DINAMO encargouse das Visitas de Papa Noel en Culleredo

O pasado venres 22 de decembro o Concello de Culleredo organizou varias Recepcións de Papá Noelen diferentes localizacións do termo municipal.

En Villa Melania, en Fonteculler e no Burgo instaláronse tres carpas que foron decoradas con motivos nadaleños e nas que se albergaron tanto Papa Noel como tres elfos/as para recibir ás nenas e nenos e poder escoitar as súas peticións, recoller as súas cartas, e darlle caramelos para endulzar o tempo de Nadal.

Dende DINAMO levamos a cabo multitude de actividades de animación para o tempo de Nadal, dende animacións, pasarúas, obradoiros, contacontos, cabalgatas...

DINAMO levou ó Apalpador ós centros educativos de Fene

O pasado luns 18 e martes 19 de decembro O Apalpador do Courel e Xía a Trasna do Monte visitaron os centros educativos do Concello de Fene, grazas á equipa de DINAMO Xestión de Actividades Socioculturais e por iniciativa da Concellería de Cultura do Concello de Fene.

Foron dúas xornadas percorrendo a xeografía de Fene, pois percorreron seis centros educativos. Nos colexios levaron a cabo un contacontos, protagonizado polo propio Apalpador, e una sesión de xogos nadaleños dinamizados por Xía. 

Fene é un dos múltiples concellos que O Apalpador do Courel visitará da man de DINAMO neste remate do ano 2017: Cambre, Viana do Bolo, A Coruña...