DINAMO organizou o Campamento de Nadal da Casa Museo Picasso

Neste pasado nadal que acabamos de deixar a equipa profesional de DINAMO levou a cabo un importante proxecto de expresión e creatividades plástica a través do campamento urbano desenvolvido nas mañás das vacacións invernais na Casa Museo Picasso da Coruña.

As cativas e cativos a través dunha manchea de actividades como xogos, obradoiros, visitas, excursións, roteiros teatrais, xincanas, xogos de pistas... descubriron a importante figura de Picasso.

Aínda que, da mesma maneira que a propia Casa Museo, as actividades centráronse na importantísima etapa coruñesa do artista, as rapazas e rapazas traballaron coas técnicas pictóricas e artísticas do gran pintor internacional, polo que dunha maneira lúdica e moi divertida coñeceron as diferentes etapas e correntes artísticas que foi asumindo.

Dende DINAMO traballamos de xeito directo coas Casas Museo da Coruña, tamén na de María Pita e Casares Quiroga, promocionado o alto valor patrimonial das mesmas a través de visitas guiadas, roteiros teatrailizados, obradoiros, actividades para cativas/os...

Nesta ligazón podes ver algún dos traballos que realizaron as pequenas e pequenos nesta última tanda de campamento,

Fotiños dalgúns dos traballos realizados

DINAMO levou a cabo os Campamentos de Verán na Casa Museo de Picasso

A equipa de DINAMO xestionou, programou e excutou os campamentos de verán da Casa Picasso, da Coruña.

Os campamentos desenvolvéronse en horario de mañá, de luns a venres de 10:30 a 13:30, dende o inicio de Xullo ata o pasado mércores 13 de Agosto.

Nos campamentos participaron nenas e nenos de 4 a 12 anos, en diferentes quendas.

Algunhas das actividades que se realizaron foron visitas guiadas, contacontos, obradoiros artísticos, obradoiros lúdicos, sesións de xogos, xincanas, proxeccións... todas co obxectivo primordial de dar a coñecer e poñer en valor a figura de Pablo Picasso, sobre todo a súa fase coruñesa, pero tamén como era a Coruña naquel tempo. Ademáis preténdese unha formación artística, pero sempre dende un punto de vista lúdico que fai que as actividades sexan moi demandadas.

Ademáis estes campamentos, como todos os campamentos urbanos permiten a conciliación da vida familiar e laboral, ademáis que axudan a estimular o comercio da zona.

DINAMO está especializado en este tipo de servicios campamentais e de actividades lúdicas, educativas, artísticas...

Neste caso as actividades forman parte de Programa de Divulgación das Casas Museo do Concello da Coruña, que xestiona DINAMO Xestión de Actividades Socioculturais.

CampaPicasso, outra das actividades do Programa de Actividades das Casas Museo da Coruña xestionado por DINAMO

Na pasada Semana Santa a equipa profesional de DINAMO levou a cabo na Casa Picasso da Coruña un pequeno campamento para achegar ás nenas e nenos a figura de Picasso. 

Trátase de actividades lúdicas e de creación artística para nenas e nenos de 4 a 10 anos.

Todas as actividades son gratuitas e realizanse en horario de 11:00 a 13:30.

Esta é unha das actividades dentro do Programa de Visitas e Actividades ás Casas Museo da Coruña, da que resultou concesionaria a empresa DINAMO.

"De vacaciones con Picasso" un campamento artístico, organizado por DINAMO

Neste mes de decembro a equipa profesional de DINAMO está a levar a cabo na Casa Picasso da Coruña varias actividades para as máis cativas e cativos para darlles a coñecer a figura do pintor.

Trátase de actividades lúdicas e de creación artística para nenas e nenos de 4 a 10 anos

As actvidades son as seguintes: 

Baixas xogar con Picasso?: 14 e 21 de decembro
De vacacións con Picasso?: 23, 24, 26, 27, 30 e 31 de decembro, e o 2 e 3 de xaneiro.

Todas as actividades se engloban no programa Club Picasso, son gratuitas e realizanse en horario de 11:00 a 13:30.

Esta é unha das actividades dentro do Programa de Visitas e Actividades ás Casas Museo da Coruña, da que resultou concesionaria a empresa DINAMO.