A Caravana dos Xogos Populares de DINAMO chegou ás Festas do Couto (Ponteceso)

O pasado 30 de Setembro a Aldea do Couto en Ponteceso celebrou as Festas do Sacramento, unha das múltiples citas festivas, lúdicas e culturais que dende a Asociación Monte Branco O Couto organizan durante todo o ano.

A equipa profesional de DINAMO tivemos a sorte de levar a nosa "Caravana de Xogos Populares" á citada festa. Así nenas e nenos, veciñas e veciños e demáis visitantes poideron xogar á rá, ó sapo, ós aros, á ferradura, ós zancos, ó tiralatas, ó metediscos, ó matraquiño, ós birlos, ó pescapeixes, ó pescabotellas, á tartaruga, ó recolle-recolle... e así ata máis de 30 xogos que instalamos e dinamizamos.

A "Caravana dos Xogos Populares" non para e despois dun verán cheo de viaxes inicia a tempada de Outono preparada para visitar Magostos e festas de Samaín.

DINAMO organizou un Curso de Mediadoras/es Escolares no IES Neira Vilas

Nos últimos días de setembro a equipa profesional de DINAMO organizou un Curso de Mediación para alumnas e alumnos do IES Neira Vilas. 

Durante una semana as mozas e mozos participaron nunha formación totalmente práctica aprendendo as diferentes fases e procesos da mediación escolar e practicando moi diferentes casuísticas. 

Con este curso preténdese que o alumnado teña  os recursos e capacidades para evitar as consecuencias negativas dos conflitos, mediar nos casos que sexa necesario e afrontar os mesmos desde un punto de vista positivo.

Dende DINAMO ofrecemos un amplo catálogo de accións formativas para os centros educativos, tanto de Educación Primaria como Secundaria. 

DINAMO levou a Caravana dos Xogos Populares á Festa das Utopías na Coruña

O pasado venres 8 de setembro a equipa profesional de DINAMO levou a "Caravana dos Xogos Populares" á Festa das Utopías, organizada por Culturactiva.

A Festa das Utopías levou ó barrio de Monte Alto unha manchea de actividades e propostas escénicas e musicais, como Peter Punk, Gala de Circo, Leo Bassi, e todo iso acompañado dos xogos tradicionais da "Caravana dos Xogos". 

Dende DINAMO levamos a Caravana dos Xogos Populares a todo tipo de eventos, festas, espazos e entidades.

DINAMO programou os monólogos das Festas de Riveira

Nas pasadas Festas Patronais de Santa Uxía de Riveira, ademáis das orquestas e actividades máis tradicionais tamén se programaron monólogos nas principais prazas da vila.

O ciclo de monólogos, xestionado por DINAMOproducións, constou de tres monólogos cómicos:

Venres 8, Praza de Vigo: Víctor Grande.
Sábado 9, Praza de Compostela: Padre Merino
Domingo 10, Paseo do Malecón: Luis Pousada

DINAMO levou a Caravana de Xogos a Valdoviño

O pasado 26 de Agosto a equipa profesional de DINAMO levou a Caravana dos Xogos Populares a Valdoviño, concretamente ás Festas de Lourido. 

A Caravana de Xogos é una magnífica actividade para levar a cabo en festas e celebracións populares. 

A equipa profesional chega a calquera lugar de Galicia e instala máis de trinta xogos tradicionais en aproximadamente una hora. Despois os xogos poden estar todo o tempo que sexa necesario: dúas, tres horas, ou toda una tarde, xornada...

Se queres recibir orzamento para este tipo de actividades podes chamar ó 619.345.100 ou escribe a dinamo@dinamoxestion.com

DINAMO organizou unha Xincana de Circo en Cambre

A equipa profesional de DINAMO organizou una Xincana de Circo para nenas/os e mozas/os en Cambre, o pasado 1 de setembro.

As e os participantes repartíronse en tres grupos rotatorios con tres actividades específicas de malabares (bolas, diábolo e mazas), acrobacias e equilibrios (slakline, circuitos de equilibrios, zancos...) 

Ademáis instalamos elementos lúdicos e circenses por todo o Parque da Igrexa: circuitos, colchonetas, photocall...

Dende DINAMO organizamos todo tipo de actividades teatrais, escénicas e circenses. Se queres recibir a nosa proposta podes chamar ó 619.345.100 ou escribir a dinamo@dinamoxestion.com

DINAMO levou a Caravana dos Xogos Populares ó Festival Folk de Guísamo

O pasado 26 de agosto a equipa profesional de DINAMO levou a súa Caravana de Xogos Populares ó Festival Folk de Guísamo (Bergondo) con máis de 30 xogos tradicionais que van dende a rá ata o sapo, pasando polos zancos, os aros, a ferradura, o tiralatas, o metediscos, o pescapeixes, o pescabotellas, o virapau, os crebacabezas, os tres en raia, os remedos, as torres de madeira...

Esta macroinstalación de xogos tradicionais é una magnífica oportunidade de ofrecer una actividade interxeracional que gustará a cativas/os e maiores.

Ademáis a "Caravana dos Xogos Populares" encaixa á perfección en romerías, festas e festivais. Se queres recibir a nosa proposta podes chamar ó 619.345.100 ou escribir a dinamo@dinamoxestion.com