A Caravana dos Xogos Populares de DINAMO chegou ás Festas do Couto (Ponteceso)

O pasado 30 de Setembro a Aldea do Couto en Ponteceso celebrou as Festas do Sacramento, unha das múltiples citas festivas, lúdicas e culturais que dende a Asociación Monte Branco O Couto organizan durante todo o ano.

A equipa profesional de DINAMO tivemos a sorte de levar a nosa "Caravana de Xogos Populares" á citada festa. Así nenas e nenos, veciñas e veciños e demáis visitantes poideron xogar á rá, ó sapo, ós aros, á ferradura, ós zancos, ó tiralatas, ó metediscos, ó matraquiño, ós birlos, ó pescapeixes, ó pescabotellas, á tartaruga, ó recolle-recolle... e así ata máis de 30 xogos que instalamos e dinamizamos.

A "Caravana dos Xogos Populares" non para e despois dun verán cheo de viaxes inicia a tempada de Outono preparada para visitar Magostos e festas de Samaín.

DINAMO levou a Caravana de Xogos Populares á Feira Modernista de Sada

O pasado venres 28 de xullo a equipa profesional de DINAMO levou a Caravana de Xogos Populares á Feira Modernista de Sada para que cativas/os e maiores poideran divertirse cos máis de trinta xogos que se instalan.

Na explanada marítima de Sada instalamos máis de 30 xogos tradicionais como son: a rá, o sapo, os aros, a ferradura, os zancos, o metediscos, o tiralatas, o pescapeixes, o pescabotellas, os bolos, a tartaruga, os sacos, o recolle-recolle, o tres en raia, as torres de madeira, os crebacabezas, o matraquiño...

Ó tratarse de xogos tradicionais encaixan perfectamente en todo tipo de festas históricas, como foi neste caso a Feira Modernista de Sada.

Se queres consultar a nosa Proposta "A Caravana dos Xogos Populares" só tes que chamar ó 619.345.100 ou escribir a dinamo@dinamoxestion.com