DINAMO organiza Obradoiros de Iniciación a Youtube en diferentes centros cívicos da Coruña

Durantes os meses de xullo e agosto a equipa profesional de DINAMO desenvolveu una serie de obradoiros de "Iniciación a YouTube" para a mocidade nos Centros Cívicos do Concello da Coruña.

Durante varias mañás nos Centros Cívicos de Monelos, Labañou e Monte Alto as e os participantes recibirin información práctica sobre como crear os seus propios vídeos e canles de YouTube, abordando todos os procesos, dende a idea orixial, o guión literario e técnico, a grabación ou rodaxe, a edición e montaxe, así como a xestión dos propios vídeos nunha canle de YouTube, 

Este tipo de actividades están enmarcadas dentro do Programa de Lecer Saudable da área de Servizos Sociais do Concello da Coruña.

Dende DINAMO ofrecemos un amplo catálogo de actividades para a mocidade. Se queres recibir as nosas propostas só tes que escribir a dinamo@dinamoxestion.com ou chamar ó 619.345.100.

DINAMO organiza Obradoiros de Cociña para Mozxs no Centro Cívico de Monelos

Durante o mes de xullo e parte de agosto a equipa profesional de DINAMO leva a cabo tres Obradoiros Semanais de Cociña Básica para mozas e mozos.

Son cinco sesións para cada grupo de idade, dende os 12 ata os 30 anos, nas que as e os participantes aprenden o básico para cociñar de maneira autónoma. E de paso descubren pratos e receitas un pouco máis específicas e diferentes, co obxectivo de que cociñar sexa algo divertido para elas e eles.

Trátase de ofrecer unha capacitación das máis básicas, e ao mesmo tempo traballar no eido da igualdade de xénero, fuxindo de estereotipos e roles machistas, así como na boa alimentación e nutrición.

Estas actividades están enmarcadas dentro do Programa de Ocio Saudable que o Concello da Coruña, a través de Servizos Sociais, leva a cabo nos centros cívicos.

Os obradoiros de cociña son unha magnífica oportunidade didáctica para mozas/os e para nenas/os. Se queres coñecer a nosa Proposta de Obradoiros de Cociña non dubides en chamar ó 619.345.100 ou escribir a dinamo@dinamoxestion.com

Todas as citas de DINAMO co Entroido

Dende DINAMO Xestión de Actividades Socioculturais organizamos unha manchea de actividades de Entroido por toda a xeografía galega, dende hoxe mesmo ata ben entrado o Entroido pequeno dentro de dúas semanas.

Todas as actividades de DINAMO, igual que en anteriores edicións, teñen carácter temático. E neste 2012 as actividades, as monitoras e monitores irán ambientados na temática de “Os Deportes”. Así que se vedes a un grupo de “deportistas” un tanto estrafalarias/os, non o dúbides : son as xentiñas de DINAMO.

A continuación detallamos boa parte das actividades das que organiza, xestiona e desenvolve DINAMO:

Xoves 16. Festa Infantil no Centro Cívico Municipal de Monelos. A Coruña

Venres 17. Actividades de Entroido (monólogo + maquillaxe + cociña) no IES Pedregal de Irimia (Meira).

Venres 17. Contacontos de Entroido no CRA. de Oroso, a cargo de Caxoto Contacontos.

Venres 17. Festa Infantil no CEIP. Isidro Parga Pondal (Santa Cruz. Oleiros).

Domingo 19. Festa Infantil na Casa da Cultura de Bóveda.

Domingo 19. Festa Infantil no Pavillón Municipal de Carballedo.

Luns 20. Festa Infantil no Centro Cívico Municipal do Castrillón. A Coruña.

Martes 21. Festa Infantil no Pavillón Municipal de Moeche

Martes 21. Festa Infantil no Pavillón Municipal de Cambre

Martes 21. Presentación do Entroido de Cabana de Bergantiños, a cargo de Pedro Brandariz

Son só algunhas das actividades que organiza DINAMO para celebrar o Entroido por toda a xeografía galega.

DINAMO organiza unha manchea de Festas e Actividades de Nadal

Nestas datas de Nadal sucédense as celebracións festivas para as máis cativas e cativos. Son moitos os concellos, asociacións e outras entidades que dende finais de decembro ata o día de Reis organizan actividades nas súas instalacións.

DINAMO organiza este tipo de actividades e eventos festivos, e como mostra informamos de varias que xa fixemos ou que aínda imos facer:

Xoves 22 de Decembro: Contacontos e Presentación da Festa de Nadal no Centro Cívico de Palavea (A Coruña)

Venres 23 de Decembro: Organización da Festa Infantil de Nadal do Concello de Moeche

Luns 26 de Decembro:  Obradoiro de Adornos e Postais de Nadal no Centro Cívico de Mesoiro (A Coruña)

Luns 26 de Decembro: Organización da Festa Infantil de Nadal no Centro Cívico de Monelos (A Coruña)

Martes 27: Contacontos de Caxoto na Pobra do Caramiñal

E ademáis todas as visitas do Apalpador, os obradoiros na Biblioteca da Sagrada Familia (A Coruña), a animación da Pista de Patinaxe da Zona Obelisco … das que xa daremos conta en vindeiras entradas.

E como se dí nestes casos “Bo Nadal e Próspero 2012”