perspectiva de xénero dunha maneira dinámica e divertida con nenas e nenos de 6 a 12 anos. Durante 90 minutos as e os participantes deben superar unha serie de probas seguindo a metodoloxía e a estrutura do clásico xogo "Party&Co" con preguntas, retos, dinámicas...

Dende DINAMO organizamos todo tipo de actividades lúdicas e formativas en igualdade de xénero para levar a cabo en concellos, entidades sociais, centros educativos...

DINAMO organizou unha Xincana pola Igualdade no CEIP Curros Enríquez de Ourense

 O pasado 9 de marzo a equipa educativa de DINAMO levou a cabo unha serie de xincanas temáticas en igualdade de xénero con diferentes grupos do CEIP Curros Enríquez de Ourense.

As xincanas, adaptadas totalmente ás circunstancias COVID19, compóñense de diferentes probas lúdicas e didácticas sobre a perspectiva de xénero. A partir de xogos e dinámicas trabállase os roles de xénero, os estereotipos, as discriminacións... pero sobre todo unha perspectiva positiva, promovendo relacións afectivas sanas e positivas, a prevención de todo tipo de violencias machistas...

Dende DINAMO realizamos todo tipo de actividades didácticas en moi diferentes formatos: xincanas, obradoiros, sesións temáticas, contacontos...

DINAMO organizou un Obradoiro de Escrita de Guión de Curtametraxes no Forum Metropolitano

O pasado venres 2 de Decembro, a equipa artística de DINAMO organizou un Obradoiro de Escrita de Guión de Curtametraxes no Fórum Metropolitano.

O obradoiro, cunha duración de dúas horas, serviu para abordar as claves prácticas da escrita de guión cinematográfico, dende o punto de vista das curtametraxes.

As e os participantes no obradoiro poideron desenvolver algunhas das súas ideas, dende as etapas máis incipientes ata á estruturación, personaxes, escaletado, diálogos, desgloses...

Esta actividade enmarcouse dentro do Programa Nocturnia de Ocio Alternativo para a Mocidade, organizado pola Concellería de Participación e Innovación Democrática.

DINAMO levou a cabo o Programa "Comida e Saude" nos tres IES de Oleiros

Durante todo o curso escola 2015-16 as alumnas e alumnos de 1º e 2º da ESO dos tres IES do Concello de Oleiros participaron no Programa Educativo “Comida e Saúde”, organizado polo Concello de Oleiros e xestionado e desenvovido pola equipa profesional de Dinamo.

Trátase de actividades en torno a un dos piares básicos da Educación para a Saude: a alimentación, sobre todo nun sector de poboación tan importante como a mocidade.

O obxectivo primordial é o de promover hábitos de vida saudable a nivel físico e e emocional, sentando as bases do benestar nas necesidades reais por riba de presións sociais, mediáticas e de mercado.

Dinámicas de grupo, traballo en equipo, xogos, rollplai, estudo de casos, reflexións e debates, consulta de materiais … son algunhas das actividades que se levaron a cabo nas sesións de traballo coas mozas e mozos.

Este ano o programa dividese en dous bloques temáticos:

-       Vida saudable: para as alumnas e alumnos de 1ºESO.
-       Alimentación e Deporte: para as alumnas e alumnos de 2ºESO

“Comida e Saúde” é tan só un dos múltiples programas educativos que DINAMO Xestión de Actividades Socioculturais SL  desenvolve en diferentes concellos e entidades, e dos que damos conta neste blogue de forma periódica

DINAMO organizou o Obradoiro de Cociña Creativa na Feira Rural de San Sadurniño

O pasado 29 de Agosto  a equipa profesional de DINAMO participou na Feira Rural de San Sadurniño con dous Obradoiros de Cociña Creativa para cativas e cativos.

As nenas e nenos participantes elaboraron ríquisimas receitas a base de produtos locais como a froita de tempada, requeixo, mel... 

O obxectivo deste obradoiro é que as picariñas e picariños perdan o medo a cociñar, aprendar a comer dun xeito saudable e sobre todo que se divirtan cunha actividade lúdica e didáctica e con produtos ecolóxicos.

Dende DINAMO levamos a cabo Obradoiros de Cociña de todo tipo, para calquera grupo de idade e o o máis importante, en calquera lugar, pois contamos con cociñas e equipamentos portátiles. 

Se queres recibir máis información das nosas propostas podes chamar ó 619.345.100 ou escribir a dinamo@dinamoxestion.com

DINAMO desenvolve Obradoiros de Hip Hop nos Centros Cívicos da Coruña

Dentro do programa municipal de Ocio Saudable a equipa profesional de DINAMO está desenvolvendo diferentes obradoiros de hip hop e dj en diferentes centros cívicos da cidade.

Nestes obradoiros as mozas e mozos aprenden a crear as súas rimas, a improvisar as súas letras, a traballar coas bases musicais... e sobre todo unha serie de valores de igualdade e xustiza social. Desta maneira, partindo dunha actividade atractiva para elas e eles ofrecemos unha formación en valores moi utís para a vida cotiá.

Os obradoiros son impartidos por compoñentes de grupos de rap e hihop pero que tamén contan coa titulación de Educación Social o cal garante o carácter didáctico das actividades.

Xa se desenvolveron os obradoiros dos centros cívicos de Rosales e Novo Mesoiro, e queda pendente para agosto a realización do obradoiro en Monte Alto.

Dende DINAMO somos especialistas na programación e execución de actividades para a mocidade, como poden ser estes obradoiros.

Se queres recibir a nosa Proposta de Actividades para a Xuventude podes chamar ó 647.488.688 ou escribir a dinamo@dinamoxestion.com

DINAMO levou a cabo a Programación da Noite Branca Infantil en Culleredo

O pasado venres 17 de Xullo a equipa profesional de DINAMO levou a cabo a Programación da Noite Branca do Burgo. 

A Noite Branca consiste nunha iniciativa do Concello de Culleredo para promover o comercio local na zona do Burgo, contando co colaboración dos propios comerciantes.

Durante toda a xornada houbo unha gran programación de eventos e actividades e a equipa de DINAMO desenvolve as actividades para cativas e cativos. 

As actividades desenvolvéronse na Praza Europa do Burgo dende as 17:00 ata as 21:00.

O programa foi o seguinte.

De 17:00 a 20:00: Hinchables / Xogos Populares / Photocall

18:00 Obradoiro de Complementos para o Photocall

19:00 Globoflexia e Maquillaxe

20:00 Festa de Animación Musical.


As actividades estiveron moi concurridas e a xornada foi todo un éxito.

Algunhas fotos da programación podes velas neste albúm da nosa páxina de facebook.

Album Fotos Noite Branca Infantil Culleredo

DINAMO organizou unha Xornada de Formación Teatral en Antas de Ulla

O pasado 8 de Febreiro un bó grupo de nenas e nenos de Antas de Ulla e Melide conviviron durante unha xornada realizando un obradoiro formativo en artes escénicas, concretamente na animación teatral e na improvisación.

Durante todo o día participaron nos obradoiros formativos, para finalmente amosar o traballado nunha mostra aberta para nais e pais. 

Antas de Ulla é un dos concellos que máis coida o teatro dende a máis tenra infancia con multitude de actividades e iniciativas.

Por outra banda as actividades de animación teatral son unha das especialidades da equipa profesional de DINAMO.

DINAMO xestiona un Obradoiro de Maxia para Mozas/os no Centro Cívico de Labañou

Durante os catro xoves do mes de agosto, de 12:00 a 13:30, o mago Zonte, a través de DINAMO está impartindo un Obradoiro de Maxia para mozas e mozos no Centro Cívico de Labañou. 

Nesas 7,5 horas as e os participantes aprenderán xogos de maxia básicos, con cartas, moedas, dados e outro elementos cotiás. 

Esta actividade forma parte do Programa de Ocio Saudable que o Concello da Coruña ofrece a todas as mozas e mozos coruñeses.

A maxia é unha actividade moi interesante para as mozas e mozos, por iso dende DINAMO levamos a cabo numerosas actividades vencelladas coa maxia para a mocidade, cursos, obradoiros, actuacións...

Se che interesa organizar algunha destas actividades podes chamar ó 647.488.688 ou escribir a dinamo@dinamoxestion.com

DINAMO presenta a súa Proposta de Actividades para as Letras Galegas 2014

Como todos os anos, por estas datas a equipa educativa de DINAMO presenta a Proposta de Actividades para as Letras Galegas, 

Trátase dunha serie de propostas educativas, lúdicas e escénicas que teñen como obxectivo potenciar o uso do galego, fomentar a animación á lectura e dar a coñecer a figura homenaxeada neste ano, Xosé María Díaz Castro. 

En moitos concellos, centros educativos, asociacións e outros colectivos celebran arredor da data do 17 de Maio diversas actividades para potenciar a lingua galega e a súa literatura. 

Dende DINAMO ofrecemos actividades moi variadas para celebrar o 17 de Maio, dende xogos, xincanas e obradoiros temáticos, ata contacontos, monólogos, espectáculos, concertos, charlas... todo co obxectivo de facilitar a planificación deste tipo de actividades ás entidades organizadoras.

A "proposta estrela" deste ano é o espectáculo "Díaz Castro, o tradutor" un monólogo cómico a partir dos poemas de Nimbos, de Xosé María Díaz Castro.

Se queres recibir a nosa proposta de actividades ou máis información sobre os nosos servizos tan só tes que chamar ó 647.488.688 ou escribir a dinamo@dinamoxestion.com

DINAMO xestiona a Escola Infantil de Teatro de Ponteceso

A equipa profesional de DINAMO xestiona, dende o pasado mes de outubro, e ata maio de 2014 a Escola Infantil de Teatro de Ponteceso, con clases semanais en dous grupos diferenciados.

As e os participantes son cativas e cativos de 4 a 12 anos.

Todos os luns de 17:30 a 18:30 a actividade é para as cativas e cativos da Ponte, e de 19:40 a 20:40 o turno é para as nenas e nenos de Corme.

Coas clases semanais preténdese achegar ao teatro ás e ós participantes, dunha maneira lúdica, divertida e moi, moi participativa.

Ademáis, dende o primeiro momento iniciamos o traballo escénico, coa improvisación de pequenas esceas, e sobre todo coa preparación e ensaios de espectáculos que logo serán representados.

De feito o pasado 21 de decembro representáonse os dous primeiros espectáculos "O mellor do Nadal" e a "A foto de Nadal" no Espazo de Servizos Múltiples do Concello de Ponteceso.

No 2014 prepararanse outros dous espectáculos para representar a final de curso.

DINAMO organizou un amplo programa de Actividades para a Asociación de Comerciantes de Elviña

A equipa profesional de DINAMO organizou boa parte das actividades do Programa de Samaín organizado pola Asociación de Comerciantes e Empresarios/as de Elviña e coa promoción da Concellería de Cultura do Concello da Coruña.

As actividades foron as seguintes:

Xoves 31. Obradoiro de Cociña de Samaín
Xoves 31. Obradoiro de Móbil con Morcegos
Venres 1. Contacontos de Samaín.
Sábado 2. Obradoiro con Castañas e Noces
Sábado 2. Obradoiro de Meiguiñas
Domingo 3. Festa de Samaín.

E dentro desta promoción da Concellería de Cultura do Concello da Coruña, a equipa de DINAMO tamén dinamizou unha Festa de Samaín para a Asociación de Veciñas/os de Monelos, o pasado 9 de novembro.

.

DINAMO organiza un Obradoiro de Circo no Centro Cívico de Novo Mesoiro

Dende o pasado martes 6 e ata o venres 23 de agosto as mozas e mozos de Novo Mesoiro poden participar nun obradoiro de "técnicas de circo" impartido pola equipa profesional de DINAMO.

O obradoiro desenvolvése os martes e venres de 11 a 13 horas. 

As e os participantes aprenderán diferentes acrobacias en parella, manexo de malabares (bolas, mazas e cariocas), técnicas de clown ... co cal achégaranse ó mundo do circo dunha maneira integral, abrindo pequenas fiestras, para que despois poidan continuar a súa formación naquelas disciplinas que máis lles interesen.

Esta actividade enmárcase dentro do Programa de Lecer Saudable do Concello da Coruña para as mozas e mozos. Así mesmo tamén está contida nas propostas que dende DINAMO ofrecemos a moi diferentes entidades para traballar coa mocidade.

Se queres recibir máis información sobre as propostas de actividades para a mocidade tan só tes que chamar ó 647.488.688 ou escribir a dinamo@dinamoxestion.com

DINAMO presenta a súa Proposta de Actividades para celebrar o Fin de Curso

Neste primeiros días de xuño dende DINAMO aproveitamos para dar a coñecer as nosas actividades para que en colexios e institutos celebren o Fin de Curso dunha maneira activa, lúdica e divertida. 

DINAMO ofrece actividades moi variadas para os últimos días do curso: festas temáticas, obradoiros manuais, actividades de cultura urbana, espectáculos teatrais, animacións ...

Se queredes que vos enviemos a nosa proposta-catálogo non dúbides en solicitalo e se estades interesadas/os en facer algunha actividade podedes contactar con nós e faremos un deseño conxunto da festa, obradoiro, espectáculo... para que se axuste ás vosas necesidades. 

Podedes localizarnos chamando ó 647.488.688 ou escribindo un correo electrónico a dinamo@dinamoxestion.com

DINAMO organizou un Obradoiro de Chapas no IES Aquis Celenis de Caldas de Reis

O pasado 22 de maio, a equipa educativa de DINAMO levou a cabo un Obradoiro de Chapas no IES Aquis Celenis de Caldas de Reis.

As alumnas e alumnos do primeiro curso da ESO confeccionaron as súas propias chapas con modelos deseñados por elas mesmas/os e outros xa predeseñados. 

Ademais como esta actividade foi moi cercana no tempo co Día das Latras Galegas as mozas e mozos tamén levaron a súa chapa conmemorativa, unha chapa coa imaxe de Roberto Vidal Bolaño.

Esta é unha actividade que ten moito éxito entre a xuventude, como todas as que DINAMO propón dentro do seu catálogo de actividades para a mocidade. Se queres recibir a nosa proposta podes solicitala no 647.488.688 ou escribindo un correo electrónico a dinamo@dinamoxestion.com

DINAMO organiza un Obradoiro de Creatividade no IES Fragas do Eume

Dende o pasado mes de marzo e ata o remate do curso escolar, todas as alumnas e alumnos de Educación Secundaria Obrigatoria do IES Fragas do Eume están a participar nun Obradoiro de Creatividade, impartido por Pedro Brandariz. Cada grupo participa nunha sesión semanal.

O obxectivo destas sesións é acadar un nivel óptimo de desinhibición escénica, así como a adquisición de capacidades creativas, para que as mozas e mozos desenvolvan a súa expresión oral e corporal.

Trabállase dende as técnicas escénicas (teatro, clown, improvisación, narración oral...) as cicncias audiovisuais ... 

Estas actividades son dinamizadas pola equipa educativa de DINAMO Xestión de Actividades Socioculturais SL e promovidas polo Concello de Cabanas que sugrafa os custes das mesmas.

DINAMO organizou un Obradoiro de Adornos de Nadal no Centro Cívico de Novo Mesoiro

Os pasados días 18, 19 e 20 de Decembro a equipa educativa de DINAMO levou a cabo un Obradoiro de Adornos Nadaleños no Centro Cívico de Novo Mesoiro.

A actividade foi destinada a rapazas e rapaces de 3 a 9 anos, e durante tres tardes as máis cativas e cativos confeccionaron diferentes adornos e elementos decorativos de Nadal, sempre con materiais específicos.

Este tipo de actividade ademáis de ter un gran potencial educativos para as pequenas/os tamén supoñen unha excelente medida de axuda á conciliación laboral e familiar, pois mestre as e os participantes pasan unha hora e media divertíndose as súas nais e pais poden aproveitar ese tempo da mellor maneira.

Esta é unha das primeiras actividades que DINAMO realizou no seu extenso programa de Nadal, do que iremos dando conta.

DINAMO imparte un Curso de Lingua de Signos no Concello de Culleredo

Dende o vindeiro día 10 ata o 21 de decembro a equipa profesional de DINAMO impartirá un Curso de Lingua de Signos, de nivel básico. 

  

Neste curso, a través de dinámicas e exercicios específicos apréndense os rudimentos básicos para establecer unha comunicación na lingua de signos, que moitas persoas utilizan, especialmente a comunidade xorda.

 Da mesma maneira que na aprendizaxe dun idioma nova neste curso vaise dar información funcional para poder manter un conversa: alfabeto dactilológico, léxico, principais mensaxes ...

As docentes do curso teñen unha dilatada experiencia no eido da Comunicación en Lingua de Signos, con formación como intérpretes.

O curso é gratuito e desenvolverase no edificio de Servizos Múltiples do Burgo do 10 ao 21 de decembro de 2012, entre as 19:30 e as 21:30 horas. Está organizado polo Concello de Culleredo, dende a Concellaría de Educación.

A inscrición farase dende o luns 19 de novembro ata cubrir as prazas, en horario de 9:00 a 14:00 horas no Servizo Municipal de Educación, na rúa Andrés Pan Vieiro, 30, planta -1, no edificio do Conservatorio, ou no teléfono 981 661 208.

DINAMO ten amplo catálogo de cursos e accións formativas dentro do eido sociocultural. Se queres coñecelos podes chamar ó 647.488.688 ou escribir a dinamo@dinamoxestion.com

DINAMO estivo de Samaín no IES Espiñeira de Boiro

Este mércores 31 de novembro celébranse en moitos lugares da xeografía galega a festa do Samaín. Por eses motivo en moitos centros educativos e de ensino a mañá do 31 adicárona a actividades temáticas, pero de carácter lúdico.

Ese foi o caso do IES Espiñeira de Boiro, no que as alumnas e alumnos poideron participar en dúas actividades organizadas pola equipa profesional de DINAMO:

- Obradoiro de Cabazas do Samaín.
- Obradoiro de Maquillaxe de Efectos.

Estas son dúas das actividades máis demandadas polas mozas e mozos nestas datas de Samaín.

Pero esta non é a única cita de DINAMO co Samaín, tamén se celebran actividades semellantes no Centro de Lecer Xuvenil Portaberta, animacións e pasadizos de terror en casas rurais ... das que iremos dando conta neste blogue.

DINAMO impartiu un Obradoiro de Risoterapia na Asociación Fraga das Saímas

O pasado sábado 29 de setembro DINAMO organizou un Obradoiro de Risoterapia en Boimente, Viveiro. O obradoiro xurdiu da iniciativa da Asociación de Mulleres Rurais Fraga das Saímas.

30 persoas de todas as idades participaron nun obradoiro dinamizado por Pedro Brandariz de 17 a 20 horas, no cal se traballaron as principais dinámicas e exercicios da Risoterapia.

A actividade encádrase dentro do programa "Veladas" que tenta xuntar e dinamizar a toda a veciñanza de Boimente e de Viveiro.