DINAMO organizou unha Xincana Ambiental nas Festas da Gaiteira (A Coruña)

O pasado 15 de agosto a equipa profesional de DINAMO organizou unh Xincana Ambiental para nenas e nenos, dentro da Programación de Festas de María Pita, máis concretamente nas celebracións no barrio da Gaiteira.

A xincana estivo conformada por una serie de probas lúdicas todas elas vencelladas coa preservación da natureza, o consumo responsable e ecolóxico, a reducción de residuos (e a súas reciclaxe), o aforro de recursos naturais…

Foron nove probas de acceso libre para todas as nenas e nenos que quixeran e en canda proba aprenderon cousas interesantes sobre a contorna mais cercana e 
sobre todo sensibilizáronse na idea de procurar un mundo mellor e máis sostible.

Dende DINAMO ofrecemos un amplo catálogo de actividades e servizos de Educación Ambiental. Se queres recibir as nosas propostas podes chamar ó 619.345.100 ou escribir a dinamo@dinamoxestion.com

DINAMO participou na Semana Cultural do IES Fragas do Eume

A pasada semana a equipa profesional de DINAMO levou a cabo diferentes actividades dentro da Semana Cultural do IES Fragas do Eume, dentro do Programa de Intervención coa Mocidade “Saída 21” impulsado polo Concello de Cabanas e Pontedeume.

O mércores 20 e o xoves 21 as mozas e mozos participaron en actividades como “Gravación de Curtas co Móbil”, “Xincana Ambiental no Piñeiral de Cabanas”, “Xogos Populares”, “Obradoiro de Ligue” …

Son actividades demandadas pola propia mocidade, a través do Programa de Intervención coa Mocidade “Saída 21” que organiza actividades durante todo o curso escolar e tamén durante os períodos vacacionais. De feito xa se están preparando as actividades dos meses de verán, das que daremos conta neste blogue.