DINAMO leva a Cambre o programa Contos na Lareira

Durante todo o mes de maio desenvolverase no Concello de Cambre o programa "Contos na Lareira" no que se percorren ata trece localizacións diferentes, tanto urbanas como rurais do concello cun programa de actividades centrado nos contos e nos xogos populares.

As actividades teñen unha duración dunha hora. Na primeira parte Pedro Brandariz ou Leticia Miranda interpretan unha serie de contos e na segunda parte as cativas/os e as non tan cativas/os poden participar nos diferentes módulos de xogos populares, que van cambiando día a día, para aumentar desta maneira a participación.

A narración oral céntrase nunha obra de Manuel María, autor homenaxeado este ano 2016 co Día das Letras Galegas. O texto escollido é o de "Aventuras e desventuras dunha espiña de toxo chamada Berenguela".

Ademáis dos contos e dos xogos populares tamén hai que salientar a instalación ou recreación que se fai dunha lareira tradicional, co lume, co pote, cos tallos...

Esta iniciativa parte da Concellería de Cultura de Cambre que pretende descentralizar as diferentes actividades culturais. 

O Apalpador visitou as 12 parroquias de Cambre

Neste Nadal o Apalpador visitou, da man de DINAMO, as doce parroquias de Cambre, en catro xornadas de intenso traballo.

o 23, 28, 29 e 30 de Decembro a equipa de DINAMO fixo as xestions oportunas para que o Apalpador visitara 12 centros sociais, casas de veciños, locais municipais... En cada visita realizouse un contacontos de media hora e una actividade manual de outra media hora, Ademáis o Apalpador agasallou a todas as nenas e nenos con boas presas de caramelos.

No obradoiro as cativas e cativos confeccionaron un divertido "apalpadorno".

Cambre foi un dos concellos que confiou nos servizos de DINAMO para as visitas do Apalpador, igual que outros moitos concellos, entidades sociais, comercios...