DINAMO organizou un Obradoiro de Radio en Oleiros

O pasado mes de Xullo a equipa de DINAMO organizou un Obradoiro de Radio para a mocidade oleirense. 

As e os participantes achegáronse á técnica radiofónica de maneira totalmente práctica, creando un programa tipo magazine que se editou en formato podcast, para que todas as alumnas e alumnos poideran ter o produto final. 

Recibiron unha formación tanto de tipo técnico (a nivel de son e grabación) como artístico e xornalístico (creación de contidos, formatos...)

DINAMO organizou un Obradoiro de Curtas en Oleiros

No pasado mes de xullo a equipa de DINAMO, en colaboración co produtora coruñesa Porco Bravú organizou un Obradoiro de Curtametraxes para a mocidade do Concello de Oleiros.

Durante varias xornadas as e os participantes achegáronse de maneira totalmente práctica á creación audiovisual, dende a creación do guión, pasando pola planificación da grabación, a rodaxe, a edición e montaxe…

Para acompañar este proceso no curso "creouse" unha curtametraxe dende cero, dende a idea inicial e ata a proxección final.

Este tipo de formación ten unha gran resposta de participación pois hoxe en día, grazas á evolución e democratización dos medios técnicos, faise cada vez máis sinxela a creación audiovisual, sempre contando cunhas directrices como as que se dan neste tipo de cursos, obradoiros e acción formativas.

DINAMO participou coa Caravana de Xogos Populares na Romería de Elviña

O pasado 9 de setembro DINAMO participou na Romería de Elviña-Castro coa súa Caravana de Xogos Populares, na que participaron cativas e cativos, así como tamén as e os maiores.

Rá, sapo, metediscos, zancos, tartaruga, tres en raia, minifutbolíns, torres de madeira, dominós, puzles, chave, zapatos cooperativos, tiralatas, aros, sogatira, mancha, pescapeixes, pescabotellas… son algún dos xogos que conforman a Caravana dos Xogos Populares. 

DINAMO levou a súa Caravana de Xogos Populares ás Festas da Gaiteira

O pasado 15 de agosto a equipa de DINAMO levou a súa Caravana de Xogos Populares ás Festas da Gaiteira, dentro da Programación das Festas de Barrio de María Pita.

Foron máis de 30 xogos tradicionais instalados e dinamizados por monitoras/es especializadas/os.

A "Caravana dos Xogos Populares" é una das propostas "estrela" para levar a cabo en festas e eventos culturais. Unha proposta tanto para nenas e nenos como para as persoas adultas.

DINAMO organizou Obradoiros de Rap nos Centros Cívicos da Coruña

Este verán, a equipa profesional de DINAMO organizou unha serie de Obradoiros de Rap nos Centros Cívicos do Concello da Coruña. 

As e os participantes nestes obradoiros aprenderon a rimar, a encaixar as súas propias letras e composicións con bases musicais, a improvisar letras de maneira free-style. 

Ademáis neste tipo de obradoiros trabállase dende a perspectiva da educación en valores, tales como a igualdade de xénero, a xustiza social, a cooperación e a solidariedade.

Estes obradoiros enmárcanse dentro do Programa de Lecer Saudable promovido pola área de Servizos Sociais do Concello da Coruña.

Dende DINAMO organizamos obradoiros de rap, de hip-hop e de cultura urbana en xeral. Se queres recibir o noso Catálogo de Actividades de Cultura Urbana podes solicitalo no 619.345.100 ou escribir a dinamo@dinamoxestion.com

DINAMO organizou un Obradoiro de Contacontos e Monólogos

No pasado mes de Xullo a equipa de DINAMO organizou un Obradoiro de Iniciación ós Contacontos e Monólogos no Centro Cívico de Monte Alto, dentro do Programa de Lecer Saudable para a mocidade impulsado polo Concello da Coruña. 

O docente encargado desta formación foi Pedro Brandariz, con ampla experiencia tanto no eido dos monólogos como dos contacontos, pois as dúas técnicas escénicas comparten a narración oral como eixo central..

As alumnas e alumnos do Obradoiro aprenderon as técnicas básicas da narración oral e puxeron en práctica, de maneira directa, os coñecementos adquiridos. 

Dende DINAMO ofrecemos permanentemente diferentes accións formativas en torno ás artes escénicas, das que damos boa conta neste espazo e nas propias redes sociais.

DINAMO xestionou diferentes servizos e actividades na III Romería Castrexo-Romana Galaicoi de Cambre

A pasada fin de semana, do 13, 14 e 15 de Xullo a equipa profesional de DINAMO encargouse da xestión e desenvolvemento de diferentes servizos na Romería Castrexo-Romana Galaicoi, organizada polo Concello de Cambre.

Por una banda encargámonos da ambientación e fío musical que soou durante toda a fin de semana e dos servizos de speaker, dando boa conta das diferentes actividades, animando á participación, ofrecendo información de utilidade… A persoa escollida para facer de speaker foi o cómico Pedro Brandariz, que fixo pasar una fin de semana diferente e divertida.

Ademáis o sábado e o domingo as máis cativas e cativos desfrutaron da nosa Caravana de Xogos Populares, máis de trinta xogos tradicionais, que poboaron a campa central do castro, sendo una das actividades máis demandadas e con maior participación.