DINAMO organiza o Campamento de Nadal da Federación da Asociación de Veciñas/os da Coruña e da Área Metropolitana

Dende o pasado 23 de decembro a equipa profesional de DINAMO está desenvolvendo un Campamento Temático de Nadal no Birloque, para a Federación da Asociacións de Veciñas e Vecinos da Coruña e da Área Metropolitana.

Durante as mañás lectivas do Nadal de 10:00 a 14:00 un grupiño de 20 nenas e nenos participan nunha manchea de actividades lúdicas e didácticas, dende xogos, xincanas, obradoiros, saídas e excursións, charlas con profesionais...

Este campamento supón ademáis una magnífica oportunidade de conciliación para as familias das cativas e cativos que poden aproveitar esas horas para compatibilizar cuestións laborais ou do día a día.

Dende DINAMO organizamos infinidade de campamentos, ludotecas e espazos de conciliación para moi diferentes entidades por toda Galicia.

DINAMO organiza a Ludoteca da Carpa dos Soños de Boiro

Dende o pasado 23 de decembro a equipa profesional de DINAMO organiza a Ludoteca do espazo navideño denominado "A Carpa dos Soños" en Boiro.

Todas as tardes lectivas ata o 4 de Xaneiro as cativas e cativos poderán participar nunha manchea de actividades lúdicas e vencenlladas co Nadal. Xogos, obradoiros, xincanas, actuacións… son algunhas das actividades que se están levando a cabo.

Dende DINAMO organizamos todo tipo de actividades lúdicas vencelladas co Nadal, así como con outras épocas festivas do ano. 

DINAMO imparte un novo Curso de Mediación Escolar no IES Neira Vilas (Perillo, Oleiros)

De igual maneira que en edicións anteriores a equipa educativa de DINAMO levou a cabo un Obradoiro Formativo en Mediación Escolar e Resolución Pacífica de Conflitos no IES Neira Vilas de Perillo (Oleiros).

Unha selección de alumnas e alumnos dispostas/os a formar parte do equipo de mediación reciben esta formación de carácter eminentemente práctico, composta por dinámicas e exercicios para que as e os participantes aprendan a levar pautado un proceso de mediación 

Dende Dinamo ofrecemos formación en mediación escolar para diferentes centros educativos en toda Galicia.

DINAMO realizou unha Xincana pola Igualdade no CEIP Mesón do Vento

O pasado 27 de novembro s equipa profesional de DINAMO organizou una Xincana pola Igualdade no CEIP Mesón do Vento (concello de Ordes).

As alumnas e alumnos tiveron que superar una serie de probas temáticas en torno á eliminación de estereotipos machistas, detección de roles sexistas, prevención da violencia de xénero… 

Trátase de probas lúdicas e ó mesmo tempo didácticas que axudan á sensibilización en relacións de igualdade, baseadas no respecto e na promoción de actitudes igualitarias.

Dende DINAMO organizamos todo tipo de actividades de sensibilización en igualdade de xénero, dende xincanas lúdicas, obradoiros, charlas formativas, contacontos, proxeccións...

O Apalpador chegou ás parroquias de Cambre da man de DINAMO

Nestes últimos días de 2019, o Apalpador do Courel está visitando todas as parroquias de Cambre, máis concretamente os seus 14 centros sociais e veciñais.

En cada localización prepárase una rececpción do "carboeiro" que preséntase ante as cativas/os e as súas familias, interpreta un espectáculo de narración oral no que conta o seu día a día no Courel e o que fai nos últimos días de decembro baixando ás casas das cativas e cativos e apalpando as barriguiñas.

Este proxecto é xa un clásico das Festas de Nadal do Concello de Cambre, que leva varios anos desenvolvéndose e contando con actores de renome para as interpretacións escénicas, tales como Pedro Brandariz, José Losada...

DINAMO organizou unha Xincana pola Igualdade no CEIP Virxe do Carme de Sober

O pasado 25 de novembro s equipa profesional de DINAMO organizou una Xincana pola Igualdade no CEIP Virxe do Carme en Sober.

As alumnas e alumnos tiveron que superar una serie de probas temáticas en torno á eliminación de estereotipos machistas, detección de roles sexistas, prevención da violencia de xénero… 

Trátase de probas lúdicas e ó mesmo tempo didácticas que axudan á sensibilización en relacións de igualdade, baseadas no respecto e na promoción de actitudes igualitarias.

Dende DINAMO organizamos todo tipo de actividades de sensibilización en igualdade de xénero, dende xincanas lúdicas, obradoiros, charlas formativas, contacontos, proxeccións...

DINAMO organizou un Obradoiro de HipHop pola Igualdade de Xénero en Cee

No pasado mes de novembro a equipa artística e educativa de DINAMO formada por una educadora e una rapeira organizaron un Obradoiro de Rap pola Igualdade no IES Agra de Raíces de Cee, no que durante varias sesións as e os participantes achegáronse á cultura hip-hop en xeral e ´p rap en particular para despois aprender as técnicas básicas do rap, facendo as súas propias rimas e composicións temáticas, para rematar o propio día 25 de Novembro, Día Internacional contra a Violencia Machista, cunha posta en común na Cada da Cultura de Cee, dentro dos actos institucionais organizados polo concello.

Os obradoiros de rap e de cultura hiphop teñen moi boa acollida entre a mocidade e son moi axeitados para traballar na sensibilización pola igualdade de xénero e a prevención da violencia machista.