DINAMO organizou Actividades de Entroido en Fene

Neste pasado Entroido a equipa profesional de DINAMO organizou diferentes Actividades de Entroido no Concello de Fene.

O luns 8 a actividade foi un Obradoiro de Larpeiradas de Entroido, no que as cativas e cativos poideron elaborar filloas, orellas, rosquillas... coas súas propias mans.

E o martes 9 o turno foi para a Festa Infantil de Entroido na carpa municipal, onde se realizaron bailes, xogos, obradoiros de maquillaxe e globoflexia, desfile de disfraces...

Esta son só algunas das actividades que dende DINAMO realizamos neste tempo de Entroido.

DINAMO imparte un novo Curso de Lingua de Signos en Culleredo

A equipa educativa de DINAMO esta a impartir durante estas dúas últimas semanas de abril un novo Curso de Iniciación á Lingua de Signos Española en Villamelania, instalacións do Concello de Culleredo.

Este tipo de formación é cada vez máis demandada pola sociedade co obxectivo de establecer mellores canles de comunicación con todas as persoas, en concreto as persoas xordas. 

No cursiño de 20 horas adquírense as capacidades básicas para manter unha conversa con persoas xordas, o vocabulario máis importante, as reglas de comunicación primordiais...

Este curso xa é o segundo que se leva a cabo pois na primeira edición quedou moita xente en lista de agarda. A idea do concello é nas vindeiras datas ofrecer un novo curso, desta volta xa de especialización.

Dende DINAMO contamos con persoas cunha formación técnica especializada para impartir este tipo de formación. Se estades interesadas/os en organizar un curso destas características non dubides en chamar ó 647.488.688 ou escribir a dinamo@dinamoxestion.com

DINAMO impartiu un Curso de Maquillaxe Infantil en Mesía

DINAMO organizou o pasado 3 de marzo un Curso de Maquillaxe Infantil no Concello de Mesía, no que as e os participantes aprenderon as técnicas básicas da maquillaxe, as figuras de "fantasía" máis demandadas polas cativas e cativos, así como diferentes trucos para ganar en rápidez e eficacia.

Traballaron con diferentes materiais e técnicas co obxectivo de, no futuro, poder dinamizar actividades deste tipo con cativas e cativos.

O curso foi promovido pola Oficina de Información Xuvenil do Concello de Mesía e impartido pola equipa profesional de DINAMO. 

Este é un dos cursos monográficos que ofrecemos dende DINAMO. Se queres recibir a nosa Proposta de Cursos Monográficos tan só tes que pedila no 647.488.688 ou en dinamo@dinamoxestion.com

DINAMO leva o espectáculo "O Xénero con Humor" a Pontedeume, Abegondo e Cambre

Con motivo da celebración do 8 de Marzo, o Día Internacional das Mulleres, son moitos os concellos e entidades sociais que levan a cabo actividades de sensibilización da poboación en igualdade de xénero.

Dende DINAMO sempre ofrecemos un amplo catálogo de actividades e iniciativas para dinamizar tal efeméride. Este ano, unha das actividades máis demandada foi o monólogo cómico "O Xénero con Humor", interpretado polo recoñecido actor Pedro Brandariz.

No espectáculo analízanse, dende un punto de vista cómico e humorístico, as conductas machistas que aínda perviven na sociedade actual, os estereotipos sexistas, os roles de xénero diferenciados ... todo co claro obxectivo de que as persoas que participen desta peza teatral reflexionen sobre a súa implicación nas desigualdades de xénero, e sobre todo acadar unha sensibilización cada vez maior na igualdade de xénero real e efectiva entre homes e mulleres.

O espèctáculo vaise representar nas seguintes vilas e datas:

Venres 8 de Marzo. 20:00. Casa da Cultura. Pontedeume.
Xoves 14 de Marzo. 20:00. Restaurante El Pantano. Abegondo,
Venres 15 de Marzo. 18:30. Casa da Xuventude. Casa das Palmeiras. O Temple. Cambre.

Esta é unha das múltiples actividades que DINAMO leva a cabo no eido da igualdade de xénero, actividades das que seguiremos informando neste blogue.

DINAMO imparte Cursos de Formación para Poboación Xitana en Arteixo

A equipa profesional de DINAMO está a impartir unha serie de accións formativas para poboación xitana no Concello de Arteixo co obxectivo da capacitación profesional.

As tres accións que se desenvolven son:

Obradoiro de Tratamento de Residuos Sólidos (6 horas)

Obradoiro de Venta Ambulante (8 horas)

Obradoiro de Formación Dixital (25 horas)

Estas accións enmarcanse dentro dun amplo programa de apoio e atención á poboación xitana que desenvolve o Concello de Arteixo, a través da Concellería de Servizos Sociais.

Comeza o Curso de Lingua de Signos en Culleredo cunha ampla demanda

Este luns, 10 de decembro, comezou en Culleredo o Curso de Lingua de Signos, organizado polo concello cullerdense, a través da Concellería de Educación.

 

O curso tuvo moi boa resposta entre as veciñas e veciños, xa que houbo máis de 70 solicitudes para tan só 20 prazas. Afortunadamente a sociedade vaise concienciando da necesidade de establecer pontes de comunicación coa comunidade xorda.

 

Imparten este curso dúas especialistas e intérpretes en lingua de signos que forman parte da equipa profesional de DINAMO.

 

Dende DINAMO ofrecemos variedade de cursos e accións formativas no eido da Lingua de Signos. Se queres máis información podes chamar ó 647.488.688 ou escribir a dinamo@dinamoxestion.com

DINAMO levou a cabo as Xornadas sobre Estereotipos de Xénero no Concello de Abegondo

Nas pasadas semanas de novembro a equipa educativa de DINAMO levou a cabo as Xornadas sobre Estereotipos de Xénero nos centros educativos do Concello de Abegondo. 

Máis dun cento de rapazas e rapaces participaron nas sesións de traballo nas que se abordaron os estereotipos e os roles machistas, co obxectivo de erradicalos no menor tempo posible, e acadar así a igualdade efectiva entre homes e mulleres.

Participaron catro grupos de Educación Primaria do CEIP San Marcos (5º e 6º de Educación Primaria) e dous grupos de 2º da ESO do IES de Viós. Cada grupo-aula participou en tres sesións de traballo coa equipa profesional de DINAMO, especializada en temas de igualdade de xénero e prevención da violencia machista.

O programa pechouse o pasado venres 23 de novembro cun acto institucional na casa consistorial, onde as alumnas e alumnos amosaron os traballos realizados, concretado nun video-resumo que se editou dende DINAMO. O acto contou coa presenza do Alcalde de Abegondo (José Antonio Santiso Miramontes)  e a concelleira de Servizos Sociais, dinamizado polo actor Pedro Brandariz.

DINAMO promociona o Programa "Noites Abertas" nos IES de Pontevedra

A compañía DINAMOteatro xunto coa equipa de Nova Xestión Cultural están levando a cabo nos institutos de Pontevedra unha campaña de promoción do programa de lecer xuvenil “Noites Abertas” organizado polo Concello de Pontevedra.

A través de animacións teatrais nos tempos de recreo dos centros educativos as alumnas e alumnos reciben a información máis relevante para participar no programa, así como material do mesmo: folletos, tarxetas, carnets, cartazes …

Desta maneira chámase a atención das mozas e mozos e despertase o seu interese, motívase a participación …

A compañía DINAMOteatro realiza numerosas accións na rúa para levar a poboación todo tipo de campañas.

DINAMO animou a Pista de Xeo dos Xardíns de Méndez Nuñez

As pasadas noites do 23 e 30 de decembro a equipa de animación de DINAMO organizou diferentes actividades para dinamizar a Pista de Xeo Artificial dos Xardíns de Méndez Nuñez, sobre todo para a xente moza.

O día 23 organizouse unha adaptación dos “Xogos Olímpicos de Inverno” no que as mozas e mozos tiveron que superar probas “olimpícas” ou case, ademáis de música pinchada en directo, cocteles sen alcol, acceso libre á pista …

E o día 30 as actividades ambientáronse nunha Festa Esquimal, con xogos e entretementos adaptados, música en directo, photocall temático …

As actividades desenvolveronse por iniciativa do Concello da Coruña.