DINAMO encargouse da animación infantil da Feira do Mel de Perillo (Oleiros)

O pasado 3 de novembro, a equipa profesional de DINAMO encargouse da dinamización da festa infantil de animación musical que tivo lugar dentro da programación da Feira do Mel de Perillo, Oleiros.

Xogos, bailes, coreografías e outras actividades conformaron una festa dinámica e moi divertida en torno ó mundo da mel e da apicultura. 

Dende DINAMO organizamos todo tipo de actividades lúdicas e de carácter temático para nenas e nenos, e que veñen a dinamizar eventos de moi diferente natureza.

DINAMO organiza un Obradoiro de Grafite en Perillo (Oleiros)

Dende hoxe, 29 de xullo e ata o venres 2 de agosto, 21 mozas e mozos participarán no Obradoiro de Grafite que organiza o Concello de Oleiros e xestionamos dende DINAMO Xestión de Actividades Socioculturais.

A actividade de grafite é unha das máis demandadas pola xuventude, e son moitos os concellos e outras entidades que aproveitan para decorar e acondicionar espazos públicos organizando obradoiros e cursos de grafite e muralismo.

Durante os cinco días de curso as e os participantes aprenderán as técnicas básicas do pintado co esprai, nocións de debuxo muralístico, como pasar dun bosquexo á realidade dos muros...

Desta volta repintarán unha serie de muros onde xa se levara a cabo outra actividade de grafite (hai varios anos), pero que sufriu actos vandalicos e está irrecoñecible.

DINAMO organiza actividades deste tipo por toda Galicia, para multitude de concellos e outras entidades. Ademáis tamén ofrecemos outros obradoiros tanto de cultura urbana en particular, como xuvenís en xeral.

Contacontos e Globoflexia no Campamento Urbano da APA Valle Inclán de Perillo

Este martes, 10 de Xullo, as cativas e cativos que participan no Campamento Urbano da APA do CEIP Valle Inclán viviron unha maña diferente, cunha sesión de contacontos e un obradoiro de globoflexia.

Os contos foron narrados e enfiados polo gran contador "Caxoto Contacontos" e o obradoiro de globoflexia foi levado a cabo pola equipa profesional de DINAMO.

Nunha primeira quenda participaron as nenas e nenos de Educación Infantil e despois foi o turno das rapazas e rapaces do 1º Ciclo de Educación Primaria.

Foron dúas actividades moi atractivas para a rapazada, sobre todo porque os globos tamén foron protagonistas da sesión de contos e historias.

A actividade foi organizada pola Asociación de Nais e Pais das Alumnas e Alumnos do CEIP Valle Inclán de Perillo, e levada a cabo por DINAMO.

DINAMO animou a Feira do Mel de Oleiros para as máis cativas e cativos

O pasado domingo, 6 de novembro, celebrouse no Mercado Municipal de Perillo a Feira do Mel de Oleiros, que xa vai pola súa XXII edición.

Na feira ademáis de degustar, mercar unha gran variedade de meles e produtos da terra as e os visitantes poideron participar en numerosas actividades. Pero as máis pequenas e pequenos tiveron actividades específicas para elas e eles.

Durante boa parte da tarde desenvolveronse sesións de xogos, animación musical, pequenos obradoiros, globoflexia … estando todas estas pequenas actividades organizadas pola equipa profesional de DINAMO Xestión de Actividades Socioculturais.

Todas as actividades estiveron ambientadas na temática da producción de mel: as abellas, os panais, as colmeas, os tipos de mel, os beneficios do seu consumo… Desta maneira ademáis de divertirse as nenas e nenos aprenderon cousas moi importantes sobre o mundo das abellas e do mel.